लाओजी

Carving of Laozi at Ping Sien Si Temple in Perak

Laozi
老子

बूगु	Zhou Dynasty
मदूगु	Zhou Dynasty
कालखण्ड	प्राचीन दार्शनिक
क्षेत्र	पश्चिम एसिया
विचारधारा	ताओ धर्म
नांजागु विचाः	वु वेइ

लाओजी चिनिया धर्म ताओ धर्मया प्रवर्तक ख। वय्‌कःया धर्मय् प्रकृतिवादयात विशेष महत्त्व बियातःगु दु। जीवनया अन्तय् वय्‌कः जंगलय् झाःगु धइगु कथन दु। बुद्ध धर्मया गौतम बुद्ध, कन्फ्युसियस धर्मया कन फुत्सु नापं वय्‌कः चिनिया धर्मया मू स्वम्ह मनुइ छम्ह ख। वय्कःया जन्म कुरेनली, लिक्सियाङ, कु काउन्टी , छु राज्य, पूर्वी झोउ राजवंशय् जूगु ख। थ्व थाय् न्हापा चेन राज्यया भाग ख धाःसा आः लुयी काउन्टी, हेनान प्रान्तय् ला। वय्कलं शाङ रोङया अधीनय् अध्ययन यानादिल। पूर्वी झोउ राजवंशया वसन्त व शरद ऋतुया ईलय् वय्कलं झुक्सियाशी (कोषया रक्षक)या ज्या यानादिल। वय्कः चीनया वसन्त व शरद ऋतुया ईलय् छम्ह दार्शनिक जुयादिल, व वय्कः ग्वाङयाङ पर्वत, जिङताइइ एकान्तय् च्वनादिल। वय्कःया दर्शनया कृतियात "ताओ ते चिङ"या नामं व्यापक रुपं म्हसीकिगु या, गुगु ताओ धर्म व ताओवादया मू ग्रन्थय् छगू ख।

लाओजीया दर्शनयात लिपा झुआङजी, याङ झु, लि युकौ आदि मनुतेसं लिपा विकास यात व लिपाया पुस्तां वय्कःयात ताओवादी दर्शनया संस्थापकया रुपय् कायेगु यात। "रेकर्ड्स अफ द ग्रान्ड हिस्टोरियन: बायोग्राफीज अफ लाओजी एण्ड हान फेइ"य् कन्फ्युसियसं लाओजीयात शिष्टाचारया विषयया बारेय् न्यंगु अभिलेख दु। लाओजीं गैर-क्रिया (non-action) , मनु व प्रकृतिया एकता , व शान्ति व गैर-क्रियाया शासकीय दर्शनया वकालत यात। वय्कः व झुआङजी निम्हं ताओ धर्मया महत्त्वपूर्ण व्यक्ति ख, व वय्कःपिन्त सामूहिक रुपं " लाओ झुआङ "या नामं म्हसीकिगु या।

परिवार

• अबु: लि जिङ्ग (झोउया जुजु डिंगया अधीनय् इम्पेरियल सेन्सरया रुपय् ज्या याम्ह)।
• मां: छु धाःगु थाय्या मूलवासी यिशोउ कुलयाम्ह
• सन्तान
  • लि जोंग : लाओजीया काय् ।
  • लि झु : लि जोङया काय्, लाओजीया छेय्।
  • लि गोंग : लि झुया काय्।
  • लि जिया : लि गोंगया वंशज, हानया सम्राट जिओवेनया अधीनय् सेवा यानादिम्ह।
  • लि जिए : लि जियाया काय्, वय्कः जिओसीया जुजु आङया ग्रान्ड ट्युटर जुयादिल, व चीइ च्वनादिल।

स्वयादिसँ

• ताओ धर्म
• ताओ-ते-चिङ