लोक संगीत

लोकं येकुगु संगीतयात लोक संगीत (Folk Music) धाई। लोक संगीत मौखिक परम्पराया माध्यमं संचारित जुइ। २०गु शताब्दी स्वया न्ह्यः सामान्य मनूत आपालं आखः मस्युपिं जुयाच्वन व इमिसं म्ये लुमंकाः सयेकल। प्राथमिक रुपं, थ्व संगीत सफू वा रेकर्ड वा प्रसारण संचार माध्यमं लोकह्वाःगु संगीत मखु। छुं म्येहालामितेसं म्येया सफू छ्यला थःगु म्ये मुनाः विस्तार याःसां आपालं धाःसा न्यना-कनाया आधारय् हे थ्व संगीत लुमंकेगु/हालिगु जुइ। थन्याःगु संगीत अप्वः धया थें राष्ट्रिय संस्कृतिलिसे स्वापू दयाच्वनि। थ्व सांस्कृतिक रुपं विशेष जुइ व छगू विशेष लागा बाय् तजिलजिं आत्मसात यानातइ। आप्रवासी पुचःया सन्दर्भय् लोक संगीतं सामाजिक एकताया निंतिं छगू क्वातूगु स्वापू दयेकि व मेमेपिं दथुइ थःगु सांस्कृतिक पहिचांयात बः बीत ग्वहालि याइ। लोक संगीतं ऐतिहासिक व व्यक्तिगत घटनातेत लुमंकी। नापं, विशेष म्येत दँया चक्रय् हनेगु/हालिगु याइ। जन्मन्हि, इहिपा, व अन्तिम संस्कारयात नं म्ये दयाच्वनेफु, प्याखं व विशेष वसः पुनाः हालिगु चलन नं दयेफु। धार्मिक नखःचखःबलय् अप्वः धया थें लोक संगीत दयाच्वनि। थ्व ज्याझ्वलय् मंका कथं हालिगु संगीतं मस्त व गैरव्यावसायिक म्येहालामितय्त सार्वजनिक ख्यलय् ब्वति कायेगु चलन दयेकि, गुकिं संगीतया सौन्दर्य गुणलिसे स्वापू मदुगु भावनात्मक स्वापू दयेकी। थन्याःगु म्येत ताःहाकःगु ईया दुने, सामान्यतया यक्व पुस्ताया दुने, चलन कथं, न्ह्यब्वयाच्वंनि।

दसु

नेपाः

थीथी नेवाः संगीत दसु सिनाज्या म्ये, राजमति म्ये, पानवति म्ये आदि।

अमेरिका

ब्लुग्रास
ब्लुज
ज्याज
हवाइयन संगीत

भारत

आन्ध्र प्रदेश: मदिगा दप्पू, माला जमिदिका
असम: बिहूगीत, टोकरीगीत, कामरूपी लोकगीत, गोलपरिया लोकगीत
छत्तीसगढ़: पण्डवानी
बंगाल: बाऊल, भटियाली
गुजरात : गरबा, दोहा
कर्नाटक : भावगीते
महाराष्ट्र : भावगीते, लावणी, पोवादा, भजन, कीर्तन, प्रवचन, भक्तिगीत, भरुद, गोन्धाल, ललित, अभंग, तुम्बादी
ओड़ीसा : ओड़िसी, सम्भलपुरी
पंजाब : महिया

स्वयादिसँ

तजिलजि