वाल्त व्हितम्यान
| वाल्त व्हितम्यान | |
|---|---|
 Whitman in 1887 | |
| बूगु | वाल्तर व्हितम्यान जुनियर. मे 31, सन् 1819 Huntington, New York, U.S. |
| मदूगु | मार्च 26, 1892 (आयु 72) Camden, New Jersey, U.S. |
| समाधि स्थल | Harleigh Cemetery, Camden, New Jersey, U.S. 39°55′38″N 75°05′37″W / 39.9271816°N 75.0937119°W |
| ज्या |
|
| ल्हाचिं |  |
वाल्त व्हितम्यान वा वाल्तर व्हितम्यान जुनियर (मे ३१, १८१९ – मार्च २६, १८९२) छम्ह अमेरिकी चिनाखँमि, च्वखँमि, व बुखँमि (पत्रकार) ख। वय्कलं निगू उपन्यास नं च्वयादीगु दु । वय्कःयात अमेरिकी साहित्य व विश्व साहित्यया दकलय् प्रभावशाली चिनाखँमिइ छम्हया कथं कायेगु या । व्हिटम्यानं थःगु च्वसुइ पारलौकिकवाद व यथार्थवाद निगुलिं दुथ्याकादिल व वय्कःयात प्रायः स्वतन्त्र छन्दया अबु धाइ । वय्कःया ईलय् वय्कःया ज्या विवादास्पद जुयाच्वन, विशेष यानाः वय्कःया सन् १८५५या काव्य संग्रह Leaves of Grass, गुकियात गुलिसिनं थःगु प्रकट कामुकताया निंतिं अश्लिल धकाः वर्णन याःगु दु।
व्हिटम्यानया जन्म लङ आइल्याण्डया हन्टिङ्गटनय् जूगु खःसा मचाबलय् व वय्कःया थःगु करियरया अप्वः ई ब्रुकलिनय् च्वनादील। ११ दँ दुबलय् वय्कलं ज्या यायेत औपचारिक ब्वनेकुथि त्वःतादिल । वय्कलं पत्रकार, शिक्षक, सरकारी कारिन्दा जुयाः ज्या यानादिल । व्हिटम्यानया मू काव्य संग्रह, लीभ्स अफ ग्रास, दकलय् न्हापां सन् १८५५य् पिदंगु, वय्कःया थःगु हे ध्यबां पिथनादीगु थ्व चिनाखँमुना यक्व नांजाल। थ्व ज्यां छगू अमेरिकी महाकाव्ययात आम मनूतय्त थ्यंकेगु कुतः यात। व्हिटम्यान १८९२ स मदुतले लीभ्स अफ ग्रासयात विस्तार व संशोधन यानादील।
अमेरिकी गृहयुद्धया इलय् वय्कः वाशिंगटन, डीसीइ झाल, व घाःपाः जूपिनिगु हेरचाह यायेगु अस्पतालय् ज्या यानादिल। वय्कःया चिनाखँय् अप्वः धया थें क्षति व उपचार नित्तां केन्द्रित दु। अब्राहम लिंकनया हत्याया बारेय्, गुम्हेसित व्हिटम्यान तसकं प्रशंसा यानादिल, वय्कलं निगु कविता च्वयादिल, " ओ क्याप्टेन! माइ क्याप्टेन! " व " वेन लिलाक्स लास्ट इन द डोरयार्ड ब्लूम'ड ", व लिंकनया बारेय् व्याख्यानया भाषणया झ्वः बियादिल। जीवनया अन्तिम इलय् स्ट्रोक जुइधुंका व्हिटम्यान क्याम्डेन, न्यूजर्सीइ च्वनादिल, गन वय्कःयागु स्वास्थ्य अझ स्यन। ७२ दँ वय्कः मदूबलय् वय्कःया अन्तिम संस्कार सार्वजनिक ज्याझ्वः जूवन।
चिनाखँय् व्हिटम्यानया प्रभाव अझ नं बल्लाः। कला इतिहासकार मेरी बेरेन्सनं च्वःगु दु, "वाल्ट व्हिटम्यान मदयेक, लीभ्स अफ ग्रास मदयेक अमेरिकायात धात्थें थुइके फइमखु ... वय्कलं थ्व सभ्यतायात 'अप टु डेट' धकाः व्यक्त यानादीगुगु दु, वय्कलं धयादी थें, व इतिहासया दर्शनया सुं नं विद्यार्थीं वय्कः मदयेक (सीकेज्या) याये फइमखु।" आधुनिकतावादी चिनाखँमि एज्रा पाउण्डं व्हिटम्यानयात "अमेरिकाया चिनाखँमि... वय्कः अमेरिका खः" धयादिल। चिनाखँ प्रतिष्ठानया कथं वय्कः "अमेरिकाया हलिं चिनाखँमि- होमर, भर्जिल, दान्ते व शेक्सपियरया लिपांगु ईया उत्तराधिकारी ख।" [१]
ज्या
[सम्पादन]- फ्र्याङ्कलिन इभान्स ; बाय् द इनेब्रिएट : ए टेल अफ द टाइम्स (१८४२)
- द हाफ-ब्रीड; अ तेल अफ द वेस्तर्न फ्रन्तियर (१८४६)
- लाइफ एन्द एद्भेन्चर्स अफ ज्याक एङ्गल (१८५२ स क्रमबद्ध) [२]
- लिभ्स अफ ग्रास (१८५५, १८९१ तकया न्हय् गू संस्करण मध्ये न्हापांगु)
- म्यान्ली हेल्थ एन्द त्रेनिङ्ग (१८५८) [३]
- ड्रम-ट्याप्स (१८६५)
- डेमोक्र्याटिक भिस्टास (१८७१)
- मेमोरान्दा द्युरिङ्ग द वार (१८७६)
- स्पेसिमेन देज (१८८२)
- द वाउन्ड ड्रेसर: लेतर्स रितन तु हिज मदर फ्रम द हस्पितल्स इन वाशिङ्गतन द्युरिङ्ग द सिभिल वार वा गृहयुद्धया इलय् वाशिंगटनया अस्पतालं वय्कःया मांयात च्वःगु पौ, रिचर्ड एम बके (१८९८)या सम्पादनय्
- वाल्ट व्हिटम्यान स्पिक्स: जीवन, लेखन, आध्यात्मिकता, व अमेरिकाया प्रतिज्ञाया बारेय् वय्कःयागु अन्तिम बिचाः होरेस ट्रौबेलयात धाःगु कथं, ब्रेन्डा वाइनएप्पल (२०१९) या सम्पादनय् ।
लिधंसा
[सम्पादन]- ↑ Walt Whitman.
- ↑ Schuessler, Jennifer. "In a Walt Whitman Novel, Lost for 165 Years, Clues to Leaves of Grass", The New York Times, February 20, 2017.
- ↑ "Walt Whitman's Newly Discovered 'Manly Health and TrainingTemplate:'", Walt Whitman Quarterly Review, Volume 33, Issue 3/4, 2016.