ओआहु

ओआहु
Nickname: मुनेगु थाय्
	Oblique satellite photo of Oahu
Geography
थाय्-बाय्	21°30′N 158°00′W / 21.5°N 158.0°WCoordinates: 21°30′N 158°00′W / 21.5°N 158.0°W
क्षेत्र	Template:Convinfobox/sec2
Area rank	3rd largest Hawaiian Island
दकले तःजाःगु थाय्	४,०२५ ft (१,२२६.८ m)
दकले तःजाःगु च्वका वा फुति	क'आला
Administration
	संयुक्त राज्य अमेरिका
	Page Template:Infobox region symbols/styles.css has no content.
Symbols
Flower	ʻilima
ColorTemplate:Pluralize from text	Melemele (yellow)
Largest settlement	होनोलुलु
Demographics
Population	1,016,508 (2020)
Pop. density	१,७०४ /sq mi (६५७.९ /km२)

Page Template:Infobox islands/styles.css has no content.

ओआहु ( हवाइ भासय्: Oʻahu) हवाई द्वीप-पुचःया दकलय् अप्व जनसंख्या दूगु व स्वंगुगु तःधंगु टापु ख। ^[१] ओआहु टापु व उत्तरपश्चिमी हवाई टापुं होनोलुलुया नगर व काउन्टी दयेकि। राज्यया राजधानी होनोलुलु, ओआहुया दक्षिणपूर्वी तटय् ला। सन् २०२१इ ओआहुया जनसंख्या ९९५,६३८ दु, ^[२] सन् २०१०इ ९५३,२०७ दु ( अमेरिकाया हवाई राज्यया कुल १,४५५,२७१ जनसंख्याया करिब ७०% ^[३] गुकिलि करिब ८१% होनोलुलु वा नापंया थासय् च्वनि।

नाँ

हवाईया ओआहु टापुया नांजाःगु उपनां (वा अनुवाद) "द गेदरिङ प्लेस" वा मुनेगु थाय् खः। "मुनेगु थाय्" या अनुवादया सुझाव नकतिनि हे जक सन् १९२२ य् हवाइयन एलमन्याकया च्वमि थोमस थ्रमं बियादीगु खः। थ्रमं सम्भवतः ʻओकिनायात बेवास्ता यात वा गलत थासय् तल छाय् धाःसा हवाइयन खँग्वः " ʻo ahu " यात "वस्तुया संग्रह" ( ʻo छगू विषय चिं ख व ahuया अर्थ "मुनेगु") धकाः अनुवाद यायेछिं । हवाई भासं ओआहु खँग्वःया मेगु पुष्टि जूगु अर्थ मदु । ^[४]^[५]

इतिहास

थ्व टापुइ कम्ती नं ईस्वी ३गु शताब्दी निसें बसोबास जुयाच्वंगु दु। ^[६] ३०४ दँ तक दूगु ओआहु राज्यय् छगू ईले थ्व टापुया दकलय् प्राचीन अलिइतेसं शासन यानाच्वंगु ख। ओआहुया दकलय् न्हापांम्ह महान जुजु माःइलिकुकाही(Maʻilikūkahi)यात न्यायदाताया कथं हनिगु या। वय्कःया लिपा यक्व पुस्ताया जुजुतयेसं शासन यात। कुआलिइ युद्धप्रेमी जुजुत मध्ये न्हापांम्ह ख व वय्कःया काय् पिंसं वय्कः धुंका उत्तराधिकारीया रुपय् शासन यात। सन् १७७३य् इवाया एलानीया काय् कहाहानायात राजगद्दी लात । सन् १७८३इ माउइया जुजु काहेकिली द्वितीयं ओआहुयात त्याकल, शासकीय परिवारयात पदच्युत यात, व थः काय् कलानीकुपुलेयात ओहुया जुजु दयेकुसें ओआहुयात कठपुतली राज्यय् हिलाबिल । कामेहामेहा महानं नुआनुया युद्धय् कलानीकुपुलेया सेनायात बुकल। कामेहामेहां सन् १७९५इ ओआहु त्याकाः हवाई राज्यया पलिस्था यात। हवाई एकीकृत जुजु कौमुआलीं सन् १८१०इ काउआइ व निइहाउ टापुत आत्मसमर्पण यालिसें जुल। कामेहामेहा तृतीयं थःगु राजधानी लहाइना, माउइ निसें होनोलुलु, ओआहुय् सन् १८४५य् स्थानान्तरण यात। लिपा राजपरिवारया मेमेपिं दुजःतेसं दयेकूगु इओलानि लाय्कू आः नं दनि, व थ्व अमेरिकी भूमिइ छगू जक्क राजदरबार ख।

