रिचार्ड वाग्नर
विल्हेल्म रिचर्ड वाग्नर बाय् रिचार्ड वाग्नर (२२ मे १८१३ – १३ फेब्रुअरी १८८३) छम्ह जर्मन संगीतकार, थिएटर निर्देशक व निबन्धकार खः, गुम्ह थःगु ओपेरा (गुकियात वय्कः "म्युजिक ड्रामा" धयादी) या निंतिं नांजाः। मेमेपिं ओपेरा संगीतकारत स्वया पाःगु पहः दुम्ह, वाग्नरं थःगु कृतिया संगीत व लिब्रेटो (libretto - म्येया खँग्वः) निगुलिं थम्हं हे च्वयादी। वय्कःया द रिङ अफ द निबेलुङ (The Ring of the Nibelung) प्यंगू ओपेराया छगू विशाल चक्र खः। वय्कः "लाइटमोटिफ" (leitmotif) - संगीतया छगू ब्वः गुगु विशेष पात्र वा विचाःलिसे स्वापू तइ - या प्रयोगया निंतिं नांजाः।
मू कृति
[सम्पादन]द रिङ अफ द निबेलुङ (The Ring of the Nibelung)
ट्रिस्टान उन्ड आइसोल्ड (Tristan und Isolde)
लोहेन्ग्रिन (Lohengrin)