भ्वं

Hemp

छपा यचुगु भ्वं

भ्वं छगु साल्लुगु कम्मोडिटीया वस्तु ख: । थ्व फाइबरया अम्यालग्यामेसन प्रक्रियां दयेकी, साधारण कथं वनस्पतितेगु सेलुलोज फाइबर छ्यला: भ्वं दयेकी । वनस्पतिया थज्यागु फाइबरय् हाइड्रोजन बन्ड दइगुलिं भ्वं यात छधि यानातइ । अप्व: फाइबरत प्राकृतिक जुसां यक्व कथंया सिन्थेथिक फाइबर (दसु- पोलीप्रोपाइलीन व पोलीइथाइलीनया छुं निश्चित भौतिक गुणया निंति) नं छ्येलेगु याइ । भ्वं दयेकेत दक्कले साधारन कथं छ्यलीगु फाइबर वूड पल्प ख: । थ्व पल्पवूड सिमा, अप्व: याना सफ्टवूड व हार्डवूड (दसु क्रमशः-स्प्रुस व एस्पेन) छ्यला दयेकी । मेमेगु वनस्पति फाइबर (दसु- कटन, जुट, लाइनेन, व सु (वामा) आदि) नं भ्वं दयेकेत छ्यलेगु या: ।

दयेकीगु पहः

आधुनिक भ्वं सामान्यतया सिँया पल्पं दयेकिगु या। सिँयात नचुकाः लः व मेमेगु रसायनलिसे ल्वाकछ्यानाः "पेपर पल्प" धाःगु सालूगु ति दयेकी। भ्वंयात अप्वः तुयुकेत भ्वंया पल्पयात ब्लीच यायेफइ, अले रंगीन भ्वं दयेकेत डाई तयेफइ। थ्व पल्पयात भ्वंया पानाय् दायेगु याइ। भ्वंयात पानाय् त्वाथले न्ह्यः अप्वः धया थें भ्वँतय् ध्वायेगु जुइ। न्यूजप्रिन्ट पेपर (पत्रपत्रिका) तःधंगु रोलय् वइ, अले छगू निरन्तर पाना कथं ध्वायेगु प्रक्रियाय् वनी। लिपा मेशिनं सनिगु गियेतिन ब्लेडं थुकियात त्वाःथली। लिपतय् भ्वं लथ्याकेगु ज्या जुइ वइ, अले थ्व धुंका इनेगु निंतिं प्वःचिनेगु ज्या जुइ।

गबलें गबलें भ्वंयात चा तयाः, अले 'मिल' यानाः झ्यातुकिगु व झःझः दयेकेछिं। छझ्वः रोलरय् भ्वंयात तिसिना मिलिंग याइ। गबलें गबलें भ्वं छ्यलेधुंकूगु बाय् फोहर भ्वंपाखें दयेकी गुकियात रिसाइक्लिङ्ग धाइ।

दक्वं भ्वं सिँपाखें दयेकी मखु। मेगु ताजिया फाइबर नं छ्यले छिं। मनूतसें आः नं विशेष उद्देश्यया निंतिं कपाय्, लिनन व हेम्पं भ्वं दयेकी।

छ्यलाबुला

थी थी देय्या भ्वंया ध्यबा

भ्वंया छ्यलाबुला उद्देश्यय् निर्भर जुइ व उद्देश्य कथं थी थी गुण दुगु भ्वं दयेके छिं।

सफूपिथना, च्वखँ, बाय् जानकारीया बस्तुत

• मू क्यनेत : भ्वंया ध्यबा, बैंक नोट, चेक, सेक्युरिति ( सेक्युरिति पेपेर स्वयादिसँ ), भौचर, टिकट
• जानकारी मुंकेगु निंतिं : सफू, नोटबुक, ग्राफ भ्वं, पन्चद कार्ड, फोटोग्राफिक भ्वं
• ध्वायेगु सामग्री, प्रकाशन, व ब्वनिगु सामग्रीया निंतिं : सफू, बुखँपौ, पत्रिका, पोस्टर, पम्फ्लेट, नक्सा, चिं, लेबल, विज्ञापन, होर्डिङ बोर्ड।
• व्यक्तिगत प्रयोगया निंतिं : डायरी, नोटबुक, च्वयेगु प्याड, मेमो प्याड जर्नल, प्लानर, थःत लुमंकेगु निंतिं नोट आदि; अस्थायी ब्यक्तिगत छ्यलाबुलाया निंतिं : स्क्राच भ्वं
• ब्यवसायिक व ब्यवसायिक छ्यलाबुलाया निंतिं : कपियर भ्वं, लेजर भ्वं, टाइपिङ्ग भ्वं, कम्प्यूटर प्रिन्टर भ्वं । फारम व दस्तावेज गथेकि इनभ्वाइस, रसिद, टिकट, भौचर, बिल, ठेक्का, आधिकारिक फारम, सम्झौता थेंज्याःगु दस्तावेजया निंतिं विशेष भ्वं।
• खँल्हाबल्हाया निंतिं : मनूत व/बाय् मनूतय् पुचःया दथुइ : पौ, हुलाक कार्ड, एयरमेल, टेलिग्राम, बुखँपौ, कार्ड स्टक
• दस्तावेजत मिले यायेगु व छ्वयेगु निंतिं : खाम, फाइल फोल्डर, प्याकेजिङ्ग, पकेट फोल्डर, पार्टेशन फोल्डर ।
• कलात्मक ज्या व छ्यलाबुलाया निंतिं; ड्रइङ्ग भ्वं, पास्तेल, वाटर कलर पेन्टिङ्ग, स्केच प्याड, चार्कोल ड्रइङ्ग ,
• भ्वंया अप्वः सुरुचिपूर्ण रुप छ्यलाः विशेष मुद्रित सामानया निंतिं; स्टेशनरी, पार्चमेन्त,

प्वःचिनेगु व औद्योगिक छ्यलाबुला

• प्वःचिनेगु निंतिं : करुगेतेद बाकस, भ्वंया म्हिचा, खाम, त्वपुइगु भ्वं, भ्वंया तार
• सफाइया निंतिं : ट्वाइलेट पेपर, भ्वंया रुमाल, ख्वाःया टिस्यू ।
• नसा ल्हेगु व स्वथनेगु निंतिं: व्याक्स पेपर, भ्वंया प्लेट व भ्वंया कप, पेय पदार्थया बट्टा, ति ब्याग, मसलाप्वः, नसा प्याकेजिङ, कफी फिल्टर, कपकेक कप।
• निर्माणया निंतिं : पेपियर-माचे, ओरिगामी भ्वं, भ्वंया विमान, क्विलिङ्ग, पेपर हनिकुम्ब, स्यान्डपेपर (खास्ति), कम्पोजिट सामग्रीइ मू सामग्रीया रुपय् छ्यलिगु, भ्वं इन्जिनियरिङ, निर्माण भ्वं, भ्वंया उन, व भ्वंया वसः
• मेगु छ्यलाबुलाया निंतिं : एमरी पेपर, ब्लोटिङ पेपर, लिटमस पेपर, युनिभर्सल इन्डिकेटर पेपर, पेपर क्रोमेटोग्राफी, इलेक्ट्रिकल इन्सुलेशन पेपर ( फिशपेपर नं स्वयादिसँ ), फिल्टर पेपर, वालपेपर

छगू अनुमान कथं भ्वंतय् स्वथनिगु समाधानं सन् १९८६इ कुलया ०.३३% व २००७य् ०.००७% जक्क मात्रा दयेकल, यद्यपि निरपेक्ष रुपय् भ्वंतय् सुचं स्वथनेगु हलिंया क्षमता ८.७ निसें १९.४ पेटाबाइट तक्क अप्वल। सन् १९८६इ भ्वंतय् आधारित हुलाक पत्रं हलिंया दूरसञ्चार क्षमताया ०.०५% स्वया म्हो प्रतिनिधित्व याःगु अनुमान दु, गुकि डिजिटल प्रविधि वयेधुंका तसकं म्हो जुल।

दृश्य कलाय् भ्वंया मू भूमिका दु । थ्व कलाय् भ्वंयात थःथम्हं निगु व स्वंगु आयामया आकार व कोलाज दयेकेगु निंतिं छ्यलिगु या। भ्वं फर्निचर डिजाइनय् छ्यलिगु संरचनात्मक सामग्रीया रुपय् नं विकास जुल। वातरकलर पेपरया उत्पादन व छ्यलाबुलाया ताःहाकःगु इतिहास दु ।

स्वयादिसँ

• समाज