इ॰ पू॰ २९४
इ॰ पू॰ २९४ ग्रेगोरियन पात्रो यागु छगु दँ खः।
घटना
[सम्पादन]थाय् कथं
[सम्पादन]ग्रीस
[सम्पादन]- स्पार्टाया जुजु आर्किदामस चतुर्थ, युदामिदास प्रथमया काय् व आर्किदामस तृतीयया छेय्, मान्टिनियाय् जूगु युद्धय् म्यासेडोनियाया डेमेट्रियस पोलिओर्सेट्सं द्वारा पराजित जूगु। डेमेट्रियसयात वय्कःया प्रतिद्वन्द्वी लाइसिमाकस व टलेमीया ख्याच्वःया गतिविधिं म्यासेडोनियाय् लिहां वनेमाःगुलिं जक स्पार्टा ल्यंगु।
- म्यासेडोनया अलेक्जेन्डर पंचमयात वया किजा एन्टिपेटर द्वितीयं सत्तां लिकाःगु दु। अथे जुया अलेक्जेन्डर पंचमं थःगु सिंहासन हाकनं कायेत ग्वाहालिया निंतिं डेमेट्रियस पोलिओर्सेट्सयाके ग्वहालि फ्वंवन। तर डेमेट्रियस पोलिओर्सेट्सं म्यासेडोनियाया राजगद्दीइ थःत स्थापित याइ व अनंलि अलेक्जेन्डर पंचमया हत्या याइ। एन्टिपेटर द्वितीयया ल्हातं म्यासेडोनियाया राजगद्दी वनी तर वय्कः धाःसा म्वानाच्वने फइ।
- एपिरसया पाइरहसं म्यासेडोनियाय् जूगु राजवंशीय ल्वापूयात थःगु फाइदाया निंतिं छ्यली। थ्व ल्वापू म्यासेडोनियाया अलेक्जेन्डर पंचम व वया किजा एन्टिपेटर द्वितीय व डेमेट्रियस पोलिओर्सेट्सया दथुइ जुयाच्वनिबिले, वय्कलं सीमान्त क्षेत्रत पाराउएया व टिम्फेयाया कब्जाय् काइ, नापं अकार्नानिया, एम्फोलोचिया व एम्ब्रासिया नं थःगु अधीनय् लाकी।
- लाइसिमाकसं डेमेट्रियस पोलिओर्सेट्स नाप शान्ति याइ गुकिलिं डेमेट्रियस पोलिओर्सेट्सयात म्यासेडोनियाया शासकया रुपय् मान्यता बी।
रोमन गणराज्य
[सम्पादन]- स्वक्वःगु सम्नाइट हःताः :
- रोमन व सम्नाइट भूभाग स्वाइगु छगू लँपुइ सम्नाइटतेसं कन्सुल मार्कस एटिलियस रेगुलसया शिविरय् आक्रमण याइ। मार्कस सोराय् बिस्युं वनि व कन्सुल लुसियस पोस्टुमियस मेगेलस नापं वइ। कन्सुलर सेनाया संयोजनं सम्नाइट सेनायात सम्नियमय् लितः छ्वइ।
- पोस्टुमियसं साम्नाइट नगर मिलियोनियाय् आक्रमण याइ व फर्ट्रम नापं मेमेगु यक्व नगरत अनया बासिन्दातेसं पिदना पोस्टुमियसं कब्जा याइ।
- सिनेटरया अनुमति मदयेक पोस्टुमियस एट्रुरियाय् मार्च याइ, भोल्सिनी विरुद्ध छगू हताः त्याकी व रुसेला नगरय् आक्रमण याइ। भोल्सिनी, पेरुसिया व अरेटियम नगरं रोम नाप शान्तिया निंतिं मुद्दा तइ व पी (४०) दँया निंतिं युद्धविराम प्राप्त याइ।
- एटिलियस लुसेरियायात साम्नित घेराबन्दीपाखें मुक्त यायेत अपुलियाय् वनी तर नगरया लिक्क साम्नितेसं वयात पनि, गन वयात छगू चिधंगु सेनां बुकी। अनंलि वं भोल्सेन्ट्स विरुद्धया हताः त्याकी ।
- रोमन उपनिवेश इन्तेराम्ना कब्जा यायेगु असफल कुतः धुंका छगू समनाइट सेनां जलाःखलाःया गामय् छापा मारे याइ। थथे छापा तयाच्वमेबिले एटिलियसं आक्रमण याइ व लूटपाटयाःगु धन लित काइ।
- पोस्टुमियसं सिनेटरया विरोध जूसां नं कोमिटिया सेन्टुरियाटायात थःयात विजयया निंतिं मतदान याकूगु। [१] [२] [३] [४]
इजिप्ट
[सम्पादन]- टलेमीं साइप्रस व फोनिसियाया तटीय नगर सायर व सिदोनय् नियन्त्रण प्राप्त यात।
सेल्यूसिड साम्राज्य
[सम्पादन]- डेमेट्रियस पोलिओर्सेट्सया म्ह्याय् व सेल्युकसया कलाः स्ट्र्याटोनिसं थः लिथुया काय् एन्टिओकसलिसे इहिपा याइ। थः मदुम्ह कलाः अपामाया काय् थः सुन्दर चिरिमांलिसे मतिना जूगुलिं मतिना ल्वचं सीगु खतरा दुगु लुइकेधुंकाः सेल्यूकसं इहिपाया निंतिं ग्वहालि याःगु खँ धाःगु दु।
चीन
[सम्पादन]- चिन राज्यया जनरल बाई चीं हान राज्यय् आकाझाकां आक्रमण यानाः सिनचेङ नगर कब्जा याइ । [५]