गाजीपुर जिल्ला, बंगलादेश
| गाजीपुर जिल्ला, बंगलादेश | |
|---|---|
| — जिल्ला — | |
| देय् | बंगलादेश |
गाजीपुर जिल्ला, बंगलादेश बंगलादेशया छगू जिल्ला ख। थ्व छगू मध्य बंगलादेशया जिल्ला ख व थ्व ढाका विभागया छगू भाग ख। थुकिया क्षेत्रफल १७४१.५३ किमि २ दु । थ्व जिल्ला बंगलादेशया न्हापांम्ह प्रधानमन्त्री ताजुद्दीन अहमदया गृह जिल्ला ख व इतिहासय् युद्ध व आन्दोलनया छगू मू केन्द्र जुयाच्वंगु दु। गाजीपुरय् विश्व इजतेमा जुइ, थ्व हलिमय् निगूगु दकलय् तःधंगु वार्षिक मुस्मां भेला गुकिलि ५० लख स्वया अप्व उपस्थिति दु। थ्व जिल्लाय् यक्व विश्वविद्यालय, कलेज, बंगबन्धु शेख मुजीब सफारी पार्क, भावल राष्ट्रिय निकुञ्ज नापं देय्या छगू जक्क व्यापारिक पार्क - बंगबन्धु हाई-टेक सिटी दु।
प्रशासनिक विभाजन
[सम्पादन]गाजीपुर जिल्ला सन् १९८४य् पलिस्था जूगु ख। थुकिया छगू नगर निगम दु: गाजीपुर नगर निगम , व थ्व जिल्ला क्वय् बियातःगु उपजिलाय् बायातःगु दु:
- गाजीपुर सदर उपजिल्ला
- कालियाकैर उपजिल्ला
- कपासिया उपजिल्ला.
- श्रीपुर उपजिल्ला
- कालीगंज उपजिल्ला
ब्वनेकुथि
[सम्पादन]गाजीपुरय् ६ गू विश्वविद्यालय दु: ढाका विश्वविद्यालय (इन्जिनियरिङ व प्रविधि), इस्लामिक विश्वविद्यालय, बंगबन्धु शेख मुजीबुर रहमान कृषि विश्वविद्यालय (न्हापांगु कृषि सम्बन्धी स्नातकोत्तर अध्ययन संस्थान), बंगलादेश खुल्ला विश्वविद्यालय, जर्मन विश्वविद्यालय बंगलादेश, बंगलादेश राष्ट्रिय विश्वविद्यालय, व बंगबन्धु शेख मुजिबुर रहमान डिजिटल विश्वविद्यालय।
गाजीपुर क्यान्टोन्मेन्ट कलेज, बंगलादेश राइस रिसर्च इन्स्तिच्युत (बीआरआरआई), बंगलादेश कृषि अनुसन्धान संस्थान (बारी) आदि प्रतिष्ठान थन ला।
थ्व जिल्लाय् निगु स्नातकोत्तर स्तरया कलेज दु: भावल बद्रे आलम सरकारी कलेज व टोंगी सरकारी कलेज ।
थ्व जिल्लाय् १९गु डिग्री कलेज दु। अनर्स लेभलया कलेज थथे दु: कालियाकैर डिग्री कलेज, जातिर पीता बंगबन्धु डिग्री कलेज , कालीगंज श्रामिक कलेज , कापासिया डिग्री कलेज (१९६५य् पलिस्था), व काजी अजीम उद्दीन कलेज।
उल्लेखनीय माध्यमिक व उच्च माध्यमिक विद्यालयय् रानी बिलश्मोनी सरकारी ब्वाइज हाई स्कूल (सन् १९०५ य् पलिस्था जूगु), सफिउद्दीन सरकार एकेडेमी व कलेज, एमईएच आरिफ कलेज, व टोंगी पायलट स्कूल व गर्ल्स कलेज ला ।
मदरसा शिक्षा प्रणालीइ २६ फाजिल व ३ कमिल मदरसा दुथ्याः ।
नांजाःपिं मनूत
[सम्पादन]- अफसारुद्दीन अहमद , वकिल
- ताजुद्दिन अहमद , बंगलादेशया प्रथम प्रधानमन्त्री .
- जाहिर उद्दीन अहमद , पूर्व नौसेना प्रमुख, बंगलादेश नौसेना
- एम. जाहिद हसन , क्वान्टम भौतिक विज्ञानी
- मोजम्मल हक, मुक्ति युद्ध मामिला मन्त्रालय व प्रतिनिधिसभा सदस्य
- अहसानुल्लाह मास्टर , ट्रेड युनियनया नेता व पूर्व सांसद
- सिमीन हुसैन रिमी , राजनीतिज्ञ व प्रतिनिधिसभा सदस्य .
- जाहिद अहसान रसेल , पूर्व युवा तथा खेलकुद राज्यमन्त्री तथा प्रतिनिधिसभा सदस्य .
- मेघनाद साहा , खगोल भौतिक विज्ञानी व साहा आयनिकरण समीकरणया विकासकर्ता
- मोहम्मद सनौल्लाह , चिकित्सक
- हन्नान शाह , सेना अधिकारी
- मोहम्मद शाहिदुल्लाह , राजनीतिज्ञ .
- अबु जाफर शमसुद्दीन , लेखक
- सोहेल ताज , पूर्व मन्त्री, राजनीतिज्ञ व टेलिभिजन होस्ट
- मोहम्मद ओबैद उल्लाह , राजनीतिज्ञ .