कञ्चनपुर जिल्ला

विकिपिडिया नं

कञ्चनपुर जिल्ला नेपाःया सुदूर पश्चिमाञ्चल विकास क्षेत्र अन्तर्गत महाकाली अञ्चलया छगू जिल्ला ख।

इतिहास[सम्पादन]

पश्चिम नेपालय् बाइसी–चौबिसी राज्य दूगु बिलय् थ्व जिल्ला डोटी राज्यया अन्तर्गतय् दयाच्वन। व ईले मल्ली माल व तल्ली मालया नामं म्हसीकिगु थ्व थाय्‌ कैलालीया लागादुने दूगु खने दु। थ्व थाय्‌ सुगौली सन्धिया लिच्वया कथं सन् १८१४ निसें १८१६ तक्क बेलायतीतेगु अन्तर्गतय् लावन। सन् १८६०या सन्धि धुंका थ्व लागा हानं कैलाली, बाँके व बर्दिया नापं नेपाःया खण्ड जूवन।

नेपालय् हानं समाविष्ट जुइधुंका धाःसा कैलाली व कञ्चनपुरयात बाया थ्व जिल्ला अस्तित्वय् वल। थ्व जिल्लाया पलिस्था धुंका थुकिया सदरमुकाम आःया श्रीपुर गाविसया बेलौरी बजारय् दयेकलः। व ईले बेलौरीय् कञ्चनपुर नांया गां दूगु दयाच्वन। व हे कञ्चनपुर गांया नामं थ्व जिल्लाया नां वःगु धैगु छुं इतिहासविदतेगु तर्क दु। विसं २०१९ धुंका थ्व जिल्लाया सदरमुकाम महेन्द्रनगरय् हिलाछ्वःगु खने दु।

भूगोल[सम्पादन]

कञ्चनपुर जिल्ला सुदूर पश्चिमाञ्चल विकास क्षेत्रया तराई लागाय् दूगु निगु जिल्लाय्‌ छगू ख। थ्व जिल्लाया स्थिति थ्व कथं दु-

  • पूर्वय् कैलाली,
  • उत्तरय् डडेल्धुरा
  • दक्षिणय् उत्तर प्रदेश भारत
  • पश्चिमय् उत्तराखण्ड, भारत

थ्व जिल्ला २८डि ३२मि उत्तर निसें २९डि ८मि उत्तर अक्षांश व ८०डि०३मि पूर्वनिसें ८०डि३३मि पूर्व देशान्तरतक्क ला। थ्व जिल्लाया जाः समुद्र सतह स्वया १७६ फिट (दक्षिणय् परासन क्षेत्र) निसें उत्तरय् १५२८ फिट (झलारी क्षेत्र)तक्क दु। जिल्लाया औसत हाकः ४४ किमि पूर्व–पश्चिम व ब्या ३४ किमि उत्तर–दक्षिण दु।

स्वयादिसँ[सम्पादन]

लिधंसा[सम्पादन]