च्वापुखुसि
च्वापुखुसि घना च्वापुया धी ख गुकिलिं थःगु हे तौलया कारणं च्वापुगुं क्वहां वंसें खुसि थें हे, तर बिस्तारं क्वय् पाखे न्ह्यानाच्वनि। च्वापुगुंइ वा ख्वांगु थासय् च्वापुगाना मुनावइगु च्वापुया मात्रा प्राकृतिक रुपय् वाष्पिकरण, च्वापुहुर, सब्लिमेसन, काल्भिङ्ग आदि प्रकृयां मदया वनि। अथे मजुसाः, प्रायः सदियौं तक च्वापु मुनाच्वनि। अथे मुनेबिले च्वापुइ क्रेभास (crevasses) व सेराक (seracs) आदि संरचना दयावइ। नापं, थःगु तौलया भारं याना छधी जुयाच्वंगु च्वापु विकृत जुइ व थ्व बुलुहुँ बुलुहुँ बाहावनि। च्वापु थथे सनाः न्ह्याइबलय् थ्वं थःगु नापंया चट्टानय् घर्षण याना सर्क (*cirques), मोरेन (moraines) वा फ्योर्द (fjords) थें न्याःगु संरचना दयेकि। च्वापुखुसि लिपा लःया स्रोत (दसु खुसि) य् बाहा वनि।
पृथ्वीइ ९९% च्वापुखुसित ध्रुवीय क्षेत्रय् दुने ला। तर च्वापुखुसि अष्ट्रेलियाया मू भूमि त्वताः मेमेगु सकल महाद्वीपय् पर्वः झ्वलय् खनेदु, गुकिलि ओसियानियाया उच्च-अक्षांशय् दूगु न्युजिल्यान्द थें जाःगु महासागरीय टापु देय् नं ला।