सत्यजित राय

विकिपिडिया नं
थन झासँ: navigation, मालादिसँ
सत्यजित राय
बुंदि मे २, १९२१
कोलकाता, भारत
सीदिं अप्रिल २३, १९९२
कोलकाता, भारत
ज्या निर्देशक, च्वमि
जहान बिजया राय

सत्यजित राय (बांग्ला: সত্যজিৎ রায় शॉत्तोजित् राय्) (मे २ १९२१अप्रिल २३ १९९२) छम्ह भारतीय संकिपा निर्देशक खः। वेकयात २०औं शताब्दी यागु दक्ले बालाम्ह संकिपा निर्देशकय् छम्ह यागु रुपे कायेगु या।[१] वेकयागु जन्म कलासाहित्ययागु हलिमे नांजागु कोलकाता यागु छगु बंगाली परिवारय् जुगु खः। वेकयागु शिक्षा प्रेसिडेंसी कलेजविश्व-भारती विश्वविद्यालयय् जुल। वेकलं थगु करियरयागु न्हेथनेज्या चित्रकार यागु रुपे याना दिल। फ्रांसे संकिपा निर्देशक जां रन्वार नापलाना व लंडनय् इटालियन संकिपा लाद्री दी बिसिक्लेत्ते (Ladri di biciclette, बाइसिकल खुं) स्वे धुंका संकिपा निर्देशन यायेत कुत याना दिल।

राय नं थगु जीवनय् ३७ संकिपायागु निर्देशन यानादिल, थुकिलि फिचर फिल्म, वृत्त चित्रलघु फिल्म ला। वेकयागु न्हापांगु संकिपा पाथेर पांचाली (পথের পাঁচালী, लंयागु गाथा) यात कान फिल्मोत्सव य् “दक्ले बांलागु मानवीय प्रलेख” सिरपा नापं ११गु अन्तरराष्ट्रीय सिरपा त्या फत। थ्व संकिपा अपराजितो (অপরাজিত) व अपुर संसार (অপুর সংসার, अपुयागु हलिम) नापं वेकयागु नांजागु अपु त्रयीय् मुंकातगु दु। राय संकिपा देकेज्या नाप स्वापू दुगु येक्व ज्या थमेसियां हे याना दि — वेकलं बाखं च्वेगु, कलाकार मालिगु, पार्श्व संगीत च्वेगु, चलचित्रण, कला निर्देशन, सम्पादन व प्रचार सामग्री यागु देकेज्या नं याना दि। संकिपा देकेस्वया अतिरिक्त वेक बाखंमि, प्रकाशक, चित्रकार व संकिपा आलोचक नं खः। रायनं जीवनय् येक्व सिरपा त्यानादिल गुकिलि एकेडेमी सिरपाभारत रत्न नं दु।

संकिपा[सम्पादन]

निर्देशक[सम्पादन]

दँ संकिपा निर्देशक बाखँ लिखँ
१९५५ पथेर पाँचाली बिभूतिभूषण बन्द्योपाध्याय़ संकिपा "अपु त्राइलोजी"या नामं नांजाः।
१९५७ अपराजित संकिपा "अपु त्राइलोजी"या नामं नांजाः।
१९५८ परशपाथर "अपु त्राइलोजी"इ सत्यजित रायं निर्देशित न्हापांगु संकिपा।
१९५८ जलसाघर ताराशंकर बन्दोपाध्याय़
१९५९ अपुर संसार संकिपा "अपु त्राइलोजी"या नामं नांजाः।
१९६० देबी
१९६१ तिन कन्या रबीन्द्रनाथ ठाकुरया १००गु जन्मबार्षिकी उपलक्षय् पिथंगु
१९६१ रबीन्द्रनाथ ठाकुर
१९६२ काञ्चनजङ्घा ताराशंकर बन्दोपाध्याय़ उपन्यासय् आधारित
१९६२ अभियान
१९६३ महानगर नरेन्द्रनाथ मित्र जया बच्चनं थ्व संकिपां अभिनय न्ह्यथंगु
१९६४ चारुलता रबीन्द्रनाथ ठाकुर रबीन्द्रनाथ ठाकुरया "नष्टनीड़"य् आधारित चित्रनाट्य
१९६५ Two दूरदरशनया निंतिं दयेकूगु
१९६५ कापुरुष प्रेमेन्द्र मित्र
१९६६ महापुरुष
१९६६ नाय़क
१९६७ चिड़िय़ाखाना
१९६९ गुपी गाइन बाघा बाइन
१९७० अरण्येर दिनरात्रि
१९७१ प्रतिद्बन्द्बी कलकाता त्रय़ी
१९७१ सीमाबद्ध कलकाता त्रय़ी
१९७१ सिकिम
१९७२ द्य इनार आइ
१९७३ अशनि संकेत
१९७४ सोनार केल्ला फेलुदा सिरिज
१९७६ जनअरण्य कलकाता त्रय़ी
१९७६ बाला
१९७७ शतरञ्ज कि खिलाड़ि उर्दु संकिपा
१९७८ जय़ बाबा फेलुनाथ फेलुदा सिरिज
१९८० हीरक राजार देशे सन्द्बीप राय़
१९८१ पिकु दूरदरशनया निंतिं दयेकूगु
१९८१ सदगति दूरदरशनया निंतिं दयेकूगु
१९८४ घरे बाइरे रबीन्द्रनाथ ठाकुर
१९८७ सुकुमार राय़ तथ्य चित्र
१९८९ गणशत्रु हेनरिक इबसेन
१९९० शाखा प्रशाखा
१९९१ आगन्तुक लिपांगु संकिपा

च्वमि[सम्पादन]

सिरपा[सम्पादन]

वय्‌कःयात देछागु सिरपा थ्व कथं दु-

दं सिरपा व सम्मान सिरपा थुवा
१९५८ पद्मश्री भारत सरकार
१९६५ पद्म भूषण भारत सरकार
१९६७ रामन म्यागसासे पुरस्कार रामन म्यागसासे पुरस्कार फाउन्डेशन
१९७१ युगोस्लाभिय़ार तारका युगोस्लाभिय़ा सरकार
१९७३ डि लिट दिल्ली विश्वविद्यालय
१९७४ डि लिट रोयल कलेज अफ आर्ट, लन्दन
१९७६ पद्म भूषण भारत सरकार
१९७८ डि लिट अक्सफोर्द विश्वविद्यालय
१९७८ बिशेष सिरपा बर्लिन संकिपा नखः
१९७८ देशिकोत्तम विश्व-भारती विश्वविद्यालय, भारत
१९७९ बिशेष पुरस्कार मस्को संकिपा नखः
१९८० डि लिट बर्धमान विश्वविद्यालय, भारत
१९८० डि लिट यादबपुर विश्वविद्यालय, भारत
१९८१ डक्टरेट बनारस हिन्दु विश्वविद्यालय, भारत
१९८१ डि लिट उत्तर बङ्ग विश्वविद्यालय, भारत
१९८२ Hommage à Satyajit Ray कान संकिपा उत्सव
१९८२ सेन्ट मार्केर बिशेष गोल्डेन लाय़न भेनिस संकिपा नखः
१९८२ बिद्यासागर सिरपा पश्चिम बङ्गाल सरकार
१९८३ फेलोशिप ब्रिटिश फिल्म इनस्तिच्युत
१९८५ डि लिट कोलकाता विश्वविद्यालय, भारत
१९८५ दादासाहेब फालके सिरपा भारत सरकार
१९८५ सोभिय़ेत ल्यान्ड नेहरु पुरस्कार
१९८६ फेलोशिप सङ्गीत नाटक एकाडेमि, भारत
१९८७ लेजिओँ दनर (Légion d'Honneur) फ्रेञ्च सरकार
१९८७ डि लिट रबीन्द्र भारती विश्वविद्यालय, भारत
१९९२ एकाडमी सम्मानसूचक सिरपा (अस्कार) एकाडेमि अफ मोशन पिकचर आर्टस एण्ड साइन्सेस
१९९२ भारत रत्न भारत सरकार

पिनेया स्वापू[सम्पादन]

लिधंसा[सम्पादन]

  1. "राय, सत्यजित", Encyclopædia Britannica, इन्साइक्लोपिडिया ब्रिटानिका इंकर्पोरेशन, <http://www.britannica.com/eb/article-9062818>