बन्ड काउन्टी, इलिनोइ
| बन्ड काउन्टी, इलिनोइ | |
|---|---|
 Bond County Courthouse in Greenville | |
|
Map of इलिनोइ highlighting बन्ड काउन्टी Location in the state of इलिनोइ | |
 इलिनोइ's location in the U.S. | |
| Founded | 1817 |
| Named for | Shadrach Bond |
| Seat | [[ग्रीनभिल, इलिनोइ|ग्रीनभिल]] |
| Largest city | ग्रीनभिल |
| Area | |
| • Total | 383 sq mi (992 km2) |
| • Land | 380 sq mi (984 km2) |
| • Water | 2.5 sq mi (6 km2), 0.6 |
| Congressional district | 15th |
| Time zone | Template:Infobox U.S. county/timezone |
| Template:Infobox U.S. county/timezone | |
बन्ड काउन्टी संयुक्त राज्य अमेरिकायागु इलिनोइस राज्ययागु छगु काउन्टी ख। २०२० या जनगणना कथं , थ्व थासय् जनसंख्या १६,७२५ दु। थुकिया काउन्टी सीट ग्रीनभिल ख।
बन्ड काउन्टी सेन्ट लुइस MO-IL महानगरीय तथ्यांक क्षेत्रय् दुथ्याः।
इतिहास[सम्पादन]
बन्ड काउन्टी सन् १८१७ य् म्याडिसन काउन्टीपाखें दयेकूगु खः। थ्व काउन्टीया नां शाद्राच बन्डया नामं तःगु ख। वय्कलं उबलय् इलिनोइ टेरिटरीं संयुक्त राज्य अमेरिकाया कांग्रेसया प्रतिनिधि यानादिल व वयां लिपा इलिनोइया न्हापांम्ह गभर्नर जुयादिल व सन् १८१८ निसें १८२२ तक्क गभर्नरया ज्या यानादिल।
थ्व काउन्टीया मू नगर ग्रीनभिलय् सन् १८१९ निसें हुलाक सेवा दयाच्वन व सन् १८५५इ टाउनया रुपय् व सन् १८७२इ सिटीया रुपय् दुथ्याकल। थ्व नगरया नांया छुं सम्भावित कारणत न्ह्यथनातःगु दु। छुं बिचाः कथं थ्व नगरया नां ग्रीनभिल, नर्थ क्यारोलिनाया नामं तःगु खः, गुकिया नां अमेरिकी क्रान्तिकारी युद्धया जनरल नथानेल ग्रीनया नामं तःगु ख। मेमेपिनिगुय मत कथं ग्रीनभिलया नां न्हापाया बसोबास याइम्ह थोमस ह्वाइटं छुयादिल। वय्कलं थ्व "तसकं वांगु व बांलाःगु" थाय् जूगुलिं थ्व नां तःगु धैगु विश्वास दु। स्वंगुगु सम्भावना कथं ग्रीनभिलया नां थ्व नगरया न्हापांम्ह व्यापारी ग्रीन पी राइसया नामं तःगु ख।
सन् १८२४इ बन्ड काउन्टीइ दासताया बारेय् काःगु छगू मतदानय् २४० मत दासताया विरोधय् व ६३ मत दासताया पक्षय् वःगु ख। इलिनोइ दास राज्य मखुसां थ्व राज्य दास प्रथा दूगु राज्य, मिसौरी व केन्टकी नापं लाःगुलिं थन थ्व प्रथाया छुं प्रभाव खनेदत। थन दासप्रथाया ईलय् "इन्डेन्चर सर्भेन्ट"या निरन्तर छ्येलेज्या यायेत अनुमति दयाच्वन, थ्व प्रक्रिया छ्येला यक्व दास मालिकतेसं थःगु दासयात स्वतन्त्र राज्यय् नं थः अधीनय् तयेगु निंतिं छ्यलातल।
बन्ड काउन्टीइ छगू इलय् १४ म्ह दास ८ म्ह मालिकयात दर्ता जूगु खनेदु। छम्ह दास, सिलास रजिस्टरं काउन्टी क्लर्कया ज्याकुथिइ दर्ता जुइगु ज्यां थःगु अन्तिम नां रजिस्टर तःगु ख। रजिस्टर म्वानाच्वंम्ह दकलय् लिपांगु ज्ञात बन्ड काउन्टीया दास ख; वय्कःया मृत्यु सन् १८७२इ ७६ दँय् जुल। छुं दासतेत इमिगु मृत्यु धुंका थ्व काउन्टीइ इमित इन्डेन्चर यानातःगु परिवारनाप हे थुनातःगु खनेदु। छम्ह पूर्व दास, फेनी, वया मालिकत राज्यं पिहां वनेधुंका स्वतन्त्र जुल व नगरय् ज्या यात गुकिलिं वय्कलं थःगु भाःत स्टीफनयात मिसौरीइ लिलामय् न्यायेफत।
सन् १८४०या दशकय्, बन्ड काउन्टीइ भूमिगत रेलमार्गय् दासयात स्वतन्त्रताया निंतिं यंकीपिं छुं मनूतय्त ग्वहालि यात। शिक्षक टीए जोन्स रेनोय् च्वनादिल व सन् २००८इ, छगू पौ गुकिलि वय्कलं थःगु भूमिगत रेलमार्गया गतिविधिया बारेय् कनादिल, स्पार्टाया छगू स्वानेय् लुयावल। दासतेत प्रायः मिसौरीं, गबलें गबलें कार्लाइल जुया बोन्ड काउन्टीइ तक्क हइगु जुयाच्वन। रेभ.जोन लीपरं थःगु मिलिंग व्यवसायया कारणं थःगु भूमिगत रेलमार्गया गतिविधियात भूमिगत तयेफत। डा. हेनरी पेरिनं ग्रीनभिलया लिक्क चिकित्सकया ज्या यानादिल व रेलया गोप्य ज्याखँय् ग्वाहालि यानादिल। रेभ.जर्ज डेनीया छेँय् सन् १९३०या दशकय् रेलमार्गय् छ्यलाबुलाय् वयाच्वंगु छगू गोप्य कोथा सुचुकेत लुयावल।
ग्रीनभिल विश्वविद्यालय सन् १८५५ य् अल्मिरा कलेजया रुपय् पलिस्था जूगु खः। सन् १९४१य् कलेजया अध्यक्ष एचजे लोङं अल्मिरा व ग्रीनभिलया पलिस्था समानान्तर जूगु घोषणा यात। वय्कः कथं थ्व निगुलिं प्रार्थनाया लिच्वःया कथं पलिस्था जूगु खः।
सन् १८५८य् संयुक्त राज्य अमेरिकाया सिनेटया निंतिं छगू अभियानया झ्वलय् अब्राहम लिंकन व स्टीफन डगलसं ग्रीनभिलय् भाषण ब्युगु खँ इतिहासय् खनेदु।
बन्ड काउन्टीया मिसातेसं सन् १९१४य् न्हापांगु खुसिइ मतदान यायेफत। सन् १९१५या नोभेम्बर २१ खुनु लिबर्टी बेल स्यान फ्रान्सिस्कोय् जूगु पानामा -प्यासिफिक अन्तर्राष्ट्रिय प्रदर्शनीं यंकुबिले लिबर्टी बेल ग्रीनभिल जुया वन।
ग्रीनभिल सार्वजनिक पुस्तकालय कार्नेगी पुस्तकालयया रुपय् पलिस्था जुल व थ्व थाय् ऐतिहासिक थाय्या राष्ट्रिय रजिस्टरय् ला। सन् २००८ य् स्यंगु ग्रीनभिल कलेजया होग हल नं न्हापा राष्ट्रिय रजिष्टरय् खनेदूगु खः।
सन् १९३४ अप्रिल १८ खुनु ग्रेट डिप्रेसनया इलय् ५०० म्ह प्रदर्शनकारीया पुचलं राज्य व संघीय सरकारपाखें आपतकालीन सामान थ्यंकेगु बारे उजुरी तयेगु निंतिं इलिनोइ आपतकालीन राहत आयोगय् थन जुलुस पिकाःगु खः।
रोनाल्ड रेगनं सन् १९८० या दशकय् चुनावी अभियानया ट्रेलय् ग्रीनभिलय् वनाः अदालतया लनय् भाषण बियादीगु खः । बराक ओबामा , नोभेम्बर २००८ य् राष्ट्रपतिया रुपय् निर्वाचित इलिनोइया सिनेटरं सन् २००४य् थःगु सिनेटया सिटया निंतिं प्रचारया झ्वलय् ग्रीनभिलया भ्रमण याःगु खः, गुगु भ्रमणय् बन्ड काउन्टी डेमोक्र्याटतय्सं ग्वसाः ग्वःगु खः।
-
सन् १८१७य् दयेकूगु इलय् बन्ड काउन्टी उत्तरय् लेक सुपिरियर तक्क थ्यनाच्वंगु दु। -
१८२१ व १८२४ या दथुइ बन्ड काउन्टी -
१८२४ व १८४३ या दथुइ बन्ड -
१८४३स बन्ड काउन्टीयात आःया आकारय् भचा तःधं यात।
भूगोल[सम्पादन]
अमेरिकी जनगणना ब्यूरोया कथं थ्व काउन्टीया कुल क्षेत्रफल ३८३ वर्ग माइल (९९० वर्ग किमि) दु गुकिलि ३८० वर्ग माइल (९८० वर्ग किमि) भूभाग बं व २.५ वर्ग माइल (६.५ वर्ग किमि) (०.६%) लः दु।
नापसं च्वंगु काउन्टी[सम्पादन]
- मोन्टगोमेरी काउन्टी – उत्तर
- फायेट काउन्टी – पूर्व
- क्लिन्टन काउन्टी – दक्षिण
- म्याडिसन काउन्टी – पश्चिम
मू राजमार्ग[सम्पादन]
- अन्तरराज्यीय ७०
- यूएस रुट ४०
- इलिनोइ रुट १२७
- इलिनोइ रुट १४०
- इलिनोइ रुट १४३
बस्ती[सम्पादन]
| बस्ती | बस्ती प्रकार | मनूल्या | कुल क्षेत्रफल | लःया क्षेत्रफल | बुं क्षेत्रफल | जनघनत्व | लिखँ |
|---|---|---|---|---|---|---|---|
| डोनेल्सन | गां | १५३ | ०.३७ | ०.०० | ०.३७ | ४१३.५१ | |
| ग्रीनभिल | शहर | ७,०८३ | ६.३१ | ०.०० | ६.३१ | १,१२२.६८ | |
| कीस्पोर्ट | गां | ४०६ | ०.७४ | ०.०२ | ०.७२ | ५६३.८९ | |
| मलबेरि ग्रोभ | गां | ५२० | १.०२ | ०.०१ | १.०२ | ५११.८१ | |
| ओल्द रिपली | गां | ८२ | ०.१५ | ०.०० | ०.१५ | ५३२.४७ | |
| पानामा | गां | ३३७ | ०.३७ | ०.०० | ०.३६ | ९२३.२९ | |
| पियरोन | गां | ४५९ | ०.७३ | ०.०० | ०.७३ | ६३० | |
| पोकाहोन्टास | गां | ६९७ | ०.८० | ०.०२ | ०.७८ | ८९०.१७ | |
| स्मिथबोरो | गां | १५४ | ०.९३ | ०.०० | ०.९३ | १६५.२४ | |
| सोरेन्टो | गां | ४२९ | ०.८० | ०.०० | ०.८० | ५३७.५९ | |
| बन्ड काउन्टी | काउन्टी | १६,७२५ | ३८३ | २.५ | ३८० | ४४ |
टाउनशिप[सम्पादन]
बन्ड काउन्टीयात थ्व न्यागू टाउनशिपय् ब्वथलातःगु दु:
अनिगमित समुदाय[सम्पादन]
- एयर्स
- बिभर क्रीक
- बुन्जे
- डडलीभिल
- डर्ले
- गिलमोर
- ह्याम्बर्ग
- हुकडेल
- कीस्पोर्ट ल्यान्डिङ्ग
- पेस्ले कर्नर
- प्लेजेन्ट माउन्ड
- रेनो
- स्टबलफिल्ड
- तमाल्को
- वोबर्न