लोहरदगा जिल्ला, झारखण्ड

विकिपिडिया नं
झारखण्डय् लोहरदगा

लोहरदगा जिल्ला भारतया झारखण्ड राज्यया छगू जिल्ला ख।

पलिस्था[सम्पादन]

लोहरदगा जिल्ला सन् १९८३, मे १७य् दक्षिणी छोटानागपुर प्रमण्डलया राँची जिल्लानाप बाया पलिस्था जूगु जिल्ला ख। [१]थ्व जिल्लाय् छगू जक्क नगर लोहरदगा नगर दु। क्षेत्रफल व जनसंख्या कथं थ्व जिल्ला झारखण्डया दक्ले चिधंगु जिल्ला ख।

प्रशासन[सम्पादन]

थ्व जिल्लाय् न्यागु प्रखण्ड दु। थ्व ख -लोहरदगा, सेन्हा, भंडरा, कू़डू व किस्को[२] थ्व जिल्लाय् कूल ६६ पञ्चाचत व ३५३ ग्राम दु।

भूगोल[सम्पादन]

थ्व जिल्ला २३'३० निसें २३'४०उत्तर अक्षांश व ८४'४० निसें ८४'५० पूर्व देशान्तरया दथुइ ला।[३] थ्व जिल्ला समुद्र सतह स्वया ६५४ मिटर (करिब २२०० फिट) च्वे ला। थ्व जिल्लाया क्षेत्रफल १७९१०७.४७ हेक्टर दु। थुकिलि बुंज्या योग्य भूमि ७७७४४.७४ हेक्टर, गुं क्षेत्र ४४३७३.५३ हेक्टर व बंजर भूमि ५६९८९.२० हेक्टर दु।[४]

थ्व जिल्लाया स्थिति थ्व कथं दु[५]-

  • उत्तरय् पलामु प्रमंडलया लातेहार जिल्ला,
  • दक्षिणय् दक्षिणी छोटानागपुर प्रमण्डलया गुमला जिल्ला,
  • पूर्वय् दक्षिणी छोटानागपुर प्रमण्डलया मुख्यालय राँची जिल्ला
  • पश्चिमय् पलामू प्रमण्डलया लातेहार जिल्ला

प्रतिनिधि[सम्पादन]

थ्व जिल्लाया लोकसभाय् छम्ह व विधानसभाय् निम्ह प्रतिनिधि दु। थ्व थाय्‌या आःया प्रतिनिधित थ्व कथं दु-

  • सासंद लोहरदगा लोक सभा क्षेत्र – श्री रामेश्वर उराँव
  • विधायक लोहरदगा विधानसभा क्षेत्र – श्री सुखदेव भगत
  • विधायक विशुनपुर विधानसभा क्षेत्र- श्री चन्द्रेश उराँव

लिधंसा[सम्पादन]

स्वयादिसँ[सम्पादन]