इ॰ पू॰ १६८

इ॰ पू॰ १६८ ग्रेगोरियन पात्रो यागु छगु दँ खः।

झाकातः

थाय् कथं

अल्बानिया

• इलिरियाया जुजु , जेन्टियसयात लुसियस एनिसियस ग्यालसया नेतृत्वय् रोमन सेनां स्कोद्राय् पराजित याइ व अनंलि रोमय् कैदीया रुपय् हयाः इगुभियमय् हइ। थ्व क्षतिं याना इलिरिया म्यासेडोनियाया छगू महत्त्वपूर्ण सहयोगी जुयाच्वने फैमखु व रोम नापया युद्धय् म्यासेडोनियाया पर्सियसयात प्रभावकारी रुपं कमजोर याइ।
• रोमन जनरल, लुसियस एमिलियस पाउलस , कन्सुल निर्वाचित जुइ व पर्सियसया सेनां धरापय् तःगु रोमन सेनाया नेतृत्व यायेत थेसालीइ थ्यनि।
• जुन २२ – पिडनाया युद्धं (दक्षिणी म्यासेडोनियाय्) लुसियस एमिलियस पाउलसया नेतृत्वय् रोमन सेनां पर्सियसया म्यासेडोनियन सेना विरुद्धय् तःधंगु विजय जुइ। थुकिलिं स्वंगुगु म्यासेडोनियाया युद्धया अन्त्य जुइ। पर्सियसयात रोमनतेसं ज्वनी व वयागु ल्यंगु जीवन रोमया लिक्क च्वंगु अल्बा फुसेन्सय् कैदय् सिधइ।
• म्यासेडोनियाया राज्ययात रोमनतेसं प्यंगू चिधंगु राज्यय् ब्वथलाबिल, अले म्यासेडोनियायात ग्वहालि याःपिं फुक्क ग्रीक नगरतेत दण्ड बी। रोमनतेसं इतिहासकार पोलिबियस नापं म्यासेडोनियाया मू परिवारया सलंसः मनुतेत बन्दी दयेकी।

मिस्र

• मिस्रया संयुक्त शासक , टलेमी ६ , टलेमी ८ युएर्जेट्स द्वितीय व इमिगु केंहे क्लियोपेट्रा द्वितीयं रोमयात ग्वाहालिया निंतिं न्हूगु इनाप छ्वइ।

सेल्युसिड साम्राज्य

• सेल्युसिड जुजु एन्टिओकस चतुर्थया लःखःपुचः साइप्रसया सिथय् छगू हःता त्याकी। थनया गभर्नरं अनंलि टापु वयात आत्मसमर्पण याइ।
• एन्टिओकस चतुर्थं हाकनं मिस्रय् आक्रमण याइ व अलेक्जेन्ड्रिया पिनेया लोअर इजिप्ट व अनया सेनाया शिविर कब्जा याइ। अथे जुसां अलेक्जेन्ड्रियाय् रोमन राजदूत, गायस पोपिलियस लेनासं हस्तक्षेप याइ। वं एन्टिओकस ४ यात चेतावनी न्ह्यब्वइ कि वं तुरुन्त हे मिस्र व साइप्रसयात त्वःतेमाः। अजू चायाः एन्टिओकसं बिचाः यायेत ई फ्वन। पोपिलियसं धाःसा थःगु तुतां जुजुया प्यखें फिइ चाकः दयेकी व एन्टिओकस चाकः त्वःते न्ह्यः छगू निर्विवाद लिसः बीत माग याइ। रोमलिसे जुइगु युद्धया लिच्वःया ग्याःचिकुं जुजुं राजदूतया माग पूवंकेत सहमत जुइ । थुकिया बदलाय् रोमनतयेसं सहमति बिल कि एन्टिओकस चतुर्थ दक्षिणी सिरियायात थःगु अधीनय् कायम यायेफु, गुकियात मिस्रं नं दाबी यानातःगु दु। थुकिलिं एन्टिओकस चतुर्थयात थःगु देय्या क्षेत्रीय अखण्डता संरक्षण यायेत सक्षम याइ।
• जेसनं मेनेलाउसयात यरूशालेमय् महापुजाहारीं पदच्यूत याइ, गुकियात एन्टिओकस चतुर्थं थःगु शासनया अपमानया रुपय् काइ।

बूपिं

• टाइबेरियस ग्राकस , रोमन राजनीतिज्ञ गुम्हेस्यां रोमन गणराज्यय् बुंज्या सुधारयात विधान दयेकेगु कुतःया माध्यमं गणतन्त्रय् उथलपुथल ब्वलंकी (मृत्यु १३३ ईसापूर्व )

मदूपिं

• सिसिलियस स्टेटियस , रोमन न्हिला चिनाखँमि, ग्रीक नाटककार मेनान्डरया प्रशंसक व नक्कल याइम्ह (बूगु थ्यं-मथ्यं २१९ ईसापूर्व )
• जिया यी , चिनियाँ राजनेता व चिनाखँंइ (जन्म २०० ईपू )
• शिन झुइ, ली कांगया (利蒼) कलाः। ली कांग प्राचीन चीनया पश्चिमी हान राजवंशया इलय् दाई प्रान्तया मार्क्विज व चाङशा राज्यया चान्सलर ख। (बूगु थ्यं-मथ्यं २१७ ईसापूर्व)