मदरबोर्द
मदरबोर्द वा मदरबोर्ड (मेमेगु नां: मेनबोर्ड, मेन सर्किट बोर्ड, एमबी, बेस बोर्ड, सिस्टम बोर्ड , वा एप्पल कम्प्युटरय् लजिक बोर्ड) सामान्य-उद्देश्यया कम्प्युटर व मेमेगु विस्तारित प्रणालीइ मू प्रिन्टेड सर्किट बोर्ड (PCB) ख। थ्व बोर्डं कम्प्युटरया यक्व महत्वपूर्ण इलेक्ट्रोनिक कुचातेगु दथुइ संचार यायेत ग्वहालि याइ। दसु सिपियु व मेमोरी, व मेमेगु पेरिफेरलया निंतिं मदरबोर्दं कनेक्टर प्रदान याइ। ब्याकप्लेन स्वया पृथक छगू मदरबोर्डय् सामान्यतया महत्त्वपूर्ण उप-प्रणाली दइ, गथेकि सेन्ट्रल प्रोसेसर, चिपसेटया इनपुट /आउटपुट व मेमोरी कन्ट्रोलर, इन्टरफेस कनेक्टर, व सामान्य छ्येलेज्याया निंतिं एकीकृत मेमेगु कम्पोनेन्त।
मदरबोर्डया अर्थ विशेष कथं विस्तार यायेगु क्षमता दुगु पिसिबि खः। नां कथं, थ्व बोर्डयात प्रायः थुकी स्वानातःगु फुक्कं कुचातेगु मांया रुपय् काइ, गुकी प्रायः पेरिफेरल, इन्टरफेस कार्ड, व डटरबोर्डत: साउण्ड कार्ड, भिडियो कार्ड, नेटवर्क कार्ड, होस्ट बस एडाप्टर, टिभी ट्यूनर कार्ड, IEEE १३९४ कार्ड, व मेमेगु थीथी कस्टम कम्पोनेन्टत ला।
अथे हे मेनबोर्ड खँग्वलं छगू हे बोर्ड दूगु व थप विस्तार वा क्षमता मदुगु उपकरणयात वर्णन याइ। दसु लेजर प्रिन्टर, टेलिभिजन सेट, वाशिंग मेसिन, मोबाइल फोन, व मेमेगु एम्बेडेड सिस्टमय् सीमित विस्तार क्षमता दूगु बोर्ड गनकि बोर्ड बिस्तार यायेगु क्षमता आपालं दैमखु।
स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Computer motherboards |