कराची

विकिपिडिया नं
कराची
کراچی (उर्दू)
ڪراچي (सिन्धी)
—  नगर-जिल्ला  —
Nickname(s): The Gateway to Pakistan, The City of Bright Lights, Mini Pakistan
Country  Pakistan
Province Sindh
Municipal Committee 1853
Municipal Corporation 1933
Metropolitan Corporation 1976
City District Government 14th August 2001
City Council City Complex, Gulshan-e-Iqbal Town
Towns
Government[१]
 - Type City District
 - City Administrator Fazlur Rahman[२]
 - District Coordination Officer Fazal-ur-Rehman
Time zone PST (UTC+5)
Postal code 74200 (General Post Office)
Dialling code 021
Website KarachiCity.gov.pk

कराची (सिंधी: ڪراچي) पाकिस्तानया दक्ले तःधंगु नगर ख। थ्व नगर देय्या आर्थिक, सांस्कृतिक, शैक्षिक, राजनैतिक केन्द्र नं ख। कराची जनसंख्या व अर्थ-कारोबार कथं हलिम स्तरया तधंगु नगरय् छगूया रुपय् नालेगुया। कराची पाकिस्तानया सिन्ध प्रान्तया राजधानी नं ख। थ्व नगर सिन्धु खुसिया पश्चिमय् व अरब सागरया उत्तरय् अवस्थित दु। पाकिस्तानया दक्ले तःधंगु बंदरगाह व हवाई अड्डा नं कराचीय् हे दु। कराची सन् १९४७निसें सन् १९६० तक्क पाकिस्तानया राजधानी नं जूगु ख। वर्तमान कराची दूगु थासय् न्हापा न्यालामितयेगु बस्ती दयाच्वन। अंग्रेजतयेसं १९गु सदीइ थ्व नगरया विकास न्ह्यथन। सन् १९४७य् भारतया विभाजन व पाकिस्तानया पलिस्था धुंका थ्व नगर पाकिस्तानया राजधानी जूगुलिं थन भारतं यक्व मुस्मां बसोबास यायेत वल। थन्यापिं मुस्मांतयेत मुहाजिर धायेगु या। पाकिस्तानया राजधानी व दक्ले तःधंगु बंदरगाह जूगुलिं थ्व नगरया विकास तीव्र रुपं जुवन। सन् १९५९य् पाकिस्तानया राजधानी ईस्लामाबादय् हिलाछ्वये धुंका नं थ्व नगरया विकासक्रम म्हो मजुल।

सकल पाकिस्तानया मनु ज्या मालेत थ्व नगरय् वनिगु या। थ्व कारणं थ्व नगरय् थी-थी वर्ण, नश्ल, जाति, धर्म आदिया मनु खनेदु। अतः, कराचीयात मिनी पाकिस्तान (Mini Pakistan) नं धायेगु या। थन थी-थी कथंया मनु वःगु कारणं सन् १९८०व सन् १९९०इ थ्व नगरय् यक्व ल्वापु, आतंक व हिंसा नं जुल। थनया स्यंगु परिस्थितियात ल्ह्यातय् कायेत पाकिस्तानी सेनाया नापं ग्वहालि कायेमाल। २१गु सदीइ विकासया नापं थ्व नगरया अवस्थाय् यक्व परिवर्तन वःगु दु। कराची सिन्ध खुसि सिधैगु थासय् उत्तरी भागय् ला। थ्व नगरया को-अर्ढिनेट 52 24 उत्तर व 03 67 पूर्व ख।

प्रशासन[सम्पादन]

थ्व नगर क्वे बियातःगु प्रशासनिक उपनगरय् विभाजित दु-

  • बलदिया टाउन
  • बिन क़ासिम टाउन
  • गडाप टाउन
  • गुलबर्ग टाउन
  • गुलशन टाउन
  • जमशेद टाउन
  • कीमाड़ी टाउन
  • कोरंगी टाउन
  • लानढी टाउन
  • लियाक़त आबाद टाउन
  • लियारी टाउन
  • मलीर टाउन
  • न्यू कराची टाउन
  • नॉर्थ नाज़िम आबाद टाउन
  • ओरंगी टाउन
  • सदर टाउन
  • शाह फ़ैसल टाउन
  • साईट टाउन

नापं थ्व नगरय् दिफेन्स हाउजिङ अथोरिटी नं दु। तर थ्व कराचीया प्रशासनय् मला व पाकिस्तानया सेनाया छाउनी लागाय् ला।

लिधंसा[सम्पादन]

  1. Government. City District Government of Karachi. 2010-08-22 कथं।
  2. Administrator Office. City District Government of Karachi. 2010-08-22 कथं।

स्वयादिसँ[सम्पादन]