ताङ्ग राजवंश (जुन १८, ६१८ - अक्टोबर १६, ६९०, व मार्च ३, ७०५ - मे १२, ९०७; चिनिया भासय्:唐朝), वा ताङ्ग साम्राज्य चीनया छगू एक शाही राजवंश ख। थ्व राजवंशं सन् ६१८ निसें सन् ९०७ ईस्वी तक शासन यात। थ्व शासन कालय् सन् ६९० निसें ७०५ तक अराजक काल ख। थ्व राजवंश स्वया न्हापा चीनय् सुई राजवंश दयाच्वन धाःसा थ्व राजवंश धुंका चीनय् पञ्च राजवंश व १० साम्राज्य दयावल। इतिहासकारतेसं आपालं ताङ्गयात चिनिया लहनाया छगू उच्च बिन्दु व महानगरीय संस्कृतिया स्वर्ण युगया रूपय् वर्णन यानातःगु दु। ताङ्ग वंशया पूर्वार्धय् सैन्य अभियानतेगु माध्यमं हासिल याःगु ताङ्ग क्षेत्र, आकारया हिसाबं हान राजवंशया क्षेत्रफलया समकक्षी जु।
थ्व राजवंशं २८९ दँ तक २१ सम्राटया (वु जेतियान त्वता) अधीनय् शासन यात। थ्व वंशय् देय्या नां ताङ, जिनया प्राचीन नामं वःगु ख। थ्व थाय् वर्तमान शान्सी प्रान्तया केन्द्रीय क्षेत्रय् ला। ताङ्ग राजवंश छगू शक्तिशाली बहु-जातीय एकीकृत साम्राज्य ख गुकियात ताङ गाओजु ली युआनं पलिस्था याःगु खः। ताङ राजवंशया राजपरिवार गुआनलोङ समूहं वःगु ख, व इमिगु पुर्खा लि हू दक्षिणी व उत्तरी राजवंशया पश्चिमी वेइ राजवंशया ८ राज्यय् छगू ख। सुइ राजवंशया इलय् लि युआन जिन्याङ (थौंकन्हय् ताइयुआन , शान्सी ) य् च्वनादिल।
