सामान्य सापेक्षता
सामान्य सापेक्षता वा सापेक्षताया सामान्य सिद्धान्त वा आइन्स्टाइनया गुरुत्वाकर्षण सिद्धान्त अल्बर्ट आइन्स्टाइनं सन् १९१५य् पिथंगु गुरुत्वाकर्षणया ज्यामितीय सिद्धान्त ख व आधुनिक भौतिक शास्त्रय् गुरुत्वाकर्षणया वर्तमान परिभाषा ख। सामान्य सापेक्षतां विशेष सापेक्षतायात सामान्यीकरण याइ व न्यूटनया सार्वभौमिक गुरुत्वाकर्षणया नियम(Newton's law of universal gravitation)यात परिष्कृत याइ। थ्व सिद्धान्तं गुरुत्वाकर्षणया छगू एकीकृत विवरण अन्तरिक्ष व ईया ज्यामितीय गुण, वा प्यंगु आयामी अन्तरिक्ष-समयया रुपय् प्रदान याइ। विशेष यानाः, अन्तरिक्षकालया वक्रता (curvature) छु नं वर्तमान पदार्थ व विकिरणया ऊर्जा व गतिलिसे प्रत्यक्ष सम्बन्धित जुइ धका थ्व सिद्धान्तं ब्वइ। थ्व स्वापू आइन्स्टाइन क्षेत्र समीकरणतेसं (Einstein field equations) निर्दिष्ट याइ व थ्व निगूगु क्रमया आंशिक विभेदक समीकरण (second-order partial differential equations)या छगू व्यवस्था ख।