उन्नाव जिल्ला

नेपाललिपि परिक्षण: 𑐠𑑂𑐰 𑐥𑑁𑐫𑐵 𑐣𑐾𑐥𑐵𑐮𑐮𑐶𑐥𑐶𑐂 𑐥𑐬𑐶𑐎𑑂𑐲𑐞 𑐥𑑁 𑐧𑑂𑐰𑐣𑐾𑐟: उन्नाव जिल्ला 𑐟𑐶𑐫𑐵𑐡𑐶𑐳𑑄𑑋

उन्नाव जिल्ला भारतया उत्तरप्रदेशया छगू जिल्ला ख।

नांया उत्पत्ति

थ्व जिल्लाया नां थ्व जिल्लाया सदरमुकाम नगर उन्नावया नामं वःगु ख। करिब १२०० दँ न्ह्यः थ्व नगर दूगु थासय् जंगल दयाच्वन। गोडो सिंह नांयाम्ह छम्ह चौहान राजपूतं करिब १२गु शताब्दीया उत्तरार्धय् थ्व जंगल फाना सवाइ गोडो नांया छगू नगर देकल। नगर देकुगुया छुं ई धुंका हे थ्व नगर कन्नौज राजवंशतेगु ल्हातय् लाःवन। कन्नौजतेसं थ्व थासय् खण्डे सिंहयात राज्यपालया रुपय् नियुक्त याना थ्व थासय् छ्वयाबिल। खण्डेया छम्ह ल्युटिनेन्ट बिसेन राजपूत उन्वन्त सिंहं खण्डेयात स्याना थ्व थाय्‌ थःगु ल्हातय् कालः व थन छगू किला देका थ्व थाय्‌यात थःगु नामं उन्नाव धका नां बिल।

भूगोल

थ्व जिल्लाया आकार छगू प्यारलेलोग्राम थें च्वं। थ्व जिल्लाया सकल क्षेत्रफल ४५८९ वर्ग किमि दु। थ्व जिल्लाया अक्षांश २६°८'उ व २७°२'उ व देशान्तर ८०°३'पू व ८१°३'पू ख। थ्व जिल्लाया सीमा थ्व कथं दु-

उत्तर: हरदोइ जिल्ला
पूर्व:लखनऊ जिल्ला,
दक्षिण: रायबरेली जिल्ला
पश्चिम :गंगा खुसि (कानपुर व फतेहपुर जिल्ला गंगाया मेगु सिथय् ला)

थ्व जिल्लाया मू खुसि गंगा व साई नं थ्व जिल्लायात निगु मू भागय् विभाजित यानातःगु दु। थ्व निगु भागय् लोल्यान्ड व अपल्यान्ड ला।

प्रशासन

थ्व जिल्लायात प्रशासनिक कथं क्वे बियातःगु तेहसीलय् विभाजित यानातःगु दु-

नापं जिल्लायात १६ विकास ब्लाकय् विभक्त यानातःगु दु। थ्व ख गंज मुरादाबाद, बंगारमौ, फतेहपुर चौरसी, साफीपुर, मियाँगञ्ज, औरास, हसनगञ्ज, नवाबगञ्ज, पुर्वा, असोहा, हिलौली, बिघापुर, सुमेरपुर, बिछिया, सिकन्दरपुर सिरौसी, सिकन्दरपुर करन।

जनसंख्या

सन् २०११या जनगणना कथं थ्व जिल्लाया तहसीलवर ग्रामीण जनसंख्या थ्व कथं दु-

राज्य कोद	जिल्ला कोद	तहसील कोद	प्रशासनिक इकाइ	राज्य/जिल्ला	तहसीलहसंगांज	सकल गां	ग्रामीण जनसंख्या	सकल ग्रामीण मिजं	सकल ग्रामीण मिसा
९	१५६	०	जिल्ला	उन्नाव		१६९३	२५७६७२१	१३५१८९७	१२२४८२४
९	१५६	८१४	तहसील		सफीपुर	३७६	६१०९६०	३२३८६४	२८७०९६
९	१५६	८१५	तहसील		हसनगंज	४८५	६६३७१४	३४९८९१	३१३८२३
९	१५६	८१६	तहसील		उन्नाव	२७४	५५५६५५	२९३२७३	२६२३८२
९	१५६	८१७	तहसील		पुरवा	२५८	४१९५८८	२१८४४१	२०११४७
९	१५६	८१८	तहसील		बीघापुर	३००	३२६८०४	१६६४२८	१६०३७६

स्वयादिसँ

उत्तरप्रदेश