बरगुना जिल्ला
| बरगुना जिल्ला | |
|---|---|
| — जिल्ला — | |
| देय् | बंगलादेश |
बरगुना जिल्ला बंगलादेशया छगू जिल्ला ख। थ्व जिल्ला दक्षिणी बंगलादेशया बरिसाल विभागय् लाःगु छगू जिल्ला ख । बरगुना उपविभाग १९६९य् पलिस्था जुल व २८ फेब्रुअरी १९८४य् जिल्लाया रुपय् प्रवर्द्धन जुल। थ्व जिल्लाया नामाकरणया उलि क्वातुगु प्रमाण मदु। छुं इतिहासकारतयेसं धाइ कि उत्तरी क्षेत्रया सिँ व्यापारीत थन सिँ न्यायेत वःबिले अनुकूल प्रवाह (बारो - गोन)यात पार यायेत पियाच्वंगु व अनं हे "बारो-गाना" नां वःगु ख। गुलिसिनं थ्व जिल्लाया छम्ह नांजाःम्ह राखिनवासीया नामं थ्व नां तःगु धाइ धाःसा गुलिसिनं थ्व नां "बरगुना" नांयाम्ह बावालीं वःगु धाइ।
थ्व जिल्ला सुन्दरबन क्षेत्रय् लाः। ईया विकासक्रमय् मनूतय्सं सिमा पालाः जंगल चीकाः थन हे च्वनेगु शुरु यात। सिँ व्यापारीत थन जंगलय् सिँ कायेत वःसें थन मनूया बस्ती न्ह्यथंगु ख।
प्रशासनिक विभाजन
[सम्पादन]| उपजिल्ला | क्षेत्रफल (किमि २ ) | युनियनतेगु ल्या | जनसंख्या (२०११) |
|---|---|---|---|
| आमताली | ७२०.७६ | ७ | १८२,७९८ |
| बमना | १०१.०५ | ४ | ७९,५६४ |
| बर्गुना सदर | ४५४.३९ | १० | २६०,८३० |
| बेतागी | १६७.७५ | ७ | ११७,१४५ |
| पाथरघाटा | ३८७.३६ | ७ | १६३,९२७ |
| तालताली | २५८.९४ | ७ | ८८,००४ |
अर्थ
[सम्पादन]बरगुनाया अर्थतन्त्र मू रुपं बुँज्याय् निर्भर जुयाच्वंगु दु। मू बालिइ जाकि व दाल दुथ्याः । जुट बुँज्या छगू इलय् महत्वपूर्ण जूसां बुलुहुँ नगद बालीया रुपय् थुकिया लोकप्रियता मदया वन । तटीय जिल्ला जूगुलिं थन न्या लायेगु उद्योगया विकास जुयाच्वंगु दु। थ्व जिल्लाया उत्पादनय् ग्वय्, दाल, केरा, चाकु, समुद्री न्या, व श्रिप्म न्या ला । कृषियोग्य बुंया कुल क्षेत्रफल १०४२३१ हे. दु।
थ्व जिल्लाय् तःधंगु उद्योग मदु। यक्व चिधंगु उत्पादन उद्योगय् अप्व यानाः चा मिल, आरा मिल, साब्वं कारखाना, आटा मिल, च्वापु कारखाना व कलम कारखाना दु। थ्व जिल्लाय् २५ खाद्य प्रशोधन उद्योग, १० रसायन उद्योग, १० टेक्सटाइल होम-क्राफ्ट उद्योग व ३५ विविध उद्योग दु। अप्वः धया थें उद्योग सदर क्षेत्रय् दुसा ल्यं दुगु थीथी उपजिलाय् दु । बुनाई, बाँस व बेंत कला ज्या, लुँया ज्या, लोहार, कुम्हाःया ज्या, सिँया ज्या, व टेलरिङ थें न्याःगु परम्परागत कुटीर उद्योग नं ग्रामीण क्षेत्रय् दयाच्वंगु दु।