रुक्शना कपाली

रुक्शना कपाली
बूगु	नेसं १११९/०६/१६ यल, नेपाः
थाय्‌बाय्‌	यल, नेपाः
राष्ट्रियता	नेपाःमि
प्रसिद्धि	नेपालय् यितामि अधिकार
ज्या	ज्यासनामि

रुक्शना कपाली (कुनां : मिँच्याः मय्‌जु, न्हापाया नांत : मिँजला, मतिना) छम्ह यितामिसा खः । वयेकः नेसं १११९ चौला १६ न्हिल्याः खुन्हु यलया पतको त्वालय् बूम्ह खः । वयेकः नेसं ११३८सं बीरगंजया तेद न्वचु ज्याझ्वःया न्वचुमि नं खः । नेसं ११३८सं वयेकलं मिसापिनेगु याकः जुजं चुनौति नं त्याकूगु खः। थुगु चुनौति काइपिं मिसातय् वयेकः न्हापांम्ह यितामिसा खः । नेसं ११३८ निसें थः हलिंब्वनेकुथिइ दुतिनाल्याः कायेगु नितिं नं ल्वानाच्वंगु दु । नेपालय् यितामितय्‌गु नितिं कानुनी प्रावधान मदयाः थःगु ब्वनेज्याया दसिपौत व नागरिकता पौसं छगू हे नां व जाः मदूगुलिं वयेकःयातः त्रिभुवन हलिंब्वनेकुथिं दुतिनाल्याः मब्यू । थ्व समबन्धि #TransExclusionistTU लगायत मेमेगु अभियान न्ह्याकाच्वंगु दु ।

पिथना

• नेपालभासय् जाः व यसु सम्बधि खँग्वः मुना, नेसं ११३८ ज्यापुन्हि
• जाः व यसु सम्बन्धि स्वता भासं खँग्वः मुना, नेसं ११३९ (आइएसबिएन : 978-9937-0-6288-6)
• क्वय्‌र व मिसाबादि खँग्वः धुकू, नेसं ११३९ (आइएसबिएन : 978-9937-0-6935-9)
• यचासु व जाःया खँग्वःधुकू, नेसं ११३९ (आइएसबिएन : 978-9937-0-6483-5)
• यचा क्वसाः, जाः म्हसिका व यचिं तजिसु सम्बन्धि नेपालभासय् आधारभूत खँग्वःत, नेसं ११४१/०१/१७ (आइएसबिएन : 978-9937-0-8031-6)

सिरपा

• देय् लय्‌ताः ज्यामि सिरपा, नेसं ११४१ - नेपाल सरकार युवा तथा खेलकुद मन्त्रालय, संयुक्त राष्ट्र स्वयंसेवक (युएन भि नेपाल) लगायत
• संयुक्त राष्ट्र संघ बालिका शिक्षा पहल, नेसं ११४०
• युथ चेन्ज मेकर अवार्द, नेसं ११३८ - संयुक्त राष्ट्र युवा तथा विद्यार्थी संगठन नेपाल

उपलब्धि

• न्हू पुखू मौलिक सैलिं हाकनं दनेगु अभियान

न्हापांम्ह

• 'मिसा' धकाः नागरिकता दयेकेगु नितिं आवेदन ब्यूम्ह नेपाःया न्हापांम्ह यितामिसा