जोरोआस्तर धर्म
जोरोआस्तर धर्म इरानय् न्ह्यथंगु छगू धर्म ख। थ्व धर्मया आपाः धर्मावलम्बी इरान व भारतय् दु। थ्व छगू प्राचीन इरानी धर्म ख गुकियात जोरोस्ट्ररं दयेकूगु ख, गुम्ह पूर्वी प्राचीन इरानय् करिब १००० ईसापूर्वय् च्वनादिल। जोरोआस्तर धर्मया मेगु नां मज्दा धर्म व पारस धर्म ख।
जोरोआस्तर धर्म छगू एकेश्वरवादी धर्म ख। जोरोस्ट्रियन धर्मया द्यःयात आहुरा मज्दा धाइ। जोरोआस्तर धर्मया पवित्र सफू जेन्द अवेस्ता ख।
जोरोआस्तर धर्म द्वन्द्ववादी विश्वास दु। जोरोस्ट्रियनतयेसं आहुरा माज्दां भिंगु आत्मा (स्पेन्ता मैन्यु) व राक्षस (अंगरा मैन्यु) दयेकल धकाः विश्वास याइ। जोरोस्ट्रियनतय्सं मनूतय्त बांलाःगु व बांमलाःगु ल्ययेत स्वतन्त्र जुइ धकाः विश्वास याइ। बांलाःगु ल्यःसा सुख जुइ, अले बांमलाःगु ल्यःसा दुःख जुइ। उकिं बांलाःगु ल्ययेगु हे बांलाः धैगु थ्व धर्मय् धयातःगु दु। अतः धर्मया आदर्श वाक्य "भिंगु विचाः, भिंगु वचन, भिंगु कर्म" ख।