ओआहु स्पष्ट रुपं हवाई टापुइ दकलय् न्हापांगु टापु ख गुकियात एचएमएस रिजोलुसनया चालक दलं १९ जनवरी १७७८य् क्याप्टेन जेम्स कुकया स्वंगुगु प्रशान्त अभियानया झ्वलय् खंगु ख। HMS दिस्कभरी नापं, थ्व अभियानया दुजतः मध्य प्रशान्तय् थ्व सुदूर उत्तरय् तःधंगु टापुत लुइकूबिले अजूचाल। ओआहुय् युरोपियनतेसं फेब्रुअरी २८, १७७९ तक्क मथ्यंगु जुल। थ्व न्हु खुनु HMS रिजोलुसनय् च्वंम्ह क्याप्टेन चार्ल्स क्लर्कं वाइमिया बेय्या सिथय् पलाः तल। क्लर्कं फेब्रुअरी १४ खुनु केलाकेकुआ खाडी (हवाईया टापु) य् जेम्स कुकया हत्या धुंका जहाजया कमाण्ड काःगु ख, व थ्व टापुत त्वःताः उत्तरी प्रशान्त महासागरय् वन। हवाई टापु युरोपियनतेसं लुइकेवं थन ल्वय्, खिचा व आक्रामक जनावरतयेगु आगमन जुल। अप्रत्यक्ष जूसां थ्व विदेशी प्रजातिया साधारण स्वापूलिं मूल हवाई मनु व वातावरणयात स्थायी क्षति यात।

सन् १९४१ डिसेम्बर ७ खुन्हु सुथय् ओआहुया पर्ल हार्बरय् इम्पेरियल जापानी नौसेनां याःगु आक्रमणं संयुक्त राज्य अमेरिकायात निगूगु विश्वयुद्धय् दुथ्याकल। अमेरिकी ल्वायेगु इच्छाशक्तियात स्यंकेगु व शान्तिया नितिं मुद्दा तयेत अमेरिकायात बाध्य यायेगु आज्जुं आकाझाकां आक्रमण याःगु खः। इमिसं संयुक्त राज्य अमेरिकाया नौसेनाया प्रशान्त ख्यः व उकिया रक्षात्मक सेना वायुसेना व समुद्री वायुसेनायात आक्रमण यात। थ्व आक्रमणय् १२गु अमेरिकी युद्धपोत व १८८गु विमान स्यन धाःसा २३३५म्ह अमेरिकी सैनिक व ६८म्ह सर्वसाधारणया ज्यान वन (थ्व आक्रमणय् मदूपिं मनूइ ११७७म्ह मनु युएसएस एरिजोनाय् दुने मदूगु ख)।

अनंलि ओआहु पर्यटन व शपिङ्गया थाय् जुल। दँय् दसं ५० लखः स्वया अप्व पाहां (मुख्य रुपं सत्तिक च्वंगु संयुक्त राज्य अमेरिका व जापानं) थन वइ।

नांजाःपिं मनूत

ओआहुया छुं नांजाःपिं मनूत थ्व कथं दु-

बाराक ओबामा , संयुक्त राज्य अमेरिकाया ४४म्ह राष्ट्रपति ।
बेनी अगबायानी , ब्यवसायिक बेसबल कासामि
केइको एजेना , अभिनेता
गेब बाल्टजार , क्लारिनेट व स्याक्सोफोन थानामि
अलेक्जेन्ड्रिया बोहम , वैज्ञानिक
डारिन ब्रुक्स , अभिनेता, च्वमि, निर्माता
म्याक्स होलोवे , एमएमए लडाकु, पुलांम्ह यूएफसि फेदरवेट च्याम्पियन
एन्जेलिक क्याब्रल , अभिनेता
टिया क्यारेरे , अभिनेता
ब्रायन चिङ्ग , मेजर लिग सकर कासामि
डेनिस चुन , अभिनेता ( हवाई फाइभ-०), काम फोंगया काय्
ब्रायन क्ले , ओलम्पिक डेकाथलिट २००८
स्कट क्रेरी , संकिपा निर्देशक व निर्माता
औलि क्राभाल्हो , अभिनेता, गायक
मार्क डाकास्कोस , अभिनेता
केटलिन डौटी , मोर्टिसियन, च्वमि व यूट्यूब ब्यक्तित्व
डायना इविङ्ग , अभिनेता
सिड फर्नान्डेज , बेसबल
मेल फ्लानागन , अभिनेता
काम फोंग , अभिनेता
लरेन ग्राहम , अभिनेता
एरिन ग्रे , अभिनेता
ब्रायन ग्रेजर , ओस्कार त्याकूम्ह संकिपा व टेलिभिजन निर्माता
कोको हो , प्रो सर्फर
डन हो , म्येहालामि
केलि एन हू , अभिनेता
क्यारि एन इनाबा , प्याखंम्वः, अभिनेता, संगीतकार
द्यानियल इनोये, अमेरिकी सिनेटर, मेदल अफ अनर त्याकूम्ह
जेक जोनसन , संगीतकार, लोक-रक म्येहालामि-म्येच्वमि
ड्यूक काहानामोकु , प्रो स्विमर, सर्फर, शेरिफ
स्यामुअल कामकाउ , इतिहासकार
इजरायल कामाकाविवो'ओले , संगीतकार
म्याक्सिम नाइट , अभिनेता
ओलिन क्रेउट्ज , फुटबल कासामि शिकागो बियर्स
क्लाइड कुसात्सु , अभिनेता
ब्रुक ली , मोडल व टेलिभिजन टक् शो "इट ए हवाई थिङ्ग" या सह-होस्ट ओसी १६य्
तेरी एन लिन , अभिनेता
जेक लर्ड , अभिनेता
मार्कस मारिओटा , एनएफएल फुटबल कासामि, फिलाडेल्फिया ईगल्स
मार्किपलियर (मार्क एडवर्ड फिशबाख) , इन्टरनेट ब्यक्तित्व, भिडियो गेम टिप्पणीकार
ब्रुनो मार्स , म्येहालामि-म्येच्वमि, रिकर्ड निर्माता, संगीतकार
जुली म्याककुलो , अभिनेता
अमेरिकन रक ब्याण्ड अल टाइम लोया ड्रमर ज्याक मेरिक
बेट्टे मिडलर , म्येहालामि, कलाकार, ख्यालि कलाकार
जेसन मामोआ , अभिनेता
करिसा मूर , प्रो सर्फर, ओलम्पियन
तहज मौरी , अभिनेता
डन मुराको , ब्यवसायिक पहलवान
जेमी ओ'ब्रायन , सर्फर
एलिसन ओनिजुका , नासा अन्तरिक्ष यात्री, एसटिएस-५१-सि , एसटिएस-५१-एल , स्पेस शटल च्यालेन्जर विपद्
नोएलानि पान्टास्टिको , ब्याले प्याखंम्वः
जेनेल पर्रिश , अभिनेता, म्येहालामि
केलि प्रेस्टन , अभिनेता
म्यागी क्यू , अभिनेता
जोना रे , अभिनेता, ख्यालि कलाकार, च्वमि
माकुआ रोथम्यान (जन्म १९८४), विश्व च्याम्पियन सर्फर
एन्थोनी रुइभिवर , अभिनेता
जेसी सापोलु , अवकाश प्राप्त फुटबल कासामि, सान फ्रान्सिस्को ४९एर्स
ग्यारेट टि. सातो , अभिनेता
अमाण्डा शुल , अभिनेता
जोन जोन फ्लोरेंस , ब्यवसायिक सर्फर
जेम्स शिगेटा , अभिनेता
जेक शिमाबुकुरो , 'उकुलेले कासामि
करेन स्टील , अभिनेता
डन स्ट्राउड , अभिनेता
तुआ तागोवाइलोआ , एनएफएल फुटबल कासामि, मायामी डल्फिन
रोनाल्ड ताकाकी , प्राज्ञिक, इतिहासकार, नृवंशविज्ञानी, व च्वमि
अकेबोनो तारो , सुमो पहलवान
क्रिस्टी तौति , ब्यवसायिक फिगर प्रतिस्पर्धी व फिटनेस मोडल
मान्टी तेओ , एनएफएल फुटबल कासामि, लस एन्जलस चार्जर्स
पाल थेरोक्स , च्वमि
मिशेल भी वेस्ट , गल्फ एलपिजिए
टेलर विली , अभिनेता
किर्बी राइट , चिनाखँमि व च्वमि
केओन यंग , अभिनेता

लिधंसा

↑ Nichols, William D.; Shade, Patricia J.; Hunt, Charles D. (1996). Professional Paper (Report) (in English). doi:10.3133/pp1412a. hdl:2027/mdp.39015040694906.
↑ US Census Bureau.
↑ US Census Bureau.
↑ Pukui, et al., 1976
↑ Pukui, Mary Kawena (December 1976). Place Names of Hawaii. University of Hawaii Press.
↑ Van, James (2010). Ancient Sites of Oahu: A Guide to Archaeological Places of Interest. Bishop Museum Pr. Page 5. आइएसबिएन ९७८-१५८१७८०९५६.

[1] Nichols, William D.; Shade, Patricia J.; Hunt, Charles D. (1996). Professional Paper (Report) (in English). doi:10.3133/pp1412a. hdl:2027/mdp.39015040694906.

[2] US Census Bureau.

[3] US Census Bureau.

[4] Pukui, et al., 1976

[5] Pukui, Mary Kawena (December 1976). Place Names of Hawaii. University of Hawaii Press.

[6] Van, James (2010). Ancient Sites of Oahu: A Guide to Archaeological Places of Interest. Bishop Museum Pr. Page 5. आइएसबिएन ९७८-१५८१७८०९५६.

[१]

[२]

[३]

[४]

[५]

[६]