भौगोलिक कोअर्दिनेत व्यवस्था



भौगोलिक कोअर्दिनेत व्यवस्था बाय् भौगोलिक निर्देशांक प्रणाली(Geographic coordinate system) हलिंया सकल थाय्यात अक्षांश व देशान्तरया फुतिइ परिभाषित यायेफूगु व्यवस्था ख। थ्व व्यवस्था पृथ्वीया सतहय् च्वंगु छुं नं थाय्या पाय्छि स्थिति निर्धारण यायेत छ्येलिगु छगू गणितीय नेटवर्क प्रणाली खः। थ्व प्रणालीइ मुख्य रूपं अक्षांश (Latitude) व देशांतर (Longitude) या प्रयोग जुइ। थ्व ध्वःतयेत डिग्री (°), मिनेट ('), व सेकेन्ड (") य् मापन याइ। अक्षांश ध्वलं भूमध्यरेखा निसें उत्तर वा दक्षिणया हाकः क्यनि धाःसा देशांतर ध्वलं ग्रिनविच निसें पूर्व वा पश्चिमया ब्याः क्यनि। दसुया निंतिं, छुं नं थाय्या स्थिति (२०° उ, ८५° पू) धकाः क्यनेबलय् उकिया पाय्छि थाय् अःपुक्क सीकेफइ। थ्व प्रणालीया छ्यलेज्या नक्सांकन, नेभिगेसन, उडान, समुद्री यात्रा व जिपिएस प्रविधिइ अनिवार्य रुपं जुइ। थुकिया आधारय् हे आधुनिक डिजिटल नक्सा व लोकेशन आधारित सेवातयेसं ज्या याइ। थ्व विश्वव्यापी प्रणालीं सञ्चार व यातायातयात यक्व अःपुका ब्युगु दु।