परवेज मुशर्रफ

विकिपिडिया नं
परवेज मुशर्रफ बिन लादेन भाई

परवेज़ मुशर्रफ़ (उर्दू: پرويز مشرف; बुदिं अगस्ट ११, ई सं १९४३) पाकिस्तान यागु राष्ट्रपतिसेना-प्रमुख खः। वेकलं ई सं १९९९य् नवाज शरीफ यागु लोकतान्त्रिक सरकार यागु कू: याना पाकिस्तान यु बागडोर थगु ल्हाते कयादिल, व जुन २०, ई सं २००१य् राष्ट्रपतियागु पदवी कयादिल।

मुशर्रफयागु जन्म दिल्ली शहरय् दरियागंजय् जुगु खः। भारतयागु बायेज्या धुंका वेकयागु परिवार करांची य् च्वंवन। अप्रिल १९९९ निसें जुन १९९९ तक्क भारत व पाकिस्तानयागु दथुइ जुगु कारगिल युद्ध बिले मुशर्रफ हे पाकिस्तानयागु सेना-प्रमुख खः। अक्टोबर १९९९य् शरीफ नं मुशर्रफयात वेकयागु पद नं चीकेगु कुत याबिले मुशर्रफयागु वफादार जर्नेलतेस शरीफयागु हे तख्ता पलट याना सरकारय् कब्जा यात। मे २०००य् पाकिस्तानयागु सर्वोच्च न्यायालय नं पाकिस्तानय् चुनाव याकेगु आदेश बिल। मुशर्रफ नं जुन २००१य् अब्लेयाम्ह राष्ट्रपति रफीक तरार यात चीका थ राष्ट्रपति जुयादिल। अप्रिल २००२य् वेकलं राष्ट्रपति जुया च्वनेत रिफरेन्डम यानादिल। थ्व रिफरेन्डमयात यक्व राजनैतिक दलतेसं बहिष्कार यात। अक्टोबर २००२य् पाकिस्तानय् चुनाव जुल गुकिलि मुशर्रफयागु समर्थन यागु मुत्ताहिदा मजलिस-ए-अमाल पार्टीयात बहुमत वल। इमिगु ग्वाहालिय् मुशर्रफ नं पाकिस्तानयागु संविधानय् यक्व हिउपा याकल गुकिलिं १९९९यागु तख्ता-पलट व मुशर्रफयागु मेमेगु यक्व आदेशतेत वैधानिक सम्मति बिल।

सेप्टेम्बर ११ ई सं २००१य् उग्रवादी हमला धुंका संयुक्त राज्य अमेरीका नं अफगानिस्तानईराकय् युद्ध न्ह्यथंबिले मुशर्रफ नं अमेरिकायात पूवंक समर्थन यात।