मार्सल आर्ट

मार्शल आर्ट धइगु आत्मरक्षा, उसाँय्, सैनिक व कानून प्रवर्तन; धेधेबल्ला; शारीरिक, मानसिक व आध्यात्मिक विकास; लय्ता थें न्याःगु यक्व कारणं अभ्यास याइगु ल्वापूया संहिताबद्ध प्रणाली व परम्परा ख। मार्शल आर्टया अवधारणा मूल रुपं पूर्वी एसियाली परम्परानाप स्वापू दू तर लिपा थ्व खँग्वः उगु क्षेत्रं पिनेया उत्पत्ति जूगु अभ्यासय् नं छ्येलाहःगु दु।

बायेज्या

मार्शल आर्टयात थी थी मापदण्ड छ्यलाः बायेछिं :

परम्परागत/ऐतिहासिक कला बाय् समकालीन शैली: दसु आधुनिक हाइब्रिड मार्शल आर्टया तुलनाय् लोक कुश्ती ।
स्यनातःगु प्रविधि : सशस्त्र व निशस्त्र, अले थुगु ताजिया दुने
- सशस्त्र : ल्वाभःया ताजिकथं ( तरवार कला, कथि ल्वायेगु आदि)
- निशस्त्र : ल्वापुया ताजिकथं ( ग्र्यापलिङ्ग, स्ट्राइकिङ्ग, दना ल्वायेगु, भूमिगत ल्वापु )
छ्येला वा आशय कथं: आत्मरक्षा, लडाकु कासा, कोरियोग्राफी वा थीथी स्वरुपया प्रदर्शन, म्हःया फिटनेस, ध्यान, आदि।
चिनिया परम्परा दुने : "बाह्य" व "दुनेया" शैली

प्राविधिक केन्द्रित बायेज्या

निशस्त्र

निशस्त्र मार्शल आर्टयात व्यापक रुपं थ्वाइगुलि केन्द्रित जूगु, ज्वनिगुलि केन्द्रित जूगु वा निगुलिं क्षेत्रयात कःघाइगु (हाइब्रिड मार्शल आर्ट)या पुचलय् ब्वथलेफइ। ^{[ उद्धरण माः ]}

किपा:Stone bas relief at Banteay Srei in Cambodia from front.jpg

थ्वायेज्या: कम्बोडियाया बान्तेय श्रेइ (९६७ ई.)य् क्यनातःगु ल्हातं व तुतिं थ्वाइगु प्रविधि ।

थ्वाइगु

ल्हातं थ्वाइगु वा मुक्का : बक्सिङ, विङ्ग चुन
तुतिं थ्वाइगु : किकबक्सिङ्ग, तेक्वान्दो, क्यापोइरा, साभाते, कराते, कङफू, तेकियोन
चुल्यां थ्वाइगु : बोकाटर, कङ फू, कराते, मुइ ताइ
पुलिं थ्वाइगु : लेथवेइ, मुइ ताइ, बोकाटोर, कङ फू
मेमेगु थ्वाइगु पहः: बोकाटोर, लेथवेइ, मुइ ताइ, कङ फू, पेन्काक सिलाट, ताइजिक्वान, भोभिनाम

ज्वनिगु

वांछ्वयेगु : हाप्किदो, जुडो, सुमो, कुस्ती, आइकिदो, शुआइ जिओ, ताइजिक्वान
साः वा ज्वर्नि ग्वयेगु / चोकहोल्ड / सबमिसन होल्ड : जुजुत्सु, ब्राजिलियन जिउ-जित्सु, क्याच रेस्लिङ्ग, जुडो, चिन-ना, ताइजिक्वान, कराते
पिनिङ्ग प्रविधि : जुडो, कुस्ती, आइकिडो
त्राय्पिङ्ग / क्लिन्च ल्वापु : विङ्ग चुन, फिलिपिनो मार्शल आर्ट, जीत कुने दो, मुइ ताइ, कुस्ती, जुडो

सशस्त्र

सशस्त्र ल्वापू कःघाइगु परम्परागत मार्शल आर्टय् प्रायः धाःदूगु ल्वाभः व कथि दूगु थीथी ल्वाभःया झ्वः दुथ्याइ। थन्यागु परम्पराय् एस्क्रिमा, सिलात, कालरिपायत, कोबुदो, व ऐतिहासिक युरोपेली मार्शल आर्ट, विशेष यानाः इटालियन पुनर्जागरणया परम्परा ला। यक्वं चिनियाँ मार्शल आर्टय् नं परम्पराया ब्व कथं ल्वाभः दुथ्याः। ^{[ उद्धरण माः ]}

गबलें गबलें, छगू विशिष्ट ल्वाभः नापंया प्रशिक्षणयात थःगु हे कथं छगू पहःया रुपय् कायेछिं, विशेष यानाः जापानी मार्शल आर्टय् केन्जुत्सु व केन्दो (तरवार), बोजुत्सु (कथि), व क्युदो (तिमा व बला) थें न्याःगु ल्वाभः विधाय् बायातःगु दु। अथे हे आधुनिक मार्शल आर्ट व कासाय् आधुनिक फेन्सिङ, स्टिक-फाइटिङ सिस्टम गथेकि क्यान डे कम्ब्याट, आधुनिक धेधेबल्ला आर्चरी व व्यावहारिक सुटिङ दुथ्याः । ^{[ उद्धरण माःगु दु ]}

छ्येला बाय् आशयकथं

ल्वापू-उन्मुख

आध्यात्मिकता-उन्मुख

परम्परागत कोरियन मार्शल आर्टं अभ्यास याइम्ह मनूया आध्यात्मिक व दार्शनिक अस्तित्वया विकासय् बः बी । अप्व कोरियन शैलीइ (दसु तेक्योन, तेक्वान्दो, व हाप्किदो ) खनेदइगु छगू समानता धाःगु छम्ह अभ्यासकःमिया "आन्तरिक शान्ति" ख, गुकियात व्यक्तिगत ध्यान व प्रशिक्षणया माध्यमं जक्क प्राप्त यायेफइगु खँय् बः बियातःगु दु। कोरियनतय्सं भौतिक बल छ्यलेगु धइगु आत्मरक्षाया निंतिं जक जायज जुइगु विश्वास याइ । ^[१] जापानी मार्शल आर्टयात "बुदो"या रुपय् बायेछिं; "-do" प्रत्ययं मार्शल आर्ट छगू पाय्छि व पूर्ण जीवनया लँपु ख व शारीरिक प्रशिक्षणया अर्थ आध्यात्मिक सुधार प्राप्त यायेगु ख धकाः क्यनि।

लिधंसा

↑ Taekwondo in a Street Fight: Effective for Self-defense? (en-US) (2020-03-28).

विकिमिडिया मंका य् थ्व विषय नाप स्वापु दुगु मिडिया दु: Martial arts

[1] Taekwondo in a Street Fight: Effective for Self-defense? (en-US) (2020-03-28).

[१]