जेम्स जोइस

विकिपिडिया नं
Half-length portrait of man in his thirties. He looks to his right so that his face is in profile. He has a mustache, a thin beard, and medium-length hair slicked back, and wears a pince-nez and a plain dark greatcoat, looking vaguely like a Russian revolutionary.

जोइस जुरिखय् Template:Circa

जेम्स अगस्टिन अलोय्सियस जोइस (अंग्रेजी James Augustine Aloysius Joyce) (फेब्रुवरी २, १८८२- ज्यानुवरी १३, १९४१) छम्ह आइरिश उपन्यासकार व चिनाखँमि ख। वय्कःयात २०गु शताब्दीया पूर्वार्धया दकले प्रभावशाली आधुनिक प्रयोगवादी च्वमिइ छम्हया रुपय् नालेगु या। वय्कःयात वय्कःया उपन्यास उलिसेस (सन् १९२२)या निंतिं आपालं लुमंकिगु या। थ्व उपन्यास होमरया ओडिसीया समानान्तरिक रुपय् थी-थी कथंया विषम साहित्यिक शैली छ्येला व दकले प्रमुख रुपय् वय्कःया प्रभावशाली चेतनशील शैली छ्येला च्वगु खनेदु। मेमेगु मू ज्याय् चिहाक बाखँ मुना दब्लिनर्स (सन् १९१४), व उपन्यास अ पोर्ट्रेट अफ द आर्टिस्ट एज ए यङ्ग म्यान (सन् १९१६) व फिनेगानस् वेक (सन् १९३९) ला। वय्कःया सकल ज्याय् स्वंगु चिनाखँया सफू, छपु नाटक, प्रासंगिक पत्रकारिता, व वय्कःया ध्वागु पौ ला।

वय्कःया जन्म दब्लिनया मध्यम वर्गीय परिवारय् जूगु ख। वय्कलं क्लङ्गोवज् वुड कलेज व बेल्भेदेर कलेज, व लिपा युनिभर्सिटी कलेज दब्लिनय् ब्वनादिल। वय्कलं प्रारम्भिक २०इ सदाया निंतिं कन्टिनेन्टल युरोपय् प्रस्थान यानादिल। वय्कःया अन थाय्बाय् त्रिएस्ते, पेरिस व जुरिख जुवन। वय्कःया आपालं वस्यक जीवन प्रवासय् हे जूगु जुसां वय्कःया काल्पनिक हलिम दब्लिन स्वया पिने मवं। वय्कःयात वय्कःया बाखँया पात्र वय्कःया परिवार, शत्रु व पासापिंनाप मेल नं। उलिसेस निश्चित कथं हे दब्लिनया लं, त्वा आदिइ आधारित जु। उलिसेसया पिथनाया छुं ई धुंका हे वय्कलं धयादिगु धापू प्रासंगिक जु। वय्कः कथं “For myself, I always write about Dublin, because if I can get to the heart of Dublin I can get to the heart of all the cities of the world. In the particular is contained the universal.” (जिगु निंतिं, जिं न्ह्याबिलें दब्लिनया बारेय् च्वया, छायेधाःसा यदि जि दब्लिनया नुगले थ्यनेफुसा जि हलिमया सकल नगरया नुगले थ्यने फै। थ्व निश्चिततात् ब्रह्माण्ड निहित जु।) [१]

Dubliners, 1914

लिधंसा[सम्पादन]

  1. (Ellman, p. 505, citing Power, From an Old Waterford House (London, n.d.), p. 63-64.)