तधंगु मन्दी

Unemployed

A Lone Driller's Water Break drinking from a battered pan during the Texas Oil Boom in Kilgore, Texas

Crowd gathering at the intersection of Wall Street

महामन्दी वा ग्रेट डिप्रेशन (Great Depression) धाःगु सन् १९२९ निसें १९३० या दशक तक्क खनेदूगु विश्वव्यापी आर्थिक मन्दी ख। थ्व मन्दीया सुरु सन् १९२९ या अक्टोबरय् संयुक्त राज्य अमेरिकाया शेयर बजाः ('वाल स्ट्रीट') कुहावल, गुकियात 'वाल स्ट्रीट क्र्याश' धाइ। थ्व मन्दीं विकसित व विकासशील नितां प्रकारया देसतयत गम्भीर रूपं प्रभावित यात। उपभोक्ता खर्च म्हो, उत्पादनय् गिरावट व लगानी मदयेधुंकाः ब्यापार व उद्योगत बन्द जुल। थुकिया कारणं हलिंन्यंक तःधँगु स्तरय् बेरोजगारी अप्वया वन, गन अमेरिकाय् बेरोजगारी २५% तक्क थ्यंगु खः। बुंज्यामितयेस थःगु उत्पादनया उचित भाः मखनः व छेँ-बुँया भाः कुहावँल। थ्व मन्दीं अन्तर्राष्ट्रिय व्यापारयात तःधँगु धक्का नकल व यक्व बैंकत धराशायी जुल। अमेरिकन राष्ट्रपति फ्र्याङ्कलिन डी. रुजवेल्टं थ्व मन्दी स्वया मुक्त जुयेत 'न्यू डील' (New Deal) ज्याझ्वः लागू यानादिल, गुकिं सरकारी लगानी अप्वःकल। महामन्दीया अन्त्य मू कथं निक्वःगु विश्वयुद्धया सुरु नापं जुल, गन युद्ध उत्पादनं रोजगार व आर्थिक गतिविधि अप्वःकल।

स्वयादिसँ

• इतिहास