कम्पानिया
| कम्पानिया | |||
|---|---|---|---|
| — क्षेत्र — | |||
|
|||
 |
|||
| देय् |  Italy |
||
| मुख्यालय | नेपल्स | ||
| Government | |||
| - President | Vincenzo De Luca (PD) | ||
| - Legislature | Regional Council | ||
| Area | |||
| - Total | १३,६७१ km2 (५,२७८.४ sq mi) | ||
| Population (30 April 2023) | |||
| - Total | ५,५८०,५६७ | ||
| - Density | ४०८.२/km2 (१,०५७.२/sq mi) | ||
| Time zone | CET (UTC+1) | ||
| - Summer (DST) | CEST (UTC+2) | ||
| ISO 3166 code | IT-72 | ||
| HDI (2021) | 0.856[१] very high · 19th of 21 |
||
| NUTS Region | ITF | ||
| Website | Template:Official URL | ||
कम्पानिया इतालीया छगू प्रशासनिक क्षेत्र खः। थ्व क्षेत्रया अधिकांश भाग इतालियन प्रायद्वीपया दक्षिण-पश्चिमी भागय् ला। थ्व क्षेत्रया पश्चिमय् तायरियन सागर ला। नापं, थ्व क्षेत्रय् फ्लेग्रियन द्वीप व केपरी द्वीप नं ला। कम्पानिया क्षेत्रया राजधानी नेपल्स खः। सन् २०१८य् थ्व क्षेत्रया मनूल्या थ्यंमथ्यं ५,८२०,००० मनू दु। थ्व मनूल्या इतालीया सकल क्षेत्रय् स्वंगु दकले अप्व मनूल्या खः। १३,५९० वर्ग किमी (५,२४७ वर्ग माइल)या क्षेत्र नापं, थ्व दकले अप्व जनघनत्व दूगु क्षेत्र खः। सकल ग्राहस्थ उत्पादया आधारय् कम्पानिया दक्षिणी इतालीया दकले आपा आर्थिक उत्पादन दूगु क्षेत्र व सकल इतालीइ ७गू दकले आपा उत्पादन दूगु क्षेत्र खः। कम्पानियाय् दूगु नेपल्सया नगर क्षेत्र युरोपियन संघया ८गू दकले आपा मनूल्या दूगु क्षेत्र खः। थ्व क्षेत्रय् इतालीया ५८गू युनेस्को विश्व सम्पदा स्थलय् झिगू स्थल दु, गुकिलि पोम्पेई व हरकुलेनियम, केसर्ताया लाय्कू, अमाल्फी तट, बेनेभेन्तोया सान्ता सोफियाया लोङ्गोबार्दियन चर्च व नेपल्सया ऐतिहासिक केन्द्र ला। थ्व नापं, कम्पानियाया माउन्त भेसुभियस युनेस्कोया बायोस्फेर रिजर्भया हलिं सञ्जालया छगू भाग खः।
कम्पानियाया आन्तरिक क्षेत्रय् न्हापांगु सहस्राब्दी ईसा पूर्वया शुरुआत निसें हे ओस्सी, सामनाइत्स व एत्रस्कन्सया बसोबास दयाच्वन। ८गू व ८गू शताब्दी ईसा पूर्वया दथुइ थनया तटीय क्षेत्रय् प्राचीन ग्रीक (म्याग्ना ग्रेसिया)या बस्ती दयावल। थ्व इलय् काप्वा थ्व क्षेत्रया प्रमुख नगर जुयाच्वन। नेपल्स धाःसा थ्व इलय् ग्रीकभाषी मनूत च्वनिगु छगू असामान्य नगरया रुपय् दयाच्वन।
कम्पानिया तजिलजिइ छगू समृद्ध क्षेत्र खः। थन नसा, संगीत, वास्तुकला व पुरातात्विक/प्राचीन थाय्तेगु निंतिं नांजाः। थनया छुं नांजाःगु थासय् पम्पेई, हरकुलेनियम, ओप्लोन्तिस, पेस्टम, एक्लेनम, स्तेबिया व भेलिया आदि मू थाय् खः। "कम्पानिया" नां लातिन भासं बुयावःगु खँग्वः ख। रोमनतेसं थ्व क्षेत्रयात काम्पानिया फेलिक्स ("उब्जाउ ग्रामीण लागा" वा "सुखी ग्रामीण क्षेत्र")या रूपय् म्हसीकातःगु नामं थ्व नां बुयावःगु खः। थ्व क्षेत्रया समृद्ध प्राकृतिक सुन्दरताया कारणं थ्व क्षेत्र पर्यटन उद्योगया निंतिं नांजाः। थनया छुं नांजाःगु पर्यटकीय क्षेत्रय् नेपल्स नगर, अमाल्फी तट, भेसुभियस च्वका वव केपरी व इस्चियाया द्वीप आदि ला।