कोष जीवशास्त्र

विकिपिडिया नं

कोष जीवशास्त्र म्वाःगु कोषया अध्ययन ख। थ्व शास्त्रया दुने कोषकुचाया संरचना व ज्याया नापं कोषं दयेकीगु कार्बोन-आधारित मोलेक्युलया अध्ययन जुइ। कोष जीवशास्त्र छगू अन्तरविषयक शास्त्र खः व थुकिया दुने जेनेतिक्स, जीवरसायनशास्त्र, मोलेक्युलर बायोलोजी, इम्युनोलोजी, व अन्यान्य विषय व पद्धतिया सिद्धान्त प्रयोजित जुइ।

कोष जीवशास्त्रया दकलय् महत्त्वपूर्ण मोलेक्युल डी एन ए, आरएनए व प्रोटिन ख।[१]

कोषया दकलय् महत्त्वपूर्ण संरचना न्युक्लियस व क्रोमोजम खसां कोषय् मेमेगु महत्त्वपूर्ण कुचा नं दयाच्वनि। युकेरियोतिक कोषया संरचना प्रोकेरियोतिक कोषया संरचना स्वया जटिल जुइ। थुकिया कारण इन्दोसिम्बायोसिस खः  : युकेरियोतया छुं कुचाः (दसु माइतोकोन्द्रिया व प्लास्तिद[२][३]) थमंतुं न्हापा प्रोकेरियोत कोषया रुपय् दयाच्वंगु संरचना ख।

कोषया दकलय् महत्त्वपूर्ण ज्याय् छगू विभाजन ख। विभाजन माइतोसिस वा मायोसिस पद्धतिं जुइ। बहुकोषीकीय जीवया कोष थीथी ज्याय् विशिष्टिकृत जुयाच्वनि व थीथी प्रकारया कोषया रुप मेगु प्रकारया कोष स्वया पृथक जुयाच्वनि।

  • साइतोलोजी मूकथं कोषया रुप व संरचनानाप स्वापू तइ।

लिधंसा[सम्पादन]

  1. Gall JG & McIntosh JR eds 2001. Landmark papers in cell biology. Bethesda, MD and Cold Spring Harbor, NY: The American Society for Cell Biology and Cold Spring Harbor Laboratory Press.
  2. Alberts B, Johnson A. Lewis J. Raff M. Roberts K. Walter P. 2008. Molecular biology of the cell, 5th ed. Garland.
  3. Lodish H. Berk A. Matsudaira P. Kaiser CA. Krieger M. Scott MP. Zipurksy SL. Darnell J. 2004. Molecular cell biology, 5th ed. WH Freeman: NY.