भुतू

An early-20th century Art Nouveau

The roasting spit in this Europe

Kitchen interior, c. 1565

नसाः ज्वरेयायेगु थाय्‌यात भुतू धाइ। आधुनिक हलिमय् सकल हे थें छेँय् छखा भुतू दयाच्वनि। भुतूलि नसाः नाप स्वापू दूगु थीथी ज्या यायेत थीथी ज्याभः मुंकातेगु चलन दु।

ज्या

भुतूलि याइगु छुं ज्या थ्व कथं दु-

• थुयेगु (दसु-जा थुयेगु)
• मनेगु (दसु खेँ मनेगु)
• खुनेगु (दसु: केँ खुनेगु)
• दायेकीगु (दसु: दुरु दायेकीगु)
• फिनेगु (दसु फिनातःगु लइँ अचार)
• सीगु (दसु: ला सीगु)
• केलेगु ( दसु: माय् केलेगु)
• छ्यायेगु व तछ्यायेगु (दसु: लोमां लाभा/पालु छ्यायेगु)
• तायेगु (दसु: ला तायेगु)

ज्वलं

भुतूलि छ्यलिगु ज्वलंतेत भुतू ज्वलं धाइ। हलिमय् थीथी थासय् थीथी कथंया भुतू ज्वलंत दु। थी-थी नसा दयेकेत थी-थी ज्वलं छ्यलिगु या। भुतू ज्वलंतेत इमिगु ज्या, आकार, दयेकातःगु वस्तु आदि थी-थी रुपय् बायेछिं। छुं भुतू ज्वलं थ्व कथं दु -

• ज्वलं/ज्याभः:
  • थुइगु ज्वलं: पन्यु, चतां, चंतचा/पन्युचा, कःसला (मरि पुइकिगु ज्वलं), धवः, चालिँचा, देसिली, कुति, उगः, च्यासा, च्यापिं वा च्यागः वा च्याथल (Kettle)
  • लनेगु/दायेगु ज्वलं: त्वाःचा, त्वाकः
  • ताइगु ज्वलं: कुँइँ वा चुल्सि (Kitchen knife), चुपी, चुल्सा (चुलेगु भः), नतुचा
  • ज्वनिगु ज्वलं: चिम्ता
  • पुइगु ज्वलं:तुफि, च्वाफि
• थल:
  • स्वथनिगु थल: घः, क्वापिं, बाता, बार्चा, घः/धःप, धकि, थलया पुसा, बाल्तिन, ताँफ, तेपः, सिजःतेपः, भ्यगः
  • थुइगु थल:कसौरी, भुतू द्यां (छुसा थल), हासाः, ल्वहंमचा व ल्वहंमा, थूचा, पंःथूचा
  • नयेत व त्वनेत छ्यलीगु थलः: देमा/भू, रिकापी, ख्वला (अय्‌लाःख्वला, कँय्‌ख्वला, लीख्वला), करुवा, आंख्वरा, अन्ति
• मेमेगु: तस्ला, मत (बिजली, लालतिन, मैनमत), औचा, ओद्यां, भुतूथःमि
• स्वथनिगु थाय्: कू, भकारी,
• मि च्याकेगु थाय्यात अगः धाइ धाःसा कुं पिथनेगु गःयात कुँगः धाइ। भुतूया प्वाःयात भुतूप्वाः धाइ।
• इन्धन: मि, सिं, ग्यास, भ्वं, हेंग्वा, बिजली,