गीताञ्जलि

विकिपिडिया नं
Jump to navigation Jump to search
गीताञ्जलि
Gitanjali
Gitanjali Visva Bharati.jpg
बिश्वभारती संस्करणया भुसा
Author(s) रबीन्द्रनाथ ठाकुर
Translator रबीन्द्रनाथ ठाकुर
Country भारत
Language बंगाली
Genre(s) चिनाखँ
Publisher बिश्वभारती ग्रन्थविभाग
Publication date सन् १९१०
Published in English सन् १९१२
Media type मुद्रित ग्रन्थ
Pages ९६
Preceded by खेया
Followed by गीतिमाल्य

गीताञ्जलि (बंगाली भासय्: গীতাঞ্জলি वा गीताञ्जोलि) रबीन्द्रनाथ ठाकुरजुं च्वयादीगु छगू काब्यग्रन्थ ख। थ्व काव्यय् सकल १५७पू गीतिकविता संकलित यानातःगुदु। थ्व चिनाखँमुनाय् तत्कालीन बंगालय् प्रचलित ब्राह्म-भावनात्मक भक्तिमूलक रचना मुंकातःगु दु। सन् १९०८-०९स थी-थी पत्रपत्रिकाय् थ्व चिनाखँमुनाया चिनाखँ पिथंगु खः। सन् १९१०स गीताञ्जलि चिनाखँमुना सफूया रुपय् पिथनिगु ज्या जुल।

१९१२ सालय् रबीन्द्रनाथ ठाकुरया संग अफारिंग्स् (अंग्रेजी: Song Offerings) काव्यग्रन्थ पिथन। थ्व सफूलि ठाकुरजुं गीताञ्जलि व थःगु मेमेगु समसामयिक चिनाखँमुनाया चिनाखँ भाय्हिलेगु ज्या यानादिल। सन् १९१३स अंग्रेजी काव्यग्रन्थया निंतिं वय्कःयात साहित्य नोबेल सिरपा लःल्हातः।


रचना[सम्पादन]

१९०८ सालया मोहनि (बंगालय् दुर्गापुजा) बिलय् रबीन्द्रनाथ ठाकुर शिलाइदह थ्यंकादिल। वय्कलं अन थ्व काव्यया न्हापांगु चिनाखँ च्वयादिल। थ्व चिनाखँमुनाया चिनाखँ शिलाइदह, शान्तिनिकेतन व कोलकाताय् रचित जूगु ख। रबीन्द्रनाथ ठाकुरजुं थःगु काव्य गीताञ्जलि व मेमेगु चिनाखँमुनायात अंग्रेजीइ थमंतुं भाय्हिलादिल। मूल बंगाली काब्यग्रन्थया अन्तर्गतया ५३पू चिनाखँ संग अफारिंग्स संकलनय् प्रकाशित जूगु दु।

गीताञ्जलि: संग अफारिंग्स‎[सम्पादन]

Close-up of yellowed title page in an old book: "Gitanjali (Song Offerings) by Rabindranath Tagore. A collection of prose translations made by the author from the original Bengali with an introduction by W. B. Yeats. Macmillan and Co., Limited, St. Martin's Street, London, 1913."
गीताञ्जलि: संग् अफारिंग्स‎- प्रथम म्याकमिलन संस्करणया भुंसा, सन् १९१३

गीताञ्जलि: संग अफारिंग्स‎ (अंग्रेजी: Gitanjali - Song Offerings) अंग्रेजी भासय् अनुवादित रबीन्द्रनाथया प्रथम संकलन ग्रन्थ ख। थ्व चिनाखँमुना पाश्चात्य हलिमय् प्रसिद्ध जुल। अंग्रेजी भाय्हिला व बंगाली गीताञ्जलिइ छुं अन्तर दु। बंगाली गीताञ्जलि'या १५७पू म्ये/चिनाखँय् ५३पू जक अंग्रेजी गीताञ्जलिइ(Song Offerings) दुथ्याःगु दु। मेगु ५०पू चिनाखँ गीतिमाल्य, नैबेद्य, खेया, शिशु, कल्पना, चैतालि, उतसर्ग, स्मरणअचलायतन चिनाखँमुनाया चिनाखँ दुथ्याःगु दु। गीतिमाल्यं १६पू, नैबेद्यं १५पू, खेयां ११पू, शिशुं ३पू, कल्पनां १पू, चैतालिं १पू, उतसर्गं १पू, स्मरणं १पू व अचलायतनं १पू चिनाखँ/म्ये अंग्रेजी गीताञ्जलिइ दुथ्याःगु दु। अर्थात अंग्रेजी गीताञ्जलिइ ९गू ग्रन्थया चिनाखँ व म्ये दुथ्याःगु दु।

लिधंसा[सम्पादन]


पिनेया स्वापू[सम्पादन]

Template:Rabindranath Tagore