जातियता

जातियता, जातीयता बाय् जातीय पुचः धइगु थःत मेमेगु पुचः स्वया अलग याइगु अनुभूत साझा गुणया आधारय् थः-थः म्हसीका याइपिं मनूतय्गु पुचः खः। थथे दइगु थीथी गुण वा विशेषताय् छगू मंका भाषा, तजिलजि, वंशज, परम्परा, समाज, धर्म , इतिहास, वा सामाजिक व्यवहार आदि मू गुण ख। जातीयताय् आधारित राष्ट्रवादयात जातीय राष्ट्रवाद धाइगु या।

जातीयतायात वंशानुगत बाय् सामाजिक रुपं लादे यानातःगु निर्माणया रुपय् थुइकेछिं। जातीय सदस्यता छगू मंका सांस्कृतिक सम्पदा, वंश, उत्पत्ति मिथक, इतिहास, मातृभूमि, भाय्, बोली, धर्म, पौराणिक कथा, लोककथा, संस्कार, नसाज्वलं, वसः पुनेगु पहः, कला, वा भौतिक रुप आदि तत्त्वं प्रभावित याइ। जातीय पुचःतयेसं पुचः म्हसीकाया आधारय् आनुवंशिक वंशया संकीर्ण वा व्यापक साझा गुण ल्ययेफु।

खँग्वःयागु उत्पत्ति व छ्येलेज्या

उत्पत्ति व विकास

थ्व खँग्वयागु छ्येलेज्या दक्ले न्ह्य संस्कृतय् जुगु ख। लिपा थ्व खँग्वयागु तत्सम खँग्वया रुपे यक्व भासे, यक्व कथलं छ्येलेज्या जुल।

छ्येलेज्या

थ्व खँग्वयागु छ्येलेज्या संस्कृतय् व संस्कृत नाप स्वापू दुगु व संस्कृत नं बुया वगु भाषे जुगु खने दु।

थीथी प्रकार

बंगाली जातिया मनूत। बंगालीत हान चिनिया व अरब धुंका हलिंया दकलय् तःधंगु मनूल्या दूगु जाति ख।

इन्दोनेसियाया जाभानिज जाति दकलय् तःधंगु मनूल्या दूगु अस्त्रोनेसियन जाति ख।

जातीय दुजःपिनिगु परिभाषा कथं थीथी प्रकारया जातीयता दयेफु। थुकिया छुं दसुत थ्व कथं दु:

• जातीय-भाषिक (Ethno-linguistic) पुचः, मंका भासा, भाषिका (व सम्भवतः लिपि)य् आधारित जातीयता – दसु: फ्रेञ्च कनेदियनत
• जातीय-राष्ट्रिय (Ethno-national) पुचः, मंका राजनीतिक वा राष्ट्रिय पहिचानया भावनाय् आधारित पुचः – दसु: अस्त्रियामि
• जातीय-वर्ण (Ethno-racial) पुचः, म्हया रुप (फेनोटाइप)या आधारय् मंका भौतिक रुपय् आधारित पुचः– दसु : अफ्रिकन अमेरिकन
• जातीय-क्षेत्रीय (Ethno-regional) पुचः, सापेक्षिक भौगोलिक क्षेत्रय् उत्पन्न जुइगु छगू विशिष्ट स्थानीय भावनाय् आधारित पुचः – दसु: न्यूजिल्याण्डया दक्षिण टापुवासी
• जातीय-धार्मिक (Ethno-religious) पुचः, छगू ​​विशेष धर्म, सम्प्रदाय वा सम्प्रदायलिसे साझा सम्बद्धताय् आधारित पुचः – दसु: मोर्मन, सिख
• जातीय-सांस्कृतिक (Ethno-cultural), मंका संस्कृति वा परम्पराय् आधारित पुचः, आपालं जातीयताया मेमेगु रुपलिसे ल्वाकजायेफु।

जातीयताया यक्व मामलाय्, छगू ​​स्वया अप्व पक्ष मिस्रित जुइ: दसुया निंतिं, आर्मेनियन जातीयतायात आर्मेनियन देय्या नागरिकता, आर्मेनियन सम्पदा, आर्मेनियन भाय् छ्येलेज्या , वा आर्मेनियन एपोस्टलिक चर्चया सदस्यतां परिभाषित यायेछिं।

स्वया दिसँ

• समाज