चाहिलिगु
चाहिलिगु धाःगु छगू थासं मेगु थासय् छुं ईया निंतिं वनिगु लय्ताज्या ख। आपालं मनूत न्ह्याइपुइकेगु निंतिं चाहिलिगु या। मनूतेसं पाहांया रुपय् वा म्हस्युपिं मनु नापलायेत, बनेज्याया निंतिं आदि थीथी कारणं चाहिलि। तर मेमेगु कारण दसु छ थासं न्ह्याबिलेंया निंतिं मेगु थासय् च्वं वनिगु (माइग्रेसन), युद्धं बिसुवनिगु आदियात चाहिलिगुज्या दुने दुथ्याइमखु। चाहिलिगु धाःगु न्यासि वना, गसा गया, फय्गः वा लःखः गयाः यायेछिं। चाहिलिम्ह मनूयात चाहिलामि धाइ।
चाहिलिगु स्थानीय, क्षेत्रीय, राष्ट्रिय वा अन्तराष्ट्रिय जुइफु। छुं देसय् गैह्र-स्थानीय नं आन्तरिक पासपोर्ट मा धाःसा अन्तराष्ट्रिय यात्राया निंतिं आपालं पासपोर्ट व भिसा मा।
चाहिला धाःगु खँग्वःयात यात्रा नं धाइगु या। थ्व यात्रा धाःगु खँग्वः संस्कृत खंग्वः ख व नेपालभासय् पाहां खँग्वःया कथं छ्यलीगु या।
ताजि
[सम्पादन]चाहिलिगुया ताजि थथे दु:
- न्यासी वनेगु
- क्रुज लःखः दुने लखय् च्वसं चाहिलिगु
- धर्मकर्मया निंतिं चाहिलिगु बाय् तीर्थयात्रा
- रेलं चाहिलिगु
- हिच-हाइकिङ्ग (गसा दिकाः गसामितेत छगू थासं मेगु थासय् यंकाबीत इनाप यासें याइगु चाहिला)
- गसा गया याइगु चाहिला
- फसय् फय्गः छ्यला याइगु चाहिला
- सर्ग चाहिला: सर्गतय् सर्ग-गसा (स्पेसक्राफ्त) छ्यला याइगु चाहिला
कारण
[सम्पादन]चाहिलिगु कारणय् लय्ताज्या, बिदा, म्ह वा उसाँय् भिंकेगु, पाहाँ वा पर्यटन, अनुसन्धान चाहिला, जानकारी मुंकेगु, मनूतय्त नापलायेगु, दानया निंतिं स्वयंसेवक चाहिला, मेथाय् जीवन शुरु यायेत आप्रवासन, धार्मिक तीर्थयात्रा आदि ला।
यात्राया निंतिं यक्व उद्देश्यय् छुं थथे जुइफु
- आनन्द
- झासु
- मालेज्या व अन्वेषण
- साहसी एदभेन्चर
- तजिलजि बियेकायेगु निंतिं
- पारस्परिक स्वापू दयेकेगु निंतिं
- तनावयात चीकेत
- लुमन्ति दयेकेत
- सांस्कृतिक अनुभव यायेत व म्हसीकेत
- स्वयंसेवाया निंतिं
- नखःचखः व ज्याझ्वः
स्वयादिसँ
[सम्पादन]
लिधंसा
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Travel |