एक्सन पोटेन्सियल

विकिपिडिया नं
किपा १. छगू आदर्श एक्सन पोटेन्सियलया A. भ्युय् छगू सेल मेम्ब्रेनया छगू निश्चित थासय् एक्सन पोटेन्सियलया विभिन्न फेज क्यनातःगु दु। B. एक्सन पोटेन्सियलया रेकर्डिङ्ग थुकिया स्केम्याटिक भ्यु स्वया आपालं डिस्टर्टेड वै, थुकिया कारण रेकर्डिङ्ग यायेत छ्येलिगु इलेक्ट्रोफिजियोलोजिकल प्रविधिया भिन्नता ख।

एक्सन पोटेन्सियल (वा नर्भ इम्पल्स) छगू एक्साइटेबल मेम्ब्रेनया ट्रान्समेम्ब्रेन भोल्टेजय् मेम्ब्रेनय् दैगु भोल्टेज गेटेड आयोन च्यानलया एक्टिभिटीं जेनेरेट याइगु ट्रान्जियन्ट अल्टरेसन ख। एक्सन पोटेन्सियलया थी-थी एक्साइटेबल सेल (दसु- न्युरोन, मायोसाइट, इलेक्ट्रोसाइट)य् थी-थी कथंया ज्या दै। एक्सन पोटेन्सियलया दक्ले नांजाःगु प्रकार न्युरोनया एक्जोनय् बाहावैगु पल्स-थें न्याःगु भोल्टेजया वेभ ख। [१]

म्हसीका[सम्पादन]

छगू साधारण एक्सन पोटेन्सियलया एक्सन हिल्लकय् मेम्ब्रेन पर्याप्त मात्राय् डिपोलराइज जुया न्ह्यथनि। अर्थात छगू एक्सन हिल्लकया भोल्टेज निर्धारित मात्राय् वृद्धि जुइ धुंका एक्सन पोटेन्सियल न्ह्यथनि। मेम्ब्रेन पोटेन्सियल अप्वये धुंका सोडियम व पोटासियम आयोन च्यानल चाइ। थुकिलिं सेलया दुने वैगु इन्वार्ड सोडियम करेन्ट (डिपोलराइजेसन) व उकियात ब्यालेन्स याइगु आउटवार्ड पोटासियम करेन्ट (रिपोलराइजेसन) निगु हे अप्वै। छगू चिधंगु भोल्टेज वृद्धिइ पोटासियम करेन्टं सोडियम करेन्ट स्वया याकनं ज्या याना भोल्टेजयात उकिया साधारण रेस्टिङ भ्यालु (साधारणतया −७० mV)य् लिहांहै। [२] तर यदि भोल्टेज क्रिटिकल थ्रेसहोल्ड स्वया अप्व थांहा वःसा अर्थात साधारणतया रेस्टिङ्ग भ्यालु स्वया १५ mV थाहां वःसा सोडियम करेन्ट बल्लाइ। थुकिलिं याना छगू अवस्था वै गनकि सोडियम करेन्टया पोजिटिभ फिडब्याक संयन्त्रं झन अप्व मेमेगु सोडियम च्यानल सक्रिय जुइ। अतः, सेल चार्जया बाहाया माध्यम जुइ व एक्सन पोटेन्सियल दयावै। [३][४]

लिधंसा[सम्पादन]

  1. Purves, Dale, George J. Augustine, David Fitzpatrick, William C. Hall, Anthony-Samuel LaMantia, James O. McNamara, and Leonard E. White (2008). Neuroscience. 4th ed.. Sinauer Associates, 7, 27–28.
  2. Bullock, Orkand, and Grinnell, pp. 150–151; Junge, pp. 89–90; Schmidt-Nielsen, p. 484.
  3. Cite error: Invalid <ref> tag; no text was provided for refs named positive_feedback
  4. एक्सन पोटेन्सियलया थ्व साधारण वर्णन अप्वःगु अवस्थाय् निश्चित जुसां थुकिलिं छुं अवस्था दसु एक्साइटेसन ब्लक (न्युरोनतेत तःधंगु करेन्ट स्टेपं स्टिमुलेट याना एक्सन पोटेन्सियल पनिगु क्षमता) व मेम्ब्रेनयात छुं अवधितक्क हाइपरपोलराइजेसन याना एक्सन पोटेन्सियल दयेकिगु क्षमतायात वर्णन मया। थन्यागु फेनोमेनायात कम्प्युटेसनल मोडेल छ्येला मेम्ब्रेन प्याचया सोडियम व पोटासियमया डाइनामिक्सया विश्लेसनं धाःसा वर्णन यायेछिं।