एवा पेरोन

नेपाललिपि परिक्षण: 𑐠𑑂𑐰 𑐥𑑁𑐫𑐵 𑐣𑐾𑐥𑐵𑐮𑐮𑐶𑐥𑐶𑐂 𑐥𑐬𑐶𑐎𑑂𑐲𑐞 𑐥𑑁 𑐧𑑂𑐰𑐣𑐾𑐟: एवा पेरोन 𑐟𑐶𑐫𑐵𑐡𑐶𑐳𑑄𑑋

मारिया इभा दुआर्ते दे पेरोन (१९१९–१९५२), गुम्हेसित हलिं न्यंकं 'इभिता' (Evita) धकाः नं म्हसीकिगु याइ, अर्जेन्टिनाया राष्ट्रपति हुआन पेरोनया कला व उगु देय्या दकलय् प्रभावशाली 'फर्स्ट लेडी' (First Lady) खः। छम्ह सामान्य कलाकारं राजनीतिज्ञ तकया वय्‌कःया जीवनं अर्जेन्टिनाया इतिहासय् तसकं तःधंगु प्रभाव लाकूगु दु।

प्रारम्भिक जीवन

इभाया जन्म तसकं गरिब छेँखाय् जूगु खः। १५ दँय् वय्‌कः कलाकार जुयेगु इच्छा कयाः ब्युनस आयर्सय् वनादिल। रेडियो व संकिपाय् ज्या यायां वय्‌कः छम्ह प्रसिद्ध कलाकार जुयादिल। सन् १९४४ य् छगू च्यारिटी ज्याझ्वलय् वय्‌कःया जुआन पेरोननाप नापलानादिल, गुकिं वय्‌कःया जीवन हिलाछ्वल।

राजनीतिक व सामाजिक योगदान

जुआन पेरोन राष्ट्रपति जुइधुंकाः इभां सरकारी पद मकासें नं जनहितया निंतिं तसकं तःधंगु ज्या यानादिल:

श्रमिक अधिकार: वय्‌कलं 'डेस्कामिसादोस' (Descamisados श्रमिकत) या निंतिं सः थ्वयेकादिल।
मिसातयगु मताधिकार: अर्जेन्टिनाय् मिसातयसँ भोट बीगु धकाः अभियान न्ह्याकाः सन् १९४७ य् कानुन पास याकादिल।
इभा पेरोन फाउन्डेसन: थ्व संस्था पाखें वय्‌कलं यक्व स्कुल, अस्पताल व गरिब मनूतयगु निंतिं छेँ दयेकेगु ज्या यानादिल।

'इभिता' व जनता

इभा पेरोन व उबलय्‌या तिसावसः पहः (Fashion) नं तसकं चर्चाय् च्वन। वय्‌कः थःगु बांलाःगु वसः व तिसाया निंतिं जक मखु, गरिब जनतानाप इमिगु दुखया खं न्यनीगु स्वभावं यानाः नं 'जनताया लानी' जुयादिल।

अन्त व सम्मान

सन् १९५२ य् ३३ दँया उमेरय् क्यान्सरया कारणं वय्‌कःया मृत्यु जुल। वय्‌कःया सीम्हयात कयाः अर्जेन्टिनाय् तसकं तःधंगु शोक जुल। वय्‌कःया जीवनयात कयाः लिपा 'इभिता' नांया प्रसिद्ध म्युजिकल नाटक व संकिपा नं दयेकल। वय्‌कःया लुमन्तिइ यक्व वस्तुत आः नं अर्जेन्टिनाया मुनाछेँय् सुरक्षित तयातःगु दु।

लिधंसा

Fraser, Nicholas & Navarro, Marysa (1980). Evita: The Real Life of Eva Peron.
Ortiz, Alicia Dujovne (1996). Eva Perón.
Perón, Eva (1951). La Razón de mi Vida (The Reason for My Life).