सौर्य ऊर्जा
सौर्य ऊर्जा छगु प्रकारया ऊर्जा ख गुकिया स्रोत सुर्द्यःया क्वाःजलं वइ। मनूतसें द्वलंद्वः दँनिसें सौर्य ऊर्जायात थीथी कथं छ्यलाच्वंगु दु, गथेकि क्वाकेगु, नसा ज्वरे यायेगु, व गंकेगु। थौंकन्हय् मेमेगु बिजुलीया स्रोत मदुगु थासय्, गथेकि दुर्गम थासय् व बाह्य अन्तरिक्षय् तकं बिजुली दयेकेगु निंतिं नं थुकियात छ्यलाच्वंगु दु।
सौर्य ऊर्जापाखें विद्युत उत्पादन यायेगु खर्च म्हो जुजुं वनाच्वंगुलिं थ्व छगू अप्वः भिंगु विकल्प जुयाच्वंगु दु । निभालं निरन्तर रुपं ताप व जः बीगु जूगुलिं सौर्य ऊर्जायात नवीकरणीय ऊर्जा स्रोत व ह्यंग्वाः व चिकं थेंज्याःगु गैरनवीकरणीय स्रोतया विकल्पया रुपय् कायेगु या।
छ्यला
[सम्पादन]थौंकन्हय् सौर्य ऊर्जायात थी थी कथं छ्यलाच्वंगु दु, गुकी दुथ्याःगु छुं थथे दु :
- क्वाःगु लः दयेकेत, छेँ क्वाकेत व नसा ज्वरे यायेत क्वाःजःया स्रोतकथं
- सोलार सेल बाय् हिट इन्जिनया छ्यलाबुलां बिजुलि पिकायेत
- समुद्रया लखँ चि चीकाः त्वनेबहः यायेत (दिस्यालिनेसन) ।
- वसः व हुसा गंकेत निभाःया जः छ्यलेगु।
- थुकियात स्वांसिमां प्रकाश संश्लेषण प्रक्रियाया निंतिं छ्यली ।
- नसा ज्वरे यायेत छ्यलेत (सोलार कुकर)
ऊर्जा
[सम्पादन]पृथ्वीया वायुमण्डल जुया वने धुंका सूर्द्यःया अप्व उर्जा दृश्य जः व इन्फ्रारेड जः विकिरणया रुपय् दयाच्वनि। वनस्पतितेसं प्रकाश संश्लेषण प्रक्रियाया माध्यमं निभाःया जः दुने दूगु उर्जायात रासायनिक उर्जाय् (चिनी व स्टार्च) हिलाबी। मनुतेसं थ्व उर्जा भण्डारयात नियमित रुपं थी-थी कथं छ्येलि, गथेकि जीवाश्म इन्धनं सिँ च्याकेबलय् वा वनस्पति, न्या व जनावरत जक नयेबलय्।
सौर्य विकिरण पृथ्वीया पिनेसं भुनातःगु वायुमण्डलय् १३६६ वाट प्रति वर्गमिटर (W/m2)या शक्तिं थ्यनि। पृथ्वी गोलाकार जूगुलिं थुकिया ध्रुवया लिक्कया सतह सूर्यं तापाक्क कोणय् लानाच्वंगुलिं भूमध्य रेखाया लिक्कया सतह स्वया यक्व म्हो जक सौर्य ऊर्जा प्राप्त जुइ।
थौंकन्हय् सोलार सेल प्यानलतेसं थःत थिइगु निभाःया करिब १५% विद्युतय् हिलाबी।
स्वयादिसँ
[सम्पादन]
 |
विकिमिडिया मंका य् थ्व विषय नाप स्वापु दुगु मिडिया दु: Solar energy |