पलामू व्याघ्र आरक्ष
पलामू व्याघ्र आरक्ष भारतया छगु धुं आरक्ष क्षेत्र ख। थ्व थाय् झारखंड राज्यया छोटानागपुर पठारया लातेहर जिल्लाय् दु। थ्व थाय् सन् १९७४य् भारतया बाघ परियोजनाया अन्तर्गत गठित प्रथम ९गु बाघ आरक्षय् छगु ख। थ्व थाय् मेदिनीनगर स्वया २५ किमि, बरवादीह स्वया १३ किमि, रांची स्वया १६५ किमि, गारू स्वया ३४किमि, नेतरहाट स्वया १२४ किमि व बारेसांढ स्वया ३४ किमि तापाः।
भूगोल
[सम्पादन]पलामू व्याघ्र आरक्ष १,०२६ वर्ग किलोमिटर क्षेत्रय् स्थित दु धाःसा ३०० निसें ११४० कि.मि.या जाःय् ला[१]। थुकिलि पलामू वन्यजीव अभयारण्यया क्षेत्रफल ९८० वर्ग किलोमिटर दु[२]। अभयारण्यया कोर क्षेत्र २२६ वर्ग किलोमिटरयात बेतला राष्ट्रिय उद्यानया रूपय् अधिसूचित यानातगु दु[३]। पलामूय् यक्व कथंया गुं (वन) दु, गथे कि शुष्क मिश्रित वन, सालया वन, व पंया झुरमुट, गुकिलि यक्व वन्य जीव च्वनि। पलामूया वनय् स्वंगु खुसित दु। थ्व ख- उत्तर कोयल खुसि, औरंगा खुसि व बूढ़ा खुसि।
संरक्षित प्राणीत
[सम्पादन]पलामू आरक्षय् यक्व प्राणीत संरक्षित दु। थ्व प्राणीय् पर्यटकीय हिसाबं दक्ले महत्त्वपूर्ण धुं (बाघ), किसी, तेंदुआ, गौरी सा, सांभर , चित्तल आदि ख।
जैविक विविधता
[सम्पादन]पलामू जैविक विविधताया कथं सिक्क तमि। पलामूया प्राणीत थ्व कथं दु[४] :
- स्वांमा व सिमाया लगभग ९७० प्रजाति, गुकिलि दु :
- १३९ जडी-बूटि
- घांय्या १७ प्रजाति
- स्तनधारीतेगु ४७ प्रजाति
- झंगतेगु १७४ प्रजाति
- चिधंगु जीवतेगु ल्याखँ मदु
आर्थिक प्रभाव
[सम्पादन]थ्व थाय्या २०० स्वया अप्व गां पलामू व्याघ्र आरक्षय् आर्थिक दृष्टिं निर्भर जु। थ्व गांया मू जनसंख्या जनजातीय दु। थ्व गांमे थ्यंमथ्यं १,००,००० मनुत च्वनि[५]।