ओपेरा
ओपेरा छगु प्रकारया कला विधा ख गुकिलि गायक व संगीतकारतयेसं थियात्रिकल दबूलिइ नाटकीय कला क्यनि। थ्व कला लिब्रेत्तो धाःगु पाठ व सांगीतिक स्कोर ल्वाकछ्याना क्यनिगु याइ। [१] ओपेरां नवाइगु थियटरया यक्व तत्त्व नालाकाःगु दु गथे कि अभिनय, थियात्रिकल सिनरी, विशेष परिस्थिति कथंया वसः व गब्लें-गब्लें प्याखं ओपेराय् छ्यलातःगु दै। ओपेराय मञ्चन साधारण कथं ओपेरा हाउसय् जुइ व मञ्चन जुइबिलय् अर्केस्त्रा वा मेमेगु सांगीतिक तुकदी नं नापं दै।
ओपेरा पाश्चात्य शास्त्रीय संगीतया छगू भाग ख। [२] थ्व कला इतालिइ १६गु शताब्दीया अन्तय् (Jacopo Peri'या फ्लोरेन्सय् सन् १५९८स पिथंगु तनेधुंकुगु Dafne नाप) शुरु जुल। व याकनं हे युरोपय् मेमेगु थासय् फैले जुल। Schützनं जर्मनीइ, Lullyनं फ्रान्सय्, व Purcellनं इंग्ल्यान्दय् थःथःगु राष्ट्रिय ओपेरा परम्परा १७गु शताब्दीइ न्ह्यथनादिल। १८गु शताब्दीइ इतालियन ओपेरां युरोपया, फ्रान्स ब्याकं, आपालं भागय् थःगु प्रभुत्त्व दयेकल। थ्व बिलय् इतालियन ओपेरां विदेशी कम्पोजरत दसु Handelयात थःगु ओपेराय् तयेफत। ओपेरा सिरिया १७६०या दशक तक्क दकलय् अब्बल ओपेरा जुयाच्वन। थ्व दशकय् Gluckया थुकिया कृतिमताय् याःगु प्रतिकृया व वय्कःया ओपेरा "रिफर्म"नं थ्व पाना वन। वर्तमानया दकलय् नांजापिंय् छम्ह १८गु शताब्दीया ओपेराया मोजार्तं ओपेरा सिरियाय् थःगु ज्या न्ह्यथनादिल तर वय्कः थःगु इतालियन कमिक ओपेराया निंतिं नांजा विशेषयाना फिगारोया इहिपा (Le Nozze Di Figaro), दन जियोभानी (Don Giovanni), Così fan tutte, व जादुयी बांसुरी (Die Zauberflöte) (जर्मन परम्पराया छगू कोसेलोंह)या निंतिं नांजा।
१९गु शताब्दीया न्हापांगु तृतीयांशय् बेल कान्तो शैली तच्वल। थ्व बिलय् रोस्सिनी, Donizetti व बेलिनीतयेसं च्वयादिगु कला थौंतक्क मञ्चन या। थ्व ईलं ग्रान्द ओपेराया शुरुवात नं क्यन गुकिलि Auber व Meyerbeerया ज्या न्ह्यने वल। मध्य निसें लिपाया १९गु शताब्दी ओपेराया सुवर्ण युग ख। थ्व ईलय् वाग्नरं जर्मनीइ व भर्दीं इतालिइ थःगु ज्या दयेकादियाच्वन। ओपेराया लोकप्रियता इतालिया भेरिस्मो (verismo) काल व समकालीन फ्रेञ्च ओपेराया पुसिनि व स्त्रसया २०गु शताब्दीया कालखण्ड तक्क दयाच्वन। १९गु शताब्दीइ समकक्षी ओपेरा परम्परा पूवी युरोप, विशेष याना रुस व बोहेमियाय् नं पलिस्था जुल। २०गु शताब्दीइ थीथी आधुनिक शैलीया ओपेरा दसु atonality व serialism (Schoenberg व Berg), नियोक्लासिजम (Stravinsky), व मिनिमलिजम (Philip Glass व John Adams)या विकास जुल। रेकर्दिंग प्रविधिया विकास नापं इन्रिको Caruso थें न्यापिं गायकत ओपेरा प्रशंसक स्वया पिनेया ख्यलय् नं नांजाल। ओपेरा रेदियो व तेलेभिजनय् नं प्रशारण जुया नं वल।
लिधंसा[सम्पादन]
- ↑ Some definitions of opera: "dramatic performance or composition of which music is an essential part, branch of art concerned with this" (Concise Oxford English Dictionary); "any dramatic work that can be sung (or at times declaimed or spoken) in a place for performance, set to original music for singers (usually in costume) and instrumentalists" (Amanda Holden, Viking Opera Guide); "musical work for the stage with characters, originated in early years of 17th century" (Pears Cyclopaedia, 1983 ed.).
- ↑ Comparable art forms from various other parts of the world, many of them ancient in origin, are also sometimes called "opera" by analogy, usually prefaced with an adjective indicating the region (for example, Chinese opera). These independent traditions are not derivative of Western opera, but are rather distinct forms of musical theatre. Opera is also not the only type of Western musical theatre: in the ancient world, Greek drama featured singing and instrumental accompaniment; and in modern times, other forms such as the musical have appeared.
स्वयादिसँ[सम्पादन]
 |
विकिमिडिया मंका य् थ्व विषय नाप स्वापु दुगु मिडिया दु: Opera |