जैविक वर्गीकरण
म्वामितेगु थी-थी गुणकथं वैज्ञानिक आधारय् थी-थी पुचलय् बायेगु ज्यायात जैविक वर्गीकरण वा त्याक्सोनोमि (Taxonomy) धाइ। थ्व विज्ञानय् जीवतेगु मंका गुण व विशेषताया आधारय् नां तयेगु, परिभाषित यायेगु (circumscribing) व पुचःया वर्गीकरण यायेगु वैज्ञानिक अध्ययन जुइ। जीवयात ट्याक्सा (एकवचन: ट्याक्सन)या पुचलय् तयेगु व थथे दयावःगु पुचलय् ट्याक्सोनोमिक क्रम बियेगु ज्या जुइ। आधुनिक विज्ञानय् जैविक वर्गीकरणया मू पुचःत डोमेन, किङ्गडम, फाइलम (गबलें गबलें फाइलमया थासय् वनस्पति विज्ञानय् डिभिजन छ्येलिगु या), क्लास, अर्डर, फ्यामिलि, जीनस व स्पिशिज/प्रजाति ख। स्वीडिश वनस्पतिविद् कार्ल लिनियसयात वर्तमान वर्गीकरण प्रणालीया संस्थापकया रुपय् कायेगु या। वय्कलं जीवयात वर्गीकरण यायेत लिनियन वर्गीकरण व जीवया नां तयेगु निंतिं बाइनोमियल नामकरणया नामं म्हसीकिगु प्रणाली दयेकादीगु खः।
जैविक व्यवस्थित विज्ञानया सिद्धान्त, तथ्यांक व विश्लेषणात्मक प्रविधिइ प्रगति जुया लिनिन प्रणाली आधुनिक जैविक वर्गीकरणया प्रणालीइ रुपान्तरण जुल गुकिया उद्देश्य जीवित व विलुप्त निगुलिं जीव दथुइ विकासवादी स्वापूयात प्रतिबिम्बित यायेगु खः ।
थ्व वर्गीकरणया मू भाग थ्व कथं दु-
| मू वर्गीकरण पद | |||
| लातिन | नेपालभाषा | ||
| regio | दोमेन | ||
| regnum | किंग्दम | ||
| phylum | divisio | फाइलम (जूलोजीइ) | दिभिजन (बोतानीइ) |
| classis | क्लास | ||
| ordo | अर्दर | ||
| familia | परिवार | ||
| genus | जेनस | ||
| species | प्रजाति | ||