छ्येलेमि खँलाबँला:Shilpakarpm

ः “चन्द्रहासखड्ग”

नेपाः निर्माणय् छेला वंगु मूलगु ज्याभः “चन्द्रहासखड्ग” ऐतिहासिक ज्याभः म्हसीका प्रकाशमान शिल्पकार

प्रकाशित नेवा:सन्बेश वा:पौ

ने. स.ं ११३२ तछलाथ्व ज्याः पुन्हि (२०६९ जेष्ठ २२)

आदिकाले प्राचिन नेपाः उत्पति वा नेपाः निर्माण ज्वी न्हयः थनया कालीदह जुयाच्वंगु लःया दथुसं उत्पन्न जुयाच्वंगु अलौकिक जोतिरुप श्रीस्वयम्भू धर्मधातु दर्शनयाये अभिलासाकया पंचशीर्षपर्वत–सँदेय् (चीन) निसें निम्ह सहयोगितः बरदा शक्ति वा मोक्षदा शक्ति नापं दक्षिण ल्हासापाकू (आया ख्वपः जिल्लाया सुडाल गा.वि.स.) या भूगर्भ मार्ग जुया महामंजुश्री नेपाः वया श्रीस्वयम्भू जोति दर्शनयाय् धुंका स्वयम्भु (सिंगू) च्वकाय् च्वना कालीदह अवलोकन याबले थ्व दहया लःख हतेयाय् फुसा थ्व स्वँनिगः (उत्पत्यका) छगु मनुष्यया वासस्थान देक्यनिम्ति अनुकुलवं पायछि जुगु मनंताय्का स्वनिगःया पेखेरं च्वनाच्वंगु जामाचो पर्वत (नागरजुन डाँडा) पूmचो पर्वत (पूmलचोकी डाँडा), ध्यानचो पर्वत (चम्पादेवी, चन्द्रगिरी डाँडा) व सिधिपूmचो पर्वते (शिवपुरी डाँडाये) (थ्व प्यगु गुँ पर्वतयात प्यम्ह तकेंहेपिं न धाईगुया)े वना दृश्यावलोकनयाना क्वदुवा न्हूसिकाप, गोकर्ण न्हूसिकाप (गोकर्ण), आर्यघाट न्हूसिकाप, व क्वय्ना न्हूसिकाप (चोभार) पर्वतयात छसिकथं मंजुश्रीं थःगु थ्वहे खड्गं प्रहारयाना लः पिहांवनेगु लँपु दय्काबिया, प्राचिन नेपाः निर्माणे श्रीगणेशयाना महामंजुश्रीं छ्यःगु ज्याभः खः “चन्द्रहासखड्ग” । थ्व खँ श्रीस्वयम्भू पुराणे बर्णनयाना तैतःगु दु ।

नेपाःया सृष्टियाये कारण मतलब प्राचिन नेपाःदेय् निर्माणया ज्याःझ्वले योजनकारया निम्ति महामंजुश्री बोधिसत्वयात महानशिल्पी विश्वकर्माया रुपे नं मानेजुया वयाच्वंगु दु । थौकन्हेया आधुनिक भाषं धाय्गुखसा नेपाः निर्माणया महान इन्जिनियर हे खः । प्राचिनकाले ओभरसियर, इन्जिनियर तयतः मागु कथंया गुलि नं आवश्यक ज्याभःलभः अविस्कार जुल, दक्व ज्याभःलभः या प्रतिनिधि कथं प्रारम्भिक नेपाः सृष्टि ईलये माथाय् माकथं माःगु किसिमं विश्वकर्मारुपि महामंजुश्रीया मूलज्याभः स्वरुप जुया ज्याः बिया वंगु ज्याभः या मूलरुप खः “चन्द्रहासखड्ग” । थ्व हे ज्याभं थीथी गूँ (वनजंगल, पहाड, पर्वत तछ्याना थनया कालीदहया लः दक्वं पितः छोया । थन मनुष्यया उपयुक्त बासस्थान देय्का लोकजनपिंन्त शिल्पकला व शास्त्रबिद्या प्रदानयाना थकुम्ह विश्वकर्मा रुपि महामंजुश्री खः । अथेसां नेवाः समुदाये दुनेलागु आदिवासी शिल्पी जाती शिल्पकार तयेसं धासा मंजुश्रीयात ससुमाजु सरह (बिद्यायादेवी सरस्वती) व बिश्वकर्मायात भैरबशक्तिया रुपे थःगु कूलगुरु कथं बिस्कं हनावया च्वंगु दु ।

चन्द्रहासखड्गया धारया छचालं अग्निज्वालाधार, च्वकाय् अद्र्धबज्रचिन्ह, खड्गया दथ्वी गनं गनं मलखं हिनाच्वंगु खने दु । थ्व खड्गयात महामंजुश्रीं थःगु जःवगु ल्हा तं छव्वेका क्वातुक ज्वना यां कया थःगु शिरया फुसे भचाच्वे स्पूmर्तिनक्सां ज्वना क्यनाच्वंगु महामंजुश्रीया किपाय् झिसं ख ना हे च्वना । थ्वहे खड्गं नेपाःया स्वरुप निर्माणयागु खः धयागु नेपाःया प्राचिन इतिहासे चोयातःगु दु । अथेसां नेपाःया भौतीकवादी संस्थापक कम्यूनिष्ट नेता पुष्पलालजुं मंजुश्रीं थःगु खड्गं छगुहे प्रहारं चोभार (क्वय्ना) या डाँडा चाना लःख पिछोगु धयागु खँ व मंजुश्रीयात पारलौकि (दैबिक) शक्ति प्राप्त या रुपलिसें मकासें मंजुश्री तत्कालीन नेपाः निर्माण अवस्थाया छम्ह साधारण झी सरहया शिल्पी इन्जिनियरया रुपे जक स्वीकारयागु खने दु । (स्रोत– हेमराज शाक्यया– नेपाल संस्कृतिया मूलुखा व नवयुवा मासिक पूर्णाङ्क १६६)

लसकुस

लसकुस!

ज्वजलपा Shilpakarpmजु! विकिपिडियाय् छित लसकुस दु। छिगु योगदानया निंति सुभाय् देछाना च्वना । छिं थ्व थाय् यहेका दि व थ्व थासय् छिगु योगदान दया च्वनि धैगु भलसा जिं कया। छित ग्वहालि जुइफुगु छुं पौस क्वय् ब्वया तगु दु:

• विकिपिडियाया न्याता थां
• गथे याना पौ सम्पादन याय्‌गु
• ग्वहालि पतित
• सीकेज्या
• बाँलागु च्वसु गथे याना च्वय्‌गु?
• स्टाइलया म्यानुअल
• If you do not understand Nepalbhasha, please feel free to contact Nepalbhasha Embassy, if required.
• थ्व छिगु ग्लोबल खाताया छगू खाता खःसा, छिगु मू खाताय् थ्व खातायात लिङ्क यानादिसँ। (If this is a part of your global account, please link your userpage to your main user page, if possible.)

छिं बाँलाक्क सम्पादन यानादी‌ व छम्ह विकिपिडियामि जुइयादि धैगु भलसा कया! कृपा याना खँलाबँला पतिइ सम्पादन यानादीबिले (च्वसु पतिइ मखु) प्यंगु तिल्दे (~~~~) छ्यला हस्ताक्षर यानादिसँ। थुकिलिं छिगु छ्य्‌लामि नां व छिगु सम्पादनया तिथि थःमंतुं क्यनि व मेमेपिं छ्य्‌लामितेत ग्वाहालि याइ। छित ग्वहालि माःसा विकिपिडिया:न्ह्यसःय् स्वापू तयादिसँ, वा जिके , वा छिगु खँलाबँला पतिइ न्ह्येसः न्येना व पतिइ न्ह्येसः न्ह्य {{ग्वहालि}} चिं तयादिसँ। हानं छक, लसकुस!--Eukesh (talk) ०४:५१, ३० सेप्टेम्बर २०१२ (UTC)