फइ

?फइ संरक्षण स्थिति:  छेंय् लहिनातगु प्राणी
डुबोइ, आइडाहोनापं शोध-ज्याया निंतिं तयातःगु फइ
वैज्ञानिक वर्गिकरण
किंगडम: Animalia फाइलम: Chordata क्लास: Mammalia अर्डर: Artiodactyla परिवार: Bovidae सबपरिवार: Caprinae जेनस: Ovis प्रजाति: O. aries
बाइनोमियल नां
Ovis aries Linnaeus, 1758

फइ (Ovis aries) छता प्यपांचूगु, रुमेन दूगु (रुमिनेन्त), स्तनधारी पेपांचू ख। मेमेपिं रुमिनेन्त थें थ्व प्राणी नं अर्दर Artiodactylaया दुने ला। "फइ" धाःगु नां यक्व प्रजातिया ओविसतयेत छ्यलेछिंसां वास्तविक रुपय् थ्व नां Ovis ariesया निंतिं आपालं छ्यलिगु या। करिब १ अर्ब स्वया भतिचा अप्व जनसंख्या दूगु थ्व प्रजाति दकलय् अप्व जनसंख्या दूगु फइ नं ख।

फइ न्हापा-न्हापा युरोप व एसियाय् दूगु जंगली mouflonया सन्तति ख। थ्व प्राणी दकलय् न्हापां बुंज्याया निंतिं गृहस्थीकरण याःगु प्राणीइ छगू ख। थ्व प्राणीयात ऊन, ला (ल्याम्ब, हगेत, मतन) व दुरुया निंतिं ग्राहस्थीकरण याःगु ख। फइया ऊन दकलय् अप्व छ्यलिगु प्राणीया फाइबर ख। थुकियात शियरिंग याना सञ्चय यायेगु या। थुकिया मचाया लायात ल्याम्ब व तःधिम्ह प्रानीया लाःयात मतन धाइ। थ्व प्राणीयात थौंया हलिंइ ला, ऊन, दुरु, छ्यंगु व वासः आदि जांचेयायेत नमुना प्राणीया निंतिं लहिनिगु या।

फइ जवाःज्या हलिंया यक्व थासय् लजगाया रुपय् याइगु छता ज्या ख। थ्व ज्यां हलिंया यक्व लहनाय् आधारभूत हिउपा हःगु दु। आधुनिक युगय् अस्त्रेलिया, न्यु जिल्यान्द, दक्षिण व मध्य अमेरिकी देय् व बेलायती तापूइ फइ जवाःज्या आपालं याइगु खनेदु। बुंज्याया इतिहासय् छता मू पशु जूगुलिं फइया मनू लहनाय् थःगु हे थाय् दु। लहिना पशुया रुपय् जक्क मखुसें हलिंया थीथी तजिलजिइ फइयात सांस्कृतिक रुपय् रुपान्तरण व चित्रण नं यानातःगु दु।

स्वयादिसँ

• पेपांचू
• गृहस्थीकरण