जेम्स स्मिथ (पेनसिल्भेनियाया राजनीतिज्ञ)

जेम्स स्मिथ
बूगु	1719 दब्लिन, आयरल्यान्द
मदूगु	July 11, 1806 (८७दँ) यर्क, पेन्सिल्भेनिया, संरा अमेरिका
समाधि स्थल	First Presbyterian Churchyard, York
प्रसिद्धि	अमेरिकी स्वतन्त्रता घोषणापत्रय् पेन्सिल्भेनियाया पाखें हस्ताक्षर याम्ह छम्ह प्रतिनिधि
ल्हाचिं

 

जेम्स स्मिथ (सेप्टेम्बर १७, १७१९-जुलाइ ११, १८०६), संयुक्त राज्य अमेरिकाया संस्थापक पिता खः । वय्कलं पेनसिल्भेनियाया प्रतिनिधित्व यानाः अमेरिकी स्वतन्त्रता घोषणापत्रय् हस्ताक्षर यानादिल । वय्कः छम्ह आइरिश/अमेरिकन अधिवक्ता ख।

वय्कःया जन्म आयरल्यान्दय् जूगु ख। वय्कःया परिवार १७२९स चेस्तर काउन्ति, पेनसिल्भेनियाय् बाय् हिल। स्मिथं फिलाडेल्फिया एकेडेमीइ अध्ययन यानादिल । वय्कलं थःगु दाजु जर्जया ज्याकुथिइ कानून अध्ययन यानादिल व पेनसिल्भेनिया बारय् प्रवेश यायेधुंकाः शुरुइ शिपेन्सबर्ग नापं व लिपा यर्क नापं ज्या यानादिल। अन वनाः वय्कः मिलिसियाया कप्तान जुयादिल । १७७५य् वय्कः फिलाडेल्फियाया प्रांतीय सम्मेलनय् नियुक्त जुयादिल, सन् १७७६स राज्य संवैधानिक सभाय् मनोइनित जुयादिल धाःसा लिपा वय्कः कन्तिनेन्तल कांग्रेसय् प्रतिनिधिया रुपय् निर्वाचित जुयादिल। अनं, वय्कलं अमेरिकाया स्वतन्त्रता घोषणापत्रय् हस्ताक्षर यानादिल। 1वय्कः १७८५य् कांग्रेसय् पुनः निर्वाचित जुयादिल तर वय्कःया उमेरया कारणं कांग्रेसय् उपस्थित जुइ मफयादिल।

स्मिथ जुलाइ ११, १८०६य् मदयादिल। वय्कःया अस्थियात पेनसिल्भेनिया राज्यया यर्क नगरया फर्स्त प्रेस्बिटेरियन चर्चया लागाय् गाढेयात। देलावेर विश्वविद्यालयया उत्तरी क्याम्पसय् वय्कःयाया नामं छगू छात्रावास नं दयेकेगु दु ।