जकार्ता
.svg)
जकार्ता (आधिकारिक रुपय् जकार्ताया विशेष राजधानी क्षेत्र) (भासा इन्दोनेसियाय्: Daerah Khusus Ibukota Jakarta) इन्दोनेसियाया दकलय् तःधंगु व राजधानी नगर ख। थ्व थाय् जाभा टापुया उत्तरपश्चिमी तटय् ला, थ्व टापुया क्षेत्रफल ६६१.५२ वर्ग किमि दु व सन् २०२०या ल्याखं जनसंख्या १०,५६२,०८८ दु। जकार्ता पलिस्था जूगु ४९० दँ स्वयां अप्वः दयेधुंकल। थ्व नगर हलिमय् न्यागूगु दकलय् घना नगर ख गुकिलि प्रति वर्ग किमि १५,९०० मनु दु।
जकार्ताया न्हापांगु नां सुन्दा केलापा ख। डचत वये न्ह्यः थ्व नगरया नां जयकारता तःगु ख, सन् १५२७ निसें न्ह्याःगु ख।१६१९य् डचतयेसं थ्व नगरया नां बटाभिया तःगु ख। निगूगु विश्वयुद्धया इलय् जापानीतसें थ्व थाय् यात जकार्ता धाइगु खः ।
जकार्ताय् उष्णकटिबंधीय मनसुन मौसम दु (कोप्पेन जलवायु वर्गीकरणय् एम)।
जकार्ताया चुनौतीइ तीव्र शहरी वृद्धि व खुसिबाः नं ला। थ्वयां अप्वः, जकार्ता दँय् १७ सेन्टिमिटर (६.७ इन्च) तक क्वबानाच्वंगु दु। थ्व थाय् हलिमय् दकलय् याकनं क्वबाइगु राजधानीइ छगू नं ख। सन् २०१९इ राष्ट्रपति जोको विडोडों राजधानी बोर्नियो टापुइ लाःगु इन्डोनेसियाया प्रान्त पूर्वी कालिमन्तानय् यंकेगु धाःगु दु। १८ जनवरी २०२२ खुनु इन्दोनेसियाया संसदं देय् या राजधानी जकार्तां नुसान्तराय् हिलेगु विधेयक स्वीकृत यात।
स्वयादिसँ
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Jakarta |