लाज्या
लाज्या (अङ्ग्रेजी: Hobby) धाःगु थःगु नुगः हयेकेत, थःगु लाःगु ईलय् याइगु ज्या ख। लाज्याया दसुया रुपय् चाहिलिगु, थी-थी सामान मुंकिगु, क्रियतिभ व कलात्मक ज्या यायेगु, कासा म्हितिगु आदि कायेछिं। छता हे लाज्याय् हानं-हानं ब्वति कया मनुतयेसं व ख्यःया ज्ञान व कौशल कायेफु। साधारणतया, थ्व कथं नुगः हयेकेत जक्क यायेगु ज्यायात अमेचर धाइगु या। थ्व ज्या लजगा वा ध्येबा दयेकेगु व्यावसायिक उद्देश्यं याइगु मखुसे थःगु मनया सन्तोष व सन्तुष्टिया लागिं याइ।[१] लाज्याया दुने थीथी ताजिया ज्या लायेफू, गथे कि वस्तुत मुंकेज्या (Collecting), दयेकेज्या (Crafting), कासा म्हितीगु, वा कलात्मक ज्या यायेगु। सफू ब्वनेगु, किपा च्वयेगु/दयेकीगु (Painting), संगीत न्यनेगु, व क्यबय् स्वाँ ल्ह्वयेगु (Gardening) थेंज्याःगु ज्यात हलिंन्यंक सिक्क नांजाःगु लाज्या खः। छुं मनूतयेसं ब्याकग्यामन, चेस, वा मन्काला थेंज्याःगु बोर्ड कासात म्हितेगुयात थःगु मू लाज्या दयेकी। अथे हे सुइगु ज्या (Sewing), ड्रेसमेकिङ, व मेशिनं वसः दयेकेगु ज्या नं यक्व मनूतेगु लोकप्रिय लाज्या ख।[२] प्राचीन सिक्का, टिकट (Stamps), वा पुलांगु वस्तुत मुनिगु 'मुंकाज्या' नं सिक्क बौद्धिक लाज्याया रूपय् कायेगु या।[३] थःगु ययेगु लाज्याय् ई फुके बिले मनया तनाव म्हो जुयाः मानसिक शान्ति प्राप्त जुइ।[४] लाज्यां मनूतयेगु रचनात्मक क्षमता व न्हुगु खँ सियेगु चाहनायात तिबः बी।[५] परिवार व पासापिंसं छथासँ च्वनाः लाज्या पूवंकेबिले सामाजिक स्वापू अझ बल्लाया वनि।[६] मचातयेगु लागिं बांलाःगु लाज्या छनौट यायेगु ज्यां उमगु व्यक्तित्व विकासय् तःधंगु योगदान बी।[७] थौंकन्हे डिजिटल युगय् कम्प्युटर प्रोग्रामिङ, व सोसल मिदियाय् किपा, संकिपा आदि दयेकीगु नं आधुनिक लाज्याया रूपय् प्रचलित जुयावःगु दु। वृद्ध मनूतयेगु लागिं सक्रीय च्वनेत व उसाँय् बांलाकेत लाज्या सिक्क आवश्यक जुइ।[८] थ्व ज्यां मनूयात जीवनय् न्हुगु उत्साह व उमंग बियाच्वनी।[९] सकल मनुया थः-थःगु रुचि कथं थीथी प्रकारया लाज्या जुयेफइ।[१०]
लिधंसा
[सम्पादन]- ↑ Stebbins, Robert A. (2015). Serious Leisure: A Reconnaissance Approach. Routledge.
- ↑ Burman, Barbara (1999). The Culture of Sewing: Gender, Fashion and Home Dressmaking. Berg Publishers.
- ↑ Belk, Russell W. (1995). Collecting in a Consumer Society. Routledge.
- ↑ Pressman, Sarah D. et al. (2009). "Evaluating the Enjoyment and Health Benefits of Leisure Activities". Psychosomatic Medicine, 71(7), 725-732.
- ↑ Kimiecik, Jay (2002). The Intrinsic Motivations of Leisure Activities. Human Kinetics.
- ↑ Iwasaki, Yoshi (2007). "Leisure and Quality of Life in an International Context". Social Indicators Research, 82(2), 233-264.
- ↑ Caldwell, Linda L. (2005). "Leisure and Youth Development". World Leisure Journal, 47(1), 15-28.
- ↑ Silverstein, Merril (2000). "Leisure Activities and Quality of Life in Older Adults". Journal of Aging Studies, 14(4), 365-381.
- ↑ Taylor, Robert (2012). The Importance of Hobbies in Modern Life. Oxford University Press.
- ↑ Haworth, John T. (1997). Work, Leisure and Well-Being. Routledge.
स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Hobbies |