सन् ७७५

७७५ ग्रेगोरियन पात्रो यागु छगु साधारण दँ खः।

झाकातः

थाय् कथं

बैजन्टाइन साम्राज्य

सेप्टेम्बर १४ – बुल्गेरियाया सैन्य अभियानया झ्वलय् सम्राट कन्स्ट्यान्टिन ५ मदूगु। थःगु ३४ दँया शासनकालय् वय्कलं भिक्षुवाद व मूर्तिपूजायात दमन यानादिल, एक्वेदक्तया पुनःस्थापना यानादिल, वाणिज्ययात पुनर्जीवित यानादिल, व कन्स्ट्यान्टिनोपलया मनूल्याखय् वृद्धि यानादिल। वय्कःया उत्तराधिकारी वय्कःया २५दँ दुम्ह काय् लियो चतुर्थ ("खजर") जुल, सुनां कन्स्ट्यान्टिनया बुल्गार व मुस्लिम अरब विरुद्धया अभियानयात निरन्तरता बियादिल ।

युरोप

स्याक्सन युद्ध : जुजु शार्लमेनं क्विर्जी (उत्तरी फ्रान्स)य् छगू तःधंगु भेला याइ। वय्कलं सिबर्ग (डोर्टमण्डया लिक्क)या कास्ट्रम हाकनं कायेगु निंतिं फ्र्याङ्किश सेनायात स्याक्सनीइ यंकादिल, अनंलि एरेस्बर्गयात किल्लायात कब्जा यासें उकिया मर्मत यासें बल्लाकादिल। वय्कः ब्राउन्सबर्ग धाःगु थासय् वेसर थ्यनि, गन स्याक्सनत युद्धया निंतिं दनि, तर फ्र्याङ्किश सैनिकतेसं खुसि पार यायेवं स्याक्सनतेत पराजित याइ।
वेस्टफालियन स्याक्सन, सम्भवतः विडुकिन्दया कमाण्डय् , वेसर पार याइ व ह्लिदबेक (आधुनिक ईया लुब्बेक)य् छगू अनिर्णायक युद्ध ल्वाइ। शार्लमेनं त्याःगु दाबी याइ, तर सायद वास्तविकताय् अथे मजूगु जुइफु। वय्कलं थःगु सेनायात पुनर्स्थापना यानादिल व स्याक्सनतेत पराजित याःसें यक्व लूटपाट यानादिल व बन्धक दयेकादिल, यद्यपि स्याक्सनतेगु नेता विदुकिन्ड धाःसा बिस्युं वने सफल जुइ।
शरद ऋतु – शार्लमेनं लिप्पे स्वनिगःया मू लं हेलवेग हाकनं थःगु कब्जाय् काइ । थ्व नापं अष्ट्रेसिया, हेसे व थुरिन्जिया दथुइ संचार स्थापित याइ। थ्व फ्र्याङ्कतेगु निगरानीइ व्यापारिक मार्गया रुपय् छ्यलि।
जर्मन नगर Giessen (Hesse)या पलिस्था जुल।

अफ्रिका

अन्दालुसियाया व्यापारीतेसं टेनेस (आधुनिक अल्जेरिया)या मगरेब तटय् छगू एम्पोरियम (व्यापारिक बस्ती) दयेकल। ८गु शताब्दीया शुरुया अराजकता धुंका थ्व पश्चिमी भूमध्यसागरय् समुद्री व्यापारया पुनरुत्थानया प्रारम्भिक प्रमाण ख।

अरब खलिफत

अप्रिल २५ – बग्रेभान्दया युद्ध : अब्बासिदतेसं आर्मेनियाया विद्रोहयात अन्त्य यात। ट्रान्सककेसियाय् मुस्मां नियन्त्रण ठोस जुइ, गनकि यक्व मू आर्मेनियाली नखारार परिवार, विशेष यानाः मामिकोनियनया शक्ति हीन जुसें इपिं बैजन्टाइन साम्राज्यय् बिस्युं वनी।
खलीफा अल-मनसुरया शासन (७५४–७७५) २१ दँया शासन धुंका मन्त। थ्व ईलय् वय्कलं बगदादयात अब्बासिद खलीफतया मूकुथि दयेकल। वय्कःया उत्तराधिकारी वय्कःया काय् अल-महदी जुल।
अब्बासिद खलीफा पद अल-मनसुरया उत्तराधिकारी व काय् अल-महदीं ६ अक्टोबर ७७५य् काल ।
थ्व ईया आसपास, बगदाद हलिमया दकलय् तःधंगु नगर जुइ। थ्व स्वया न्ह्यःया दकलय् तःधंगु नगर चीनया राजधानी चाङआन खः।

एसिया

संदेसं थःगु हिमाली जःलाखःलायात थःगु अधीनय् तइ, व चिनियाँ ताङ राजवंशनाप सीमा सम्झौता याइ (अनुमानित तिथि)।
जुजु धर्मपाल बंगालया शासनकाल प्रारम्भ याइ ।

बिषय कथं

खगोल विज्ञान

सिमाया चक्रय् कार्बन-१४ या एकाग्रताया १.२% वृद्धिं पृथ्वीइ तसकं तच्वःगु सौर्य वाफस वःगु जुइफूगु अनुमान।

बूपिं

अमालारियस , ट्रायरया आर्चबिशप (अनुमानित तिथि)
एब्बो , रीम्सया आर्कबिशप (मृत्यु ८५१ )
आइनहार्ड , फ्रेंकिश विद्वान (म. ८४० )
फुजिवारा नो फुयुत्सुगु , जापानी जनरल (म. ८२६ )
हिल्डुइन, पेरिसया बिशप (मृत्यु ८४०)
लियो ५, बैजन्टाइन सम्राट (म. ८२० )
रोट्रुड , फ्रेंकिश राजकुमारी, शार्लमेनया म्ह्याय् (बाय् ७७८ )
ताहिर इब्न हुसैन , ९गु शताब्दीया फारसी अब्बासिद गभर्नर (बाय् ७७६ )
थियोडोसिया , बैजन्टाइन सम्राज्ञी (अनुमानित तिथि)
थियोफेन्स द ब्रान्डेड , बैजन्टाइन भिक्षु (म. ८४५ )
राइचेनाउया वेट्टी , जर्मन विद्वान (अनुमानित तिथि)

मदूपिं

अप्रिल २५
स्म्बाट ७ बग्रातुनी , आर्मेनियाया कुलीन
मुशेग ६ मामिकोनियन , आर्मेनियाया कुलीन
सेप्टेम्बर १४ – कन्स्ट्यान्टिन ५ , बैजन्टाइन सम्राट (जन्म ७१८ )
अक्टोबर ६ – अल-मनसुर , मुस्लिम खलीफा (जन्म ७१४ )

तिथि मस्यूगू

सिनिओड १ , पिक्टया जुजु
फुजिवारा नो कुराजिमारो , जापानी राजनीतिज्ञ (जन्म ७३४ )
जापानया राजकुमारी इनोए (जन्म ७१७ )
इस्माइल इब्न जाफर , शिया इमाम (अनुमानित तिथि)
किबि नो माकिबि , जापानी विद्वान (जन्म ६९५ )
रुयुआन , चिनियाँ बौद्ध भिक्षुणी व गुरु