एथेन्सया ब्वनेकुथि
 | |
| कलाकार | राफेल |
|---|---|
| दँ | 1509–1511 |
| प्रकार | फ्रेस्को |
| आकार | 500 cm × 770 cm × (200 in × 300 in) |
| दूगु थाय् | अपोस्तोलिक प्यालेस, भेतिकन सिति |
एथेन्सया ब्वनेकुथि (इटालियन: स्कूला दि एतेने Scuola di Atene) इतालियन पूनर्जागरण कालया किपामि राफेलं दयेकूगु छगू फ्रेस्को किपा खः। थ्व किपा सन् १५०९ व १५११या दथुइ पोप जुलियस द्वितियया आदेशं भेतिकन नगरय् स्थित आपोस्टलिक प्यालेसय् दूगु स्तानजा दि राफेल्लो (Stanze di Raffaello) धकाः वर्तमानय् म्हसीकातःगु क्वथाया समा यायेगु निंतिं दयेकूगु खः ।
थ्व फ्रेस्कोय् प्राचीन दार्शनिक, गणितज्ञ व वैज्ञानिकतेत प्लेटो व एरिस्तोतलया प्यखें मुनाच्वंगु अवस्था क्यनातःगु दु। थ्व किपाया यक्व मनूपिन्त म्हसीकेगु अस्पष्ट वा सुक्ष्म विवरण वा इशारा जक बियातःगु दु;[१] बांलाक्क म्हसीके फूपिं मनूय् सोक्रेतिज, पाइथागोरस, आर्किमिदिल, हेराक्लितस, एभेरोज व जाराथुस्त्रा दु। नापं, इटालियन कलाकार लिओनार्डो दा भिन्सि व माइकेलएन्जेलोयात क्रमशः प्लेटो व हेराक्लिटसया रुपय् क्यनातःगु धाःगु विश्वास दु ।[२][३] राफेलं थःयात किपालय् तलेमीया नापं च्वयादीगु दु। थ्व किपाय् राफेल हे छम्ह जक पात्र खः सुनां स्वमिपाखे तपेंक स्वयाच्वंगु दु ।
किपायात थुकिया सटीक पर्सपेक्टिभ प्रोजेक्शनया निंतिं म्हसीकिगु या। थ्व विधा पूनर्जागरण कलाया छगू मू विशेषता खः। राफेलं थ्व कलाया शीप लिओनार्दो नाप सयेकादीगु खः। नापं, किपालय् प्रयोग जूगु विषयवस्तुत दसु प्राचीन ग्रीक दर्शन व संस्कृतिया युरोपय् पुनःजन्मया प्रेरणा नं लियोनार्दोया दबू , इन्जिनियरिङ, अप्टिक्स (जः-सीका), ज्योमेत्रि, फिजियोलोजी, एनामाटोमी, इतिहास, आर्किटेक्चर व कलाया क्षेत्रय् व्यक्तिगत लगावं प्रेरित जुल ।[४]
एथेन्सया ब्वंकुथियात राफेलया दकले प्रसिद्ध ज्याय् छगूया कथं नालेगु या व थ्व किपायात वय्कःया मास्तरपिस व पूनर्जागरण कालया शास्त्रीय भावया दकले भिंगु अभिव्यक्ति धकाः वर्णन यानातःगु दु।[५]
पूर्ववर्ति किपा
[सम्पादन]
थ्व किपाया विषय थें न्याःगु विषयय् प्राचीन कालया मेमेगु किपा नं दयाच्वंगु दु। थथे दूगु किपालय् विशेष यानाः प्लेटोया एकेडेमी मोजायक नांजाः। सम्भवतः रोमन इजिप्टया निपुचः मूर्तिइ नं थ्व भाव खनेदु। १९गू शताब्दीया फ्रांसीसी कन्सुल जिन-फ्रान्स्वा मिमाउत ( Jean-François Mimaut)जुं अलेक्जेंड्रियाया सेरापेतमय् हिलासफू (स्क्रोल) ज्वनाच्वंगु ९गू मूर्तित दूगु उल्लेख याःगु दु। नापं, मेम्फिस सक्क्राराय् ११गू प्रतिमा दयेकातःगु खँ कनातःगु दु । Les Statues Ptolémaïques du Sarapieion de Memphis" धाःगु च्वखँया छगू समीक्षां थ्व प्रतिमात ३गू शताब्दीइ लाइमस्तोन व स्तुको छ्येला दयेकातःगु खँ कनातःगु दु । रोव व रीसया १९५६या सुझाव कथं नितां प्रतिमापुचःतेगु विषय प्लेटोया अकादमी मोजायकया विषय समान दु, सक्क्रारा कलाय् दूगु पात्र थ्व कथं म्हसीकातःगु खनेदु: " (१) पिन्दारे; (२) डेमेट्रियस दे फालेरे;- (३) x?),[६] [७][८], (४)ओर्फीए अक्स वाइसों, (५) हेसिओदे, (६)होमेरे, (७)मस्यूगु, (८)प्रोतागोरस, (९) थेल्स, (१०)हेराक्लिते, (११) प्लेतोन, (१२) एरिस्तोते। थ्व पात्रतेगु मेमेगु म्हसीका दूगु मत नं दु। प्लेतो व थालेसयात सामान्यतया थ्व किपाया केन्द्रिय मनूया कथं म्हसीकातःगु दु ।[९]
किपाझ्वः
[सम्पादन]-
लियोनार्दो दा भिन्सि, प्लेतोया रुपय् -
-
-
-
आर्किमिदिजं थःगु सिद्धान्त ब्वयादीगु -
-
माइकल एन्जेलो हेराक्लिटसया रूपय् -
-
-
सम्भवतः जिनो अफ सितियम -
-
-
सम्भवतः इपिक्युरस वा देमोक्रितस -
स्वयादिसँ
[सम्पादन]- राफेलया किपातेगु धलः
- लियोनार्दो दा भिन्सिया द लास्त सपर
लिधंसा
[सम्पादन]लिखँ
[सम्पादन]लिधं धलः
[सम्पादन]- ↑ The School of Athens: A detail hidden in a masterpiece.
- ↑ "Leonardo da Vinci in Raphael's School of Athens".
- ↑ The School of Athens: A detail hidden in a masterpiece.
- ↑ Georg Rainer Hofmann (1990). "Who invented ray tracing?". The Visual Computer 6 (3): 120–124. DOI:10.1007/BF01911003. .
- ↑ History of Art: The Western Tradition by Horst Woldemar Janson, Anthony F. Janson (2004).
- ↑ French for to birds.
- ↑ Alan Rowe (1956). A Contribution To The Archaeology of The Western Desert: IV – The Great Serapeum Of Alexandria. Manchester.
- ↑ Ph. Lauer (1957). "Reviewed Work: Les Statues Ptolémaïques du Sarapieion de Memphis".
- ↑ Katherine Joplin (2011). Plato's Circle in the Mosaic of Pompeii. Electrum Magazine.