भिक्तर ह्युगो

भिक्टर ह्युगो (Victor Hugo; १८०२–१८८५) फ्रान्सेली साहित्यया छम्ह तसकल हे तःधंम्ह साहित्यकार, चिनाखँमि, व नाटककार खः। वय्‌कःया च्वसुतय्सं हलिंया राजनीति शास्त्र , न्याय, व मानवीय संवेदनामा तःधंगु प्रभाव लाकातःगु दु।

च्वखँ

वय्‌कःया मू कृतितयगु धलः व चीहाकःगु खँ थन न्ह्यब्वयाच्वना:

१. ले मिजरेबल्स (Les Misérables, १८६२): थ्व ह्यूगोया दकलय् प्रसिद्ध उपन्यास खः। थुकी अन्याय, सामाजिक भेदभाव, व क्षमाया बाखं कनातःगु दु। थ्व उपन्यासय् न्यायया निंतिं जुइगु संघर्षयात तसकं हे बांलाक्क न्ह्यब्वयातःगु दु। थुकिलि 'जाँ वाल्जाँ' (Jean Valjean) धइम्ह छम्ह कैदीया जीवनया झ्वलय् मानवीय गरिमा व दयाया महत्व क्यनातःगु दु।

२. द हञ्चब्याक अफ नोत्र-दाम (The Hunchback of Notre-Dame, १८३१): थ्व उपन्यास पेरिसया प्रसिद्ध नोत्र-दाम क्याथेड्रल (Cathedral) या परिवेशय् च्वयातःगु दु। थुकिं वास्तुकलाया संरक्षणय् नं तःधंगु ग्वाहालि यात। कुरुप खनेदुम्ह 'क्वासिमोडो' (Quasimodo) या निष्कपट मतिना व समाजया क्रूरताया चित्रण थुकी दु।

३. द म्यान हु लाफ्स (The Man Who Laughs, १८६९): थ्व छगू तसकं हे गहन व राजनीतिक उपन्यास खः। थुकी छम्ह अजूचायाःगु ख्वाः दूम्ह मनूया माध्यमं कुलीन वर्गया आडम्बर व गरीबतयगु वास्तविकता क्यनातःगु दु। "धनी तयगु स्वर्ग गरीब तयगु नरकं दयेकातःगु खः" धइगु भाव थुकिं क्यनी।

४. कन्टेम्प्लेसन (Les Contemplations, १८५६): थ्व ह्यूगोया चिनाखँमुना खः। थ्व वय्‌कःया काय्‌-म्ह्याय्‌ मदुगु शोक व आध्यात्मिक चिन्तनय् आधारित दु। थुकी जीवन, मृत्यु, व प्रकृति प्रति वय्‌कःया दार्शनिक बिचाःत दुथ्याः।

५. हरनानी (Hernani, १८३०): थ्व छगू नाटक खः गुकिं फ्रान्सेली नाट्य परम्पराय् 'रोमान्टिक क्रान्ति' हल। थ्व नाटकं परम्परागत विचाः व न्हूगु कलात्मक स्वतन्त्रता दथुइ विवाद व बहस सिर्जना यात।

६. नाइन्टी-थ्री (Ninety-Three, १८७४): थ्व ह्यूगोया लिपांगु उपन्यास खः, गुगु फ्रान्सेली क्रान्तिया ईलय् आधारित दु। क्रान्ति, नैतिकता, व न्याय दथुइ जुइगु द्वन्द्वयात थुकी क्यनातःगु दु।

ब्वनादिसँ

Robb, Graham (1997). Victor Hugo: A Biography.

Hugo, Victor (1862). Les Misérables (Original Manuscript).