सामन्तवाद

Investiture

Orava Castle

छम्ह नाइटया इन्भेस्तिच्युर ( नेपल्सया लुइस १ नं १३५२ स पलिस्था याःगु अर्डर अफ द नटया किपा)

सामन्तवाद, गुकियात सामन्ती व्यवस्था नं धाइ, ९गु निसें १५गु शताब्दी मध्यकालीन युरोपय् कानूनी, आर्थिक, सैन्य, सांस्कृतिक व राजनीतिक तजिलजिया संयोजन ख। व्यापक रुपं परिभाषित यायेगु खःसा सेवा वा श्रमया बदलाय् जग्गाया स्वामित्वं वःगु सम्बन्धया चाकःलिं समाजयात संरचना यायेगु छगू कथं खः ।

क्लासिक परिभाषा, फ्रान्कोइस लुइस गानशोफ (१९४४) द्वारा, योद्धा कुलीन वर्गया पारस्परिक कानूनी व सैन्य दायित्वया छगू सेटया वर्णन याइ व प्रभु, दास व फिफया मू अवधारणाया चाकःलिइ चाःहिलाच्वंगु दु। छगू व्यापक परिभाषा, मार्क ब्लच (१९३९) नं वर्णन यानादिल, गुकिलि योद्धा कुलीन वर्गया दायित्व जक्क मखु तर राज्यया स्वंगुलिं सत्ताया दायित्व नं दुथ्या: थ्व स्वंगु सत्ता कुलीन वर्ग, पादरी, व किसान वर्ग ख, गुपिं सकलें कुलीनवादया छगू व्यवस्थां नाप चिनातःगु दइ। थ्व व्यवस्था दूगु समाजयात गबलें गबलें "सामन्ती समाज" नं धाइ।

सामन्तवादयात अंग्रेजीइ फ्युदलिजम धाइ। थ्व लाटिन खँग्वः feodum बाय् feudum (fief), वःगु खः। थ्व खँग्वः मध्यकालीन ईले छ्येलिगु या। फ्युदलिजम वा सामन्तवाद खँग्वः व थुकिलि वर्णन यानातःगु व्यवस्थायात मध्य युगय् म्वानाच्वंपिं मनुतेसं औपचारिक राजनीतिक व्यवस्थाया रुपय् कल्पना यागु मखुसें अबिलेया परम्पराय् आधारित व्यवस्था ख। एलिजाबेथ एआर ब्राउनया "द टायरानी अफ ए कन्स्ट्रक्ट" (१९७४) व सुसान रेनोल्ड्सया फिफ्स एण्ड भ्यासल्स (१९९४) पिहां वयेधुंका मध्यकालीन इतिहासकारतेगु दथुइ मध्यकालीन समाजयात थुइकेत सामन्तवाद छगू उपयोगी निर्माण ख: कि मखु धइगु बारे निष्कर्षहीन चर्चा जुयाच्वंगु दु।