फरिदपुर जिल्ला
| फरिदपुर जिल्ला | |
|---|---|
| — जिल्ला — | |
| देय् | बंगलादेश |
फरिदपुर जिल्ला बंगलादेशया छगू जिल्ला ख। थ्व जिल्ला मध्य बंगलादेशय् लाःगु ढाका विभागया छगू जिल्ला व प्रशासनिक क्षेत्र ख। थ्व जिल्लाया फरीदपुर बंगलादेशया १४गु दकलय् तःधंगु नगर व १२गु नगर निगम (प्रस्तावित) ख। जिल्ला फरीदपुर बङ्गलादेशया छगू "ए" श्रेणीया जिल्ला ख। थ्व जिल्ला बेलायती युगया छगू परम्परागत जिल्ला ख। थ्व थाय्या उत्तरपूर्वय् पद्म खुसि ला । थ्व जिल्लाया नां थनया मुख्यालय फरीदपुर नगरया नामं वःगु ख, गुकिया नां फरीद-उद-दीन मसूद , १३गु शताब्दीया सूफी सन्तया नामं तःगु ख। १७८६ स ढाका जिल्लायात त्वाःथलाः बिस्कं जिल्ला दयेकल गुकियात डक्का जेलालपुर धाःगु खः । सन् १८६९इ छगू नगर पालिका पलिस्था जुल। ऐतिहासिक रुपं थ्व नगरयात फतेहाबादया नामं म्हसीकिगु या । थुकियात हवेली महल फतेहाबाद नं धाइगु खः ।
प्रशासनिक विभाजन
[सम्पादन]थ्व जिल्लाया उपजिल्ला (वा बंगालीइ उपजेला) थ्व कथं दु
- फरिदपुर सदर उपजेला
- बोय़ालमारी उपजेला
- आलफाडाङ्गा उपजेला
- मधुखाली उपजेला
- नगरकान्दा उपजेला
- सालथा उपजेला
- भाङ्गा उपजेला
- सदरपुर उपजेला
- चरभद्रासन उपजेला
अर्थ
[सम्पादन]फरीदपुर जूट व्यापार व हिल्सा न्या व्यापारया छगू महत्त्वपूर्ण केन्द्र ख । थुकिया औद्योगिक क्षेत्रय् यक्व जूट मिल, चिनी मिल व ५० मेगावाटया थर्मल पावर प्लान्ट दु।
यातायातया ल्याखं, फरीदपुर बंगलादेश रेलवेया छगू महत्वपूर्ण केन्द्र ख, थुकिया ट्र्याक पश्चिम बंगालय् भारतीय रेलवेनाप स्वानाच्वंगु दु । थ्व थाय् कुश्तिया , मेहरपुर , खुलना , बरिसाल , व जेसोर नाप सतकं स्वानाच्वंगु दु।
तजिलजि
[सम्पादन]फरीदपुर जिल्लाय् लोक संगीतया समृद्ध सम्पदा दु , बाउल , मरामी, बिचार, मुर्शिदी-मरफाती, फकिराली, गजिरगन, कबिगन, जरिगन संगीत आदि थनया छुं संगीत ख। थुपिं मध्यय् यक्वं परम्परात लोप जुइधुंकल। मू नखःय् ईद, नबन्ना, पौस उत्सब, रथजात्रा, डोल पूर्णिमा उत्सब व दुर्गा पूजा ला। अन्नप्रशाण, मुहर्रम, बंगाली इहिपा, जमै षष्ठी, भाद्र मंगल चण्डीया लसताय् लोक नखःत जुइ। थ्व जिल्लाया लोक कासाय् दरियाबन्ध, डुंगा दौड, हा-दु-दु आदि ला।
प्रमुख समकालीन व ऐतिहासिक प्रकाशनय् जागरण, गणमान, चशी बर्ता, इदानिङ, थिकाना, भोरेर धावक, फरीदपुर, कुमार; साप्ताहिक : कलभबना (२००४), प्रगोतिर दीन (१९९५), बोअलमरी सांगबाद, अल हेलाल, भंगा खबर; पखवार्षिक : नजिर बंगला निष्क्रिय : फरीदपुर दर्पण, चित्रकार (1283 साल), कोहिनूर (1896), संजय (1900),' आर्यकायस्थ, फरीदपुर हितोईशी, फरीदपुर आंगिना, (१९२६), मुअजेन, द सर्भेन्ट अफ ह्युमेनिटी (१९६०), सिराज (१९३२), लंगल (१९३२), शेबा, खेदमत, जुबाशक्ति (१९७२), वीकली बंगलादेश (१९७२) , सत्यजुग (१९७५), फरीदपुर बर्ता (१९७९), आकाल (१९७९), समाचार (१९८०), बंगला संगबाद (१९८२) आदि ला।