इ॰ पू॰ ३२२

इ॰ पू॰ ३२२ ग्रेगोरियन पात्रो यागु छगु दँ खः।

झाका

थाय् कथं

ग्रीस

• वसन्त/ग्रीष्म – म्यासेडोनियाया एडमिरल क्लेइटस द ह्वाइटं एथेनियन नौसेनायात एचिनेड्सया युद्ध व अमोर्गोसया युद्धय् बुकल। थ्व नापं, एजियनय् एथेनियन थालासोक्रेसीया अन्त्य जुल।
• एथेनियन व इमिगु सहयोगीतेसं लामियाय् म्यासेडोनियाया शासक एन्टिपेटरयात घेराबन्दी याःगुलिं लियोनाटसं २०,००० पैदल व १५०० अश्वारोही सेना नापं समाप्त याइ। लियोनाटसयात थ्व ज्याखँया झ्वलय् स्यानाबी।
• सेप्टेम्बर ५ – क्रैतरस क्रैननया युद्धय् एथेनियनतेत बुकेत रणभूमिइ थ्यनि। थ्व हःताः लामियन युद्धय् एन्टिपेटरया निंतिं पूर्ण विजयया चिं खः ।
• एथेनियन वक्ता व कूटनीतिज्ञ, डेमेडेसं थःगु नागरिकता हाकनं प्राप्त याइ गुकिलिं वय्कः व फोसिओनं एन्टिपेटरनाप शान्तिया वार्ता यायेफइ, थुकथं लामियन युद्ध क्वचाइ। थः एथेन्स त्वते न्ह्यः वय्कलं एथेन्सया नागरिकतेत डेमोस्थेन्स व वय्कःया अनुयायीतेत ( हाइपराइड्स, एथेन्सया देशभक्ति खलःया नेता नापं) मृत्युदण्डया सजायँ बीत इनाप यानादिल। डेमादेसया दूतवार्ता लिच्वः कथं एथेनियनतेगु निंतिं हानिकारक शान्ति जुइ, एथेनियनत एथेन्सया बन्दरगाह, पिरेयसय् म्यासेडोनियामितेगु कब्जा यात स्वीकार यायेत बाध्य जुइ।
• डेमोस्थेनिस थःगु आत्मसमर्पणया माग याइपिं म्यासेडोनियामिपाखें बिस्युं वनि। गिरफ्तारीइ लायेवं वं विष नया सी।
• हाइपेरिड्स एजिनाय् बिस्युं वनी, तर वयात पोसाइडनया देगलय् म्यासेडोनियामितय्सं ज्वना स्याइ।
• कोरिन्थया लीग भंग जुल।

इजिप्ट

• प्रचलित चलन कथं, म्यासेडोनियाया जुजुतेसं थः पूर्ववर्तीयात थुनाः थःगु राजगद्दीया अधिकारया दावी याइ। शाही रीजेन्ट पर्डिकासयात पूर्वाग्रह यायेत टलेमीं अलेक्जेन्डर द ग्रेटया मदयेधुंकूगु सी-म्ह मेम्फिस, इजिप्टय् हयाः अन लुँया सार्कोफेगसय् थुनाबिल। अनंलि टलेमीं अलेक्जेन्डरया मिसा थाइस नाप इहिपा याइ व इजिप्ट व नापंया लिबिया व अरब क्षेत्रया जुजुया रुपय् शासन याइ।
• टलेमीं आन्तरिक अव्यवस्थाया फाइदा कयाः अफ्रिकी हेलेनिक नगर साइरेनाइकायात पेर्डिकसया स्वीकृति मकासे अधिग्रहण याइ।
• टलेमीं थः उपाध्यक्ष, क्लियोमेन्स अफ नौक्राटिसयात क्लियोमेन्सं पर्डिकासया पक्षय् दु धइगु शंकाय् मृत्युदण्ड बी। थ्व ज्याया कारणं वयागु अधिकारया मू नियन्त्रक मदया वनी, व टलेमीयात क्लियोमेनिसं मुंकातःगु तःधंगु ध्येबा थःगु ल्हातय् कायेत ग्वहालि याइ।

भारत

• चन्द्रगुप्त मौर्यं मगधयात कब्जा याइ: चन्द्रगुप्तं चाणक्य (कौटिल्य)या ग्वाहालिं मगधया नन्द शासकतेत स्यंका मौर्य साम्राज्य पलिस्था याइ। चाणक्यं थःगु नन्द जुजुया ल्हातं अपमान जुइधुंका चन्द्रगुप्तयात विन्ध्य वनय् नापलाःगु धाइगु बाखँ दु